@@ ّّ صيانة 40 الف وتعديل مقاس الكاوتش ّّ @@

[أبو عبدالله]

بسم الله الرحمن الرحيم

بحمد الله وفضله اتميت بالسيارة السيريون الثلاث سنوات من الأمتلاك
وتم خلالها لحد الآن قطع ما يقارب 50 الف كم
وبما أن العربيه تعدت فترة زمنية ثلاث سنوات
والى هذا الوقت لم يتم عمل صيانة 40 الف كم
فقررت اني اعملها علشان المدة الزمنية اللي هيا ثلاث سنوات
لأن هناك اشياء يتم استبدالها لو مر عليها اكثر من سنتين الى ثلاث سنوات خصوصا الزيوت
تم عمل الصيانة وانا عامل بالعربيه 47 الف كم

ما تم تغييره في الصيانة يأتي بالتفصيل كالآتي :

1 - تم تغيير فلتر الهواء .... 165 جنيه

2- تم تغيير تيل الفرامل .... 402 جنيه
( مع العلم أني لم ده تاني تيل يتغير في عمر العربيه أول تيل غيرته أنه نشف من الميه بتاعت غسيل العربيه )

3- تم تغيير زيت الفرامل .... 30 جنيه
( تم التغيير بزيت فرامل تويوتا الأصلي من عرفة جابر بشارع دمشق العبوة عبارة عن حوال 320 ملي وتم استبدال زيت العربيه القديم بالجديد وتبقى حوال اكثر من نصف العبوة )

ودي صورة لزيت الفرامل تويوتا الأصلي

4- تم تغيير سير المجموعة .... 120 جنيه
( السير القديم والله حالته كويسه جدا ولكن الواحد غيره للأطمئنان ولمرور فتره زمنيه كبيره عليه وهيا ثلاث سنوات ولكن شكله يقعد اكتر من كده بكتير )

5- تم تغيير مياه التبريد للرادياتير كلها .... 60 جنيه
( تم تغييرها بمياه تبريد موبيل )

.... مصنعيات التوكيل للصيانة 352 جنيه

[info]جميع النقاط السابقة تم تغييرها بالتوكيل في الصيانة أما باقي النقاط فتم تغييرها خارج التوكيل بمعرفتي [/info]

6- تم تغيير زيت الفتيس .... 105 جنيه
( تم تغيير زيت الفتيس بزيت DX III من شركة bp معبأ في الامارات واستبدال الزيت يحتاج الى 2.2 لتر من الزيت الجديد والعبوة عبارة عن واحد لتر فقط بسعر 35 للعبوة الواحدة فبالتالي بتشتري ثلاث عبوات ويتبقى معك حوالي 0.8 لتر )

ودي صورة لعبوة زيت الفتيس

7- تم تغيير البوجيهات .... 230 جنيه
( تم شراؤها من شركة التوفيق بالمعادي وهيا وكيل بوجيهات NGK اليابانية ولكن للعلم بالشئ البوجيهات التي تم تغييرها ليست بنفس رقم البوجيهات اللي كانت موجوده في العربيه الأصلي يعني الأصلي رقمهم IFR 6 J11 واللي انا اشتريتهم رقمهم كما في الصورة هو IFR5 J11 والراجل في شركة التوفيق أكدلي ان الفارق لا يعتبر يعني )

صور للبوجيهات

[OVERLINE]8- تغيير فلتر الزيت .... 48 جنيه
[/OVERLINE]( وتم شراءه من التوكيل وتغيير الزيت خارج التوكيل لأني بستعمل شل وليس موبيل وان )[COLOR=Blue]



9- تم تغيير الكاوتش الأصلي للسيارة الدانلوب الياباني مقاس 175/65/14 بالكاوتش الكونتينينتال مقاس 195/60/14
( سعر فردة الكونتينينتال .... 380 جنيه واسم الموديل
ContiPremiumContact 2

)

ودي صورة الكاوتش الأصلي الدانلوب




ودي صورة الكاوتش الجديد الكونتينينتال





ودي بعض مميزاته


Ground pressure of the block tread during braking



Ground pressure of the strip tread during braking

مميزات تغيير مقاس الكاوتش :

1- راحة ونعومة اداء العفشة ككل
بجد فارق جميل جدا بين الكاوتش 175 والكاوتش 195
مفيش هربده مع عين القطط على الطريق ولا الشوارع المكسره وفيه زلط وطوب صغير
كل الكلام ده الكاوتش بياخده وانت متحسش بأي حاجه منه

2- ثبات اكتر وطبعا ده اكيد بسبب عرض الكاوتش

3- العربيه رِسْيِتْ شويه عن الأول
العربيه كانت بتهتز كتير مع كل حاجه في الشارع تيجي يمين وشمال مع كل حفره او مطب ولكن الكاوتش الآن بقى ثقيل على الأرض وعامل وزن فالعربيه بقت ارسى من الأول فعلا

العيوب :

1- أكيد في فارق بزيادة في استهلاك البنزين هو مش حاجه قوي ولكن هناك فارق علشان اللي هيغير يبقى عارف برضه .

2- الأتوماتيك بيظهر فيه الثقل بتاع العربيه عن المانيوال اكتر علشان السلانسيه


تقييمي للكاوتش الجديد ::

بصراحه اكتر من ممتاز فرق في حاجات كتير فعلا
- نعومة اداء العفشة عن الأول
- ان العربيه تقلت عن الأول ده شئ كويس لحد كبير
- الكاوتش الكونتينينتال ده تحفة بجد ناعم جدا واداءه ممتاز


وعلى فكره لقيت بعد كده كاوتش دانلوب جنوب افريقي الفردة عامله حوالي 320 جنيه بس النقشة بتاعته جامده قوي بصراحه

وده شكله





وفي النهاية تقبلوا تحياتي واي استفسارات انا موجود ان شاء الله

[bmya]

10000 مبروك يا ابو عبدالله على الصيانه
بس ليه كام سؤال كده اولا هل العربيه السحب بتاعها اصبح تقيل او بطيئ بدرجه ملحوظه بعد تغيير مقاس الكاوتش لان انا عايز اجنط 15 بس مستني لما اوصل لمرحله تغيير الكاوتش فلو ال14 متقل السحب يبقى 15 هيموت العربيه وبعدين ازاي تتقل اذا كانت بتنزل بره بجنوط 16 ؟ومش عارف ليه حاسس ان نقش الكاوتش الجديده مش عاطفيه خالص وان النقشه بتاعت الكاوتش الاصلي كانت اظرف منها ليه مجبتش كوتش سرعات او نفس النقشه بتاعت الكاوتش الاصلي

[أبو عبدالله]

10000 مبروك يا ابو عبدالله على الصيانه
بس ليه كام سؤال كده اولا هل العربيه السحب بتاعها اصبح تقيل او بطيئ بدرجه ملحوظه بعد تغيير مقاس الكاوتش لان انا عايز اجنط 15 بس مستني لما اوصل لمرحله تغيير الكاوتش فلو ال14 متقل السحب يبقى 15 هيموت العربيه وبعدين ازاي تتقل اذا كانت بتنزل بره بجنوط 16 ؟ومش عارف ليه حاسس ان نقش الكاوتش الجديده مش عاطفيه خالص وان النقشه بتاعت الكاوتش الاصلي كانت اظرف منها ليه مجبتش كوتش سرعات او نفس النقشه بتاعت الكاوتش الاصلي

جزاك الله كل خير
أولا موضوع السحب ده مش حاسه لأن انت عارف الاتوماتيك
اما هو السلانسيه اللي ظاهر فيه الموضوع بس ده بسبب ان الأتوماتيك لما بيبقى عليه ضغط عكسي بيخف البنزين شويه مش زي المانيوال يعني
ثانيا نقشة الكاوتش يمكن الصورة مش حلوه ولكن هيا النقشة خطيره جدا وشكلها جامد ودي صورة لها وعلى فكره اسم الموديل
ContiPremiumContact 2 وليس ContiSportContact 2





نسيت نقطة أخرى :

9- تغيير فلتر الزيت .... 48 جنيه
( وتم شراءه من التوكيل وتغيير الزيت خارج التوكيل لأني بستعمل شل وليس موبيل وان )

[bmya]

فعلا النقشه في الصوره دي شكلها اتعدل الصوره اللي كنت مصورها كانت مضيع شكله خالص ربنا يبارك لك فيهم
طيب بالنسبه للزيت عادي لو غيرت شيل بعد موبيل ولا فيها مشكله اصل انا بغير موبيل 5000 مش موبيل وان عشان مشاوير مش كتير بيها هل لو غيرت شيل 5000 عادي ولا ايه

[askoda]

1000 مبروك
و عقبال صيانه ال455555

[aliabutaleb]

ألف مبروك الصيانة والكاوتش يابو عبد الله
شفت عجّزنا إزاي؟
بعد ما كنا بنتكلم عن فحص الألف وصيانة الخمس آلاف بقينا بنتكلم في صيانة الـ 40 ألف :)
أنا قدامي أقل من شهر إن شاء الله وأعمل صيانة الأربعين برضة
دعواتك :)
كدة إجمالي المدفوع للصيانة بدون تيل الفرامل: 1110 جنيه. صحح لي لو غلطان
عندي سؤال أخير
هل هناك فارق في الأداء بين البوجيهات اللي جبتها والبوجيهات الأصلية؟

[madoo]

الف مليون مبروك على الصيانه والكاوتش وكل جديدك

استفسارتى انا اسف كتير
1- فلتر الهوا دا اول مره تغيره ولا دى تانى مره اللى انا اعرفه انه بيتغير فى ال 20 الف كيلو صح ...اصل انا عامل 19500 وخلاص هانت (انا معايا ماتيريا مش سيريون)
2-هو اساسا التيل بيتغير على كام كيلو
3-بالنسبه للزيوت اللى هيا زيت الفرامل والفتيس الاوتو انت اشترتهم من بره وفى التوكيل رضوا يغيرهولك عادى يعنى ...طيب فى التوكيل بيحطوا زيوت ايه

4- هى صيانه ال 40 الف فعلا فيها تغير البوجيهات ولا انت مغيرهم علشان الوقت ...طيب ازاى كمان التوكيل يرضى يغيرلك حاجه من بره التوكيل وكمان تعتبر نوع ااقل ولو حتى بنسبه بسيطه

5- لو برده تعرف تقولى ايه اللى بيتم فى صيانه ال20 الف ( ده سؤال شخصى ليا انا )

بالله عليك مش تتضايق من اسئلتى الكتير ومبروك كمان مره

[توفيق طة]

ألف مبروك الصيانة والكاوتش يابو عبد الله
شفت عجّزنا إزاي؟
بعد ما كنا بنتكلم عن فحص الألف وصيانة الخمس آلاف بقينا بنتكلم في صيانة الـ 40 ألف :)
أنا قدامي أقل من شهر إن شاء الله وأعمل صيانة الأربعين برضة
دعواتك :)
كدة إجمالي المدفوع للصيانة بدون تيل الفرامل: 1110 جنيه. صحح لي لو غلطان
عندي سؤال أخير
هل هناك فارق في الأداء بين البوجيهات اللي جبتها والبوجيهات الأصلية؟

ههههههههههه:POINTI~2[2]: ضحكتنى قوى ياأبو حمزة عجزتم اية ياراجل فال الله ولا فالك؟؟

أمال أناأقول ايـــة؟؟ 62000 كيلو حصوة فى عين اللى ما يصلى على النبى..

آل عجزتم آل..

