مطلوب مساعدة عاجلة بخصوص ماتيريا 2008 من مادو و الاخوة

[abohalmos]

السلام عليكم و رحمة الله و بركاته

انا معجب جدا بالسيريون و برضه الماتيريا و سألت على الماتيريا الجديدة 2010 فى دايهاتسو قالوا انها ب110 الف و اتوماتيك و مش هاتنزل مانوال .... المهم قولت خلينى اجيب لوجان و لله الحمد برضه عربية كويسة ........ المهم واحد صاحبى كلمنى من القاهرة بيقولى قدامه فى معرض عربية ماتيريا مانوال موديل 2008 و عاملة 46 الف كم .... المهم هوا مايعرفشى صاحب المعرض و لا المالك .... و انا من قنا فى الصعيد .... قولتله طب روح المعرض و شوف العربية ....

المهم العربية طلعت فابريكة برة و جوة و فعلا عاملة 46 الف كم و مانوال و الراجل بيتكلم فى 73 الف لحلوح ..... صوت الماتور هادى و الزراير كلها بحالتها و التكييف حلو و الكاسيت و السماعات تمام .... يعنى جوة و برة فابريكة ...ما عدا كام خربوش فى الباب اليمين الخلفى ... و الراجل قالوه دى تريحة من الركنة و كده .... المهم صاحبى قاللى العربية ظاهريا تحس انها زيرو و صاحبها محافظ عليها .... و الراجل مش ممانع اننا نكشف فى التوكيل او فى اى حتة و كل صيانتها فى التوكيل و الرخصة فيها سنة و نص ....

دلوقتى انا بقى عاوز اعرف هل العربية كده سعرها حلو و لا زيادة ؟؟؟؟؟

و الواحد لو عاوز يتأكد من العربية يروح فين عشان يعرف يطمن انه العربية تمام بجد ؟؟؟؟؟؟ و الموضوع يكلف كام عشان فى حالة عدم التوفيق الواحد مايبقاش دفع كتير و لا ايه ؟؟؟؟

و هل عدم نزول المانوال هيؤثر فى موضوع قطع الغيار ..... يعنى عشان هايبقى كل اللى نازل منها اوتو بس ؟؟؟؟؟؟؟ مع ملاحظة انه عندنا توكيل دايهاتسو فى الاقصر و مركز صيانة معتمد اسمه صن جير ؟؟؟؟


ايه رأى الباشمهندس مادو او محمد اخصائى الماتيريا فى المنتدى و الاخوة الافاضل هنا ؟؟؟؟؟

و فيه سؤال لمادو .... هل شنطة الماتيريا حلوة ؟؟؟؟؟ يعنى سعتها كام لتر ؟؟؟؟ و لما تقدم الكنبة لقدام هل فعلا بتوسع و بتبقى كام لتر او زى شنطة ايه فى العربيات ؟؟؟؟؟ او لو لحضرتك تجربة فى الموضوع ده يبقى جزاك الله خيرا يا باشا .....

برضه فيه نقطة اخيرة ..... انا معايا كاش نص تمن العربية ... و لما سألنا فى المعرض قاللى انه ممكن يقسطلى تبع شركة اسمها الدولية و قال انه كده حلال لانها بتشترى العربية من البائع و بعدين تبيعهاللى ..... ياترى الموضوع ده فعلا حلال و لا ربا ولا ايه ؟ عشان انا بخاف من الموضوع ده قوى .......


معلش يا جماعة على الاطالة ...... و شكرا مقدما

[abohalmos]

ياااااااه 11 مشاهدة و محدش رد واحد

الحمد لله على كل حال

طب عاوز اضيف سؤال تانى هيا الماتيريا 2008 مانوال فول اوبشن فيها ايه بى اس و لا لا ؟؟؟؟؟

شكر ا مقدما

[askoda]

I'll tell you the price of a car i saw last month used:
Model 2009
Full Option Automatic
Milage: 16,000 KM
allover was fabric like zero except for some scratches.

