بفكر اشتري سيريون تااااني ايه رأيكوا؟

[askoda]

الناس عرفت ان انا عربيتي راحت خلاص توتال لوسس

بفكر اشتري سيريون 2008 GLX used for 77,000

أو اشتري كيا سيراتو الشكل القديم بس زيرو من غير أوبشنز اللي هيا أول فئه في الأوتوماتيك و دي ب 85000

لو أنتو مكاني تعملوا ايه؟

[Imhotep]

عن نفسى انا دايما افضل الزيرو.....

[rockana]

للاسف يا اسكودا
انا مع ماهورا
الجديد جديد
بس انت مادام معاك 77 اشتري جديد و قسط الباقي

[bmya]

اكيد السيراتو مفيش مقارنه

[medo_sirion]

السيراتو

[askoda]

I was expecting that you'll tell me to get the sirion .

Any how i'll go today isA to check the colours of the cerato as the agence don't have except (Silver,Black,Nbeety,Black)

I'll check what i can get isA

[bmya]

ياباشا مهو مش عشان احنا معانا سيريون يبقي لازم نقولك سيريون
انت اصلا ظالم السيريون لما تقارنها بالسيراتو انا السيراتو معاياكل يوم تقريبا بتاعت واحد صحبي اوي واقدر افيدك فيها جامد وطبعا هي اتقل واثبت واكبر من السيريون

[أبو عبدالله]

ياباشا مهو مش عشان احنا معانا سيريون يبقي لازم نقولك سيريون
انت اصلا ظالم السيريون لما تقارنها بالسيراتو انا السيراتو معاياكل يوم تقريبا بتاعت واحد صحبي اوي واقدر افيدك فيها جامد وطبعا هي اتقل واثبت واكبر من السيريون

بصراحه انا راي السيريون افضل لأسباب كتير
وعلى فكره
موضوع اثقل واثبت دي لها عوامل كتير
يعني على سبيل المثال
انا عربيتي غيرت الكاوتش بتاعها دلوقتي الى 195/60/14
بصراحه فرق كبير في الثبات وثقل العربيه على الأرض وراحة العفشة زي عين القطه دي معنتش تحس بها زي الأول خالص
يعني انا عاوز لما حد يقارن في الثبات والوزن يبقى ياخد باله من حجم الكاوتش والجنط لأن له عامل كبير جدا جدا في الكلام ده
زي الكورولا 2006 كده برضه نفس الموضوع بتنزل بكاوتش عبيط 14 وهيا المفروض يركبلها على الأقل 205/60/15 مثلا

[bmya]

كلام صح يا ابو عبدالله بس برده السيراتو اصلا ما ينفعش تتقارن بالسيريون
وبعدين بغض النظر عن الثبات
السيريون احسن في ايه بقه
مع العلم ان انا بشد معاه كتير وبسد معه بس هو بيطلع مني عشان طبعا الموتور عنده عزم وهورس باور اقوي من السيريون
المره الوحيده اللي فعلا معرفش يطع مني وكان هيتجنن كان هو مشغل التكييف وبشد معايا غير كده بيطلع مني
العربيه ماشاء الله واسعه ومريحه العزل فيها ممتاااااز
ايه بقه الاسباب الكتير اللي تخلي السيريون احسن؟؟

[askoda]

The Only main thing i see Sirion better than Cerato is SAFETY

Sirion takes 4 stars in the EURONCAP
Cerato took only 3 Stars

The sirion GLX is (ABS+EBD+VSC+ 2 AirBags)

Original cassete CD
Original Rims
Original Spoiler

less than the cerato in price (In my case here with around 10,000 L.E)

[M.Mosaad]

انا في رايي مش بحب اركب اي عربيه شكل قديم و اجيبها زيرو يعني دي نقطة اعتراضي الوحيدة كمان علي اللنسر بومه معنها عربيه جميله جداااااااا بس خلاص راحت علي شكلها
طالما انشاء الله ممكن تجيب زيرو يبقي تدور علي عربيه شكلها جديد و تصميمها يعجبك و كماليتها حلوة
و كمان انا ضد ان اشتري اقل فئة في اي عربيه لاني عملت كدة مع السيريون و بعدين ندمت لاني جبت ال gl و حسيت ان فرق ال 5000 جنيه اللي بينها و بين ال glx كان يستاهل
حاول تظبط فلوسك انك تجيب عربيه شكلها جديد و اعلي فئة في موديلاتها لو حتي هتقسط مبلغ بسيط
السيريون طبعا لا غبار عليها العربيه بعمل بيها كل اللي انا عاوزة لحد دلوقتي
المشكله الوحيدة اللي مضايقاني ان التوكيل مش عارف يحل موضوع علبه الدركسيون و حاسس بسنه اهمال في الفترة الاخيرة نظرا لزيادة المبيعات و دة طبيعي في مصر بس هتلاقي نفس المشكله مع كيا
و ربنا يوفقك انشاء الله

[nour2007]

السيريون ال1000 سي سي 3 سليندر وحرام تدفع المبلغ ده في عربيه 3 سيلندر

[askoda]

السيريون ال1000 سي سي 3 سليندر وحرام تدفع المبلغ ده في عربيه 3 سيلندر

Who said we are talking about the 1000 CC

i'm talking about the sirion GLX
1300 CC
FULLY Loaded (Only fog lights missing)

[bmya]

صح الكلام فعلا السيراتو مع صحبي مفيش فيها اي عوامل امان اصلا ولا حتى ايرباج واحد ولا فرامل ولا اي حاجه
بس علي فكره السيريون مفيش فيها نظام الvsc طبعا شايلينو زي حاجات كتيييييييير

[slim_shika]

أنا لو مكانك هقارن كالاتي:
-حالة السيريون عاملة ازاي:
عاملة كام كيلو
حالة الفبريكة
جايبه علبة ولا لأ
ككل العربية متهانه ولا كانو محافظين عليها.

-هل السيراتو تستاهل فرق الفلوس ولا لأ،
مع العلم إن فرق الاوبشن للسيريون ،
السيريون أوسع من جوا ،
السيراتو شيب قديم ،
فرق الحالة للسيراتو (زيرو ) ،
و أهم حاجة إنت مستريح لأي عربية...