تحيـــــــــــــاتى

[Imhotep]

مبروك يا ابو عبد الله..... شكرا على التقرير الممتاز و عقبال صيانة ال 400 الف

[M.Mosaad]

الف مبروك و عقبال ماتجيب احسن منها انشاء الله
حاجة كدة فئة سابعة و لا سادسة

[أبو عبدالله]

فعلا النقشه في الصوره دي شكلها اتعدل الصوره اللي كنت مصورها كانت مضيع شكله خالص ربنا يبارك لك فيهم
طيب بالنسبه للزيت عادي لو غيرت شيل بعد موبيل ولا فيها مشكله اصل انا بغير موبيل 5000 مش موبيل وان عشان مشاوير مش كتير بيها هل لو غيرت شيل 5000 عادي ولا ايه

عادي لو غيرت بين شل وموبيل بس مش عالطول
يعني مش كل مره تغير لحاجه يعني

1000 مبروك
و عقبال صيانه ال455555

الله يبارك فيك يا جميل
قصدك صيانة 60 الف
انت مش واخد بالك ان صيانة 40 الف عاملها عند 47 الف

ألف مبروك الصيانة والكاوتش يابو عبد الله
شفت عجّزنا إزاي؟
بعد ما كنا بنتكلم عن فحص الألف وصيانة الخمس آلاف بقينا بنتكلم في صيانة الـ 40 ألف :)
أنا قدامي أقل من شهر إن شاء الله وأعمل صيانة الأربعين برضة
دعواتك :)
كدة إجمالي المدفوع للصيانة بدون تيل الفرامل: 1110 جنيه. صحح لي لو غلطان
عندي سؤال أخير
هل هناك فارق في الأداء بين البوجيهات اللي جبتها والبوجيهات الأصلية؟

الله يبارك فيك
فعلا اجمالي المدفوع من غير التيل والكاوتش طبعا 1110 جنيه
بس عندك ( زيت فرامل 30 جنيه + زيت فتيس اتوماتيك 105 جنيه + بوجيهات 230 جنيه ) = 365 جنيه من خارج الفاتورة بتاعت التوكيل لأنهم من خارج التوكيل
ومتنساش الزيت موبيل وان او شل

بخصوص البوجيهات والله يا ابو حمزة مش قادر أحدد لأن المتغييرات كتير
ولكن في الغالب ان مفيش فارق واضح او محسوس

وعلى فكره بوجيهات السيروين الكاملة غير بوجيهات السيريون الغير كاملة
يعني الموديل glx الموديل الوحيد اللي بيتغيرله بوجيهات دينسو ايريديوم في التوكيل بحوالي 400 جنيه وكسر
بس للامانة بوجيهات ولا كلمة وعلى فكره تقريبا لما بتبقى موجوده بره التوكيل بتتباع في حدود 400 جنيه برضه
اما باقي موديلات السيريون xl و gl بيتغيرلها بوجيهات دينسو عاديه البوجيه بحوالي 40 جنيه فقط

وبعدين على فكره يا جماعه صيانة 40 الف دي انا بعتبرها بدري على العربيه
انا غيرت ده كله علشان مرور 3 سنوات على العربيه
يعني لو انا كنت لسه مثلا بقالي سنه ونص مثلا مكنتش هعملها دلوقتي وعلشان كده انا كنت مأخرها
انا اللي خلاني اعملها الزيوت زي زيت الفتيس والفرامل المفروض بيتم استبدالهم بحد اقصى ثلاث سنوات حتى لو مشتغلوش كتير

الف مليون مبروك على الصيانه والكاوتش وكل جديدك

استفسارتى انا اسف كتير
1- فلتر الهوا دا اول مره تغيره ولا دى تانى مره اللى انا اعرفه انه بيتغير فى ال 20 الف كيلو صح ...اصل انا عامل 19500 وخلاص هانت (انا معايا ماتيريا مش سيريون)
2-هو اساسا التيل بيتغير على كام كيلو
3-بالنسبه للزيوت