It was first for 95,000 then the price came down to 86,000 L.E

So you can compare the 2 cars then decide the price

But i think it can come little more to be 70,000 L.E

Reagrding the Options i really don't know may be Madoo will answer any technical questions

[abohalmos]

i'll tell you the price of a car i saw last month used:
Model 2009
full option automatic
milage: 16,000 km
allover was fabric like zero except for some scratches.

It was first for 95,000 then the price came down to 86,000 l.e

so you can compare the 2 cars then decide the price

but i think it can come little more to be 70,000 l.e

reagrding the options i really don't know may be madoo will answer any technical questions

الف الف شكر ليك يا اسكودا

حضرتك الوحيد اللى شارك لحد دلوقتى

و فعلا هوا الراجل بيتكلم فى 73 الف و انا ناوى انزلها الى 70 الف ان شاء الله

و برضه الراجل صاحب المعرض قاللى انه بيقسط تبع شركة اسمها الدولية هيا بتشترى العربية من البائع و بعد كده تبيعهالى بفايدة 15% عشان اسلامى و كده و مش عارف الكلام ده حلال و لا ربا مقنع ........ يا ريت لو حد يعرف من الاخوة الاعزاء يقوللى و جزاكم الله خيرا

[shaltot]

أنا رديت عليك في المشاركة الأولى ومعلش إني بتأخر في الرد لأني بدخل على المنتدى يوم ويوم وعموما العربية لغاية 70 ألف كويس لوحالتها فبريكة فعلا وممكن تروح عند د علاء طلعت دايهاتسولاند الموضوع مش مكلف في حدود 100 جنية تقريبا بس علشان تطمئن
والعربية المانيوال فيها epc ,ولا يوجد بها abs

[askoda]

I heared about this company before

But i see 15% is very big number

I prefer to buy a zero car with 9% better

[Haitham10]

انا اللي هقدر افيدك فيه انا شفت اوتو بااسعار زي كدة
Daihatsu Materia
Daihatsu Materia
Daihatsu MIRA
وربنا يوفقك للي فيه الخير
وياريت تجيبلنا تفاصيل اكتر عن موضوع الشركة والمعرض دول الي ممكن يقسطوا

[abohalmos]

الف شكر لكل اللي شارك في الموضوع لحد دلوقتي و منتظر راي عتاولة الماتيريا زي المهندس محمد او مادو .... و باقي ملاك الماتيريا ... الا هوا إيه epc ده و فايدته إيه و إيه سر انخفاض سعر الماتيريا السريع ... و الاخ شلتوت هوا ديهاتسو لاند مكانه فين و الكشف بياخد وقت و لا إيه وبيبين إيه في العربية ويغني عن مشوار التوكيل اللي أنا مكلمه و قاللي الكشف 500 جندي و يريح الواحد باريت لو تقوللي تجربتك و جزاك الله خيرا

[Youssef.Awad]

و برضه الراجل صاحب المعرض قاللى انه بيقسط تبع شركة اسمها الدولية هيا بتشترى العربية من البائع و بعد كده تبيعهالى بفايدة 15% عشان اسلامى و كده و مش عارف الكلام ده حلال و لا ربا مقنع ........ يا ريت لو حد يعرف من الاخوة الاعزاء يقوللى و جزاكم الله خيرا

انا رأيى الشخصى يا فندم إن طالما هناك فوايد تبقى ربوية 100%
وقناعتى الشخصية تقول ان اى حاجة تقسيط تبقى ربا بغض النظر اسلامى ولا غير اسلامى
خصوصا ان العربيات رفاهية وكماليات ومش حاجات ملحة ولا ضرورية للحياة
فياريت حضرتك تكمل المبلغ وتشتريها كاش أفضل
والله أعلم ....

[abohalmos]

إيه الصحرا دي يا جماعة 68 مشاهدة و 3 مشاركات بس ؟؟؟؟؟ يعني للدرجة دي الماتيريا نادرة و لا محدش بيحبها و لا محدش عارف حاجة عنها ؟؟؟؟؟؟؟؟؟؟ طب يقول الكشف في دايهاتسو لاند كويس و لا إيه و بيتعمل فيه إيه محدش راح كشف هناك قبل كده؟؟؟؟؟؟ و شكرا علي كل حال

[أبو عبدالله]

انا رايي انك تكشف عليها في التوكيل افضل
لأن العربيه مش منتشرة قوي وافضل ناس هتفهم فيها هيكون التوكيل بإذن الله

اما من حيث المانيوال والأتوماتيك
فمفيش مشكلة في موضوع قطع الغيار خالص مش هتفرق يعني

ومن حيث وسع الشنطة فأظن ان دي آخر حاجه تشغل دماغك فيها في الماتيريا لأن الوسع هيفجأك مش هيبهرك بس

بس انا اريي انك تشوفلك واحده اتوماتيك افضل

[abohalmos]

انا رايي انك تكشف عليها في التوكيل افضل
لأن العربيه مش منتشرة قوي وافضل ناس هتفهم فيها هيكون التوكيل بإذن الله

اما من حيث المانيوال والأتوماتيك
فمفيش مشكلة في موضوع قطع الغيار خالص مش هتفرق يعني

ومن حيث وسع الشنطة فأظن ان دي آخر حاجه تشغل دماغك فيها في الماتيريا لأن الوسع هيفجأك مش هيبهرك بس

بس انا اريي انك تشوفلك واحده اتوماتيك افضل

الف شكر ليك يا ابو عبد الله على المشاركة الحلوة دى و رأيك الجميلة

انا فكرت فى حل وسط بدل ما ادفع 500 جنيه فى التوكيل عشان الكشف ...... انا كلمت المهندس علاء طلعت بتاع دايهاتسو لاند معرفشى حضرتك تعرفه و لا لا ؟؟؟؟؟ .... الراجل ذوق جدا و قاللى انه الكشف عنده بجهاز اعطال دايهاتسو و الكشف ب 100 جنيه و عمله ب 75 جنيه لما عرف انى من نايل موتورز ..... و بعد ما اكشف عنده ان شاء الله لو قاللى العربية كويسة و فابريكة زى صاحبها ما بيقول يبقى اروح التوكيل و انا مطمن و اكع 500 لحلوح بعد ما اتفق مع الراجل انه اللى هايطلعه التوكيل فى العربية يتخصم من التمن ان شاء الله

ايه رأيك يا ابو عبد الله فى الفكرة دى ؟؟؟؟؟

انا بحب سواقة المانوال و ماليش فى الاتوماتيك خااااااالص

بس منك نستفيد برضه لو تعرف تقوللى ايه الكماليات اللى فى المانوال و الاتوماتيك فى الماتيريا ؟؟؟؟؟؟

الحاجة التانية اللى عاوز رأيك فيها انه المعرض قاللى انه بيقسط مع شركة اسمها الدولية ...... و كل اللى عليا انى اجيبله صورة البطاقة ووصل نور و مفردات مرتب اعلى من القسط و ادفع على الاقل 40% كااش و الباقى بفايدة 15% ..... و الاجراءات تاخد 4 ايام و استلم العربية من المعرض و اتفق مع الشركة تبعتلى مندوب كل شهر ياخد القسط .....السؤال بقى هل الكلام ده حلال و لا ايه النظااااام ؟؟؟؟؟؟ انا لو ربنا شاء و طلعت العربية كويسة هادفع النص و اقسط النص على سنتين او ثلاثة ان شاء الله ....

برضه عندى سؤال لو كلام الراجل صح و العربية بالمواصفات دى تمنها يبقى كااااااااام هل 70 باكو و لا اقل شوية ؟؟؟؟؟؟؟

[madoo]

انا فعلا اسف اسف اسف لتأخير فى الرد ...والله مطحون على الاخر واليو اس بى موديم باظ وكان فى التوكيل فمكنتش بدخل على النت اساسا

بخصوص سعر العربيه زى الفل كويس ولو نزل لبقى 70 يبقى تمام التمام طبعا

العربيه المانيول الفول اوبشن هى نفس مواصفات الاوتو الاتنين فيهم ايه بى اس و2 ايرباج

والشنطه تعتبر معقوله مش واسعه زى السيدان ...ومش ضيقه اوى زى الهاتس باك

هى الفكره كلها انك تحمل الشنط بالطول فوق بعض مش جنب بعض يعنى حط الشنك الكببيره تحت وركب فوقيهم بقيت الشنط وشيل الاستاند اللى عندك فى الشنطه واملاها لغايه السقف............انا روحت بيها المصيف وسافرت كتير بها

بالنسبه للكشف فى التوكيل هو 500 بس هجيبلك تفاصيل العربيه وهى عربيتهم وادرى بيها ...وانا اميل للناحيه دى

دايهاتسو لاند فعلا عندهم جهاز كشف الاعطال ...ومكانهم فى الحرفيين
ووصف المكان اهو ....تدخل دخله الحرفيين من اول جسر السويس وتمشى مع سور الجيش اللى هيبقى على يمينك لغايه اما توصل للصينه ودى اسمها ميدان الجامع ادى اشاره شمال وادخل الشارع ده هتلاقى فى نص الشارع واحد بتاع كشرى اسمه قنديل امشى لاخر الشارع وادخل ن شمال هتلاقى دايهاتسو لاند فى اول الشارع ده على اليمين

موضوع التقسيط مش قادر افيدك بصراحه


واسف كمان مره على التاخير فى الرد ...ياريت تسامحنى

[abohalmos]

و لايهمك يا مادو باشا ..... مفيش مشكلة خاااااااااااااااااااااالص

انا لما لاقيتك ما دخلتش بعتلك على الخاص ..... و اسف انى بعتلك من غير استذان يا باشمهندس

بس انا عارف انك اكتر واحد بيحب الماتيريا و هاتقدر تفيدنى فيها

انا بحبها جدا بس كانت بعيد عنى عشان موضوع السعر بتاعها و كونت خلاص راسى على اللوجان بس لما لاقيت دى اتجننت عليها و نفسى بجد فيها بعد مشيئة ربنا طبعا و عملت استخارة طبعا ...

بس نفسى اطمن من ناحية العربية و حالتها اكتر و المشكلة انى فى الصعيد و خليت زميلة راحت بصت عليها و كلمتنى و هيا مبهورة بالعربية اوى و قالتلى فعلا شكلها زيرو و كل حاجة بحالتها و الزراير كلها شغالة و صوت الماتور و التكييف و الكاسيت و كله ما عدا كام خربوش فى الباب الايمن الخلفى و فابريكة برة و جوة و عاملة 46 الف كم تقريبا و الراجل ادانى رقم الشاسيه و الماتور و رقم العربية و اسم المالك و هيا فى معرض و ان شاء الله اخو المدام و هو مهندس بيدرس طيران هيروح يبص عليها بكرة و يبعتللى صورها على الموبيل و بعدين يروح بيها دايهاتسو لاند عشان الكشف و لو كان اوكى هايروح بيها التوكيل تانى يوم ان شاء الله و نكع 500 جندى عشان الواحد مايدبسشى فيها .......يعنى الموضوع انا واخده على مراحل بس بالنسبة للتوكيل الراجل بتاع المعرض قاللى عاوز تكشف فى التوكيل روح بس فلوس الكشف عليك مش علينا ....... هل دى حاجة طبيعية و لا ايه ؟؟؟؟؟؟؟؟؟

بالنسبة للعربية هل 46 الف كم فى سنتين معدل كويس و معناه العربية لسة حالتها حلوة و لا العربية مهلوكة و طالع عينها ......؟؟؟؟؟


ايه رأى حضرتك فى التعامل بتاع دايهاتسو لاند ........ هل ناس كويسين بجد و خبراء و الواحد يطمن للنتيجة بتاعتهم و لا ايه ..؟؟؟؟ لانه بناء على كلامهم العربية هاتروح التوكيل و ادفع 500 جندى ؟؟؟؟؟؟؟

و هل عندهم قطع غيار الماتيريا ؟؟؟؟ و ايه اسعار قطع الغيار بتاعة الماتيريا دلوقتى لانه الموجود فى المنتدى هنا اسعار من 2007 بالذات للماتيريا و لا ايه رأيك ؟؟؟؟؟

و بعدين انا قريت كل المشاركات عن الماتيريا و لقيتك وعدت الناس بتقرير مصور عن الماتيريا و ملقيتوش خاااااااااالص يا ترى حضرتك عملته و لا لسه ؟؟؟؟؟؟

معلش انا بتقل على حضرتك بس ذوقك و مشاركاتك اللى مليانة جدعنة و اخلاق هيا اللى شجعتنى على الطلبات و اكيد لو تسمح رقم موبيلك تبعتهولى على الخاص عشان لو اتزنقت فى معلومة سريعة ........ يمكن ربنا يشاء و ابقى ماتيرياوى زميل


اخيرا الف شكر لحضرتك و اسف على الاطالة يا باشمهندس محمد

[madoo]

انا شايف من وصفك كده ان العربيه فابريكه فعلا ....والخرابيش دى شئ طبيعى جدا فى القاهره علشان الزحام الفظيع مافيش عربيه بتسلم منه ولا حتى الركنات انزل القاهره وامشى كده وبص على العربيات هتلاقيها كلها مخبطه ومخربشه دا كان فى موضوع هنا فى المنتدى على ان عربيتك صمدت كام يوم قدام الخرابيش وفى ناس كانت بتقول من اول يوم العربيه جات فيه

انا راى الشخصى افضل الكشف فى التوكيل (دا لو انت واخد الموضوع جد فعلا وخلاص هتخلص ..على الاقل علشان ميبقاش عندك شك 1% فى العربيه وهتعرف اللى فيها ...لراحتك النفسيه مش اكتر ولا اقل )
الناس فى دايهاتسو لاند ناس كويسه فعلا وانا اسمع عنهم من قبل ماجيب عربيتى اساسا بس للامانه انا متعاملتش معاهم قبل كده دى تجارب ناس وحكوا عنها ....ومكانهم انا حافظه كويس وشرحته لحضرتك فوق

حكايه ان العربيه انها عامله 46 الف فى سنتين .....يعنى بمعدل 23 الف فى السنه الواحده انا عن نفسى شايفه معدل كويس
انا عربيتى عامل بيها 19 الف تقريبا فى 10 شهور والمعدل الطبيعى بيبقى من 18 الف الى 25 الف مش متاكد بالظبط مع انى شايفها مش قاعده يعنى فى عربيه تستحمل وعربيه لا ....وبأمانه والله العظيم وربنا يحاسبنى الماتيريا فعلا تستحمل اسأل ميدو سيريون عن ماتيريا بتاعت اسماعيل كاسر بيها ال 100 الف بكتيررررر فى 3 سنين والعربيه بسم الله ماشاء الله فبريقه
وانا عن نفسى مش بتحرك غير بيها وعامل كيلوات كتير ومقلتش لا ومافيش غير غيار الزيت والفلتر وانساها ومتنساش انته لسه باقى معاك كتير فى الضمان

بالنسبه لقطع الغيار هى زادت شويه عن الارقام اللى فى المنتدى ...لو محتاج تفاصيل اكتر كلم التوكيل واسألهم براحتك عن كل قطعه غيار انت عاوزها

وبره التوكيل بعد الفحص واللف وجدنا كام واحد فى الحرفيين عنده بعض قطع الغيار ليها

انا واحد صاحبى قبل العيد كلمنى قبل العيد علشان ياخد رقم لون البويه بتاعت العربيه (النبيتى ) فبسأله ليه قالى واحد صاحبه كان عامل حادثه جامده بماتيريا ومغير ربع قدام وصلحها بره التوكيل وجاب كل شئ من بره التوكيل باقى له بس الدهان وهيرش بره كمان (يكفينا ويكفيك شر الحوادث )

انا بعتلك رقمى لو محتاج اى شى كلمنى على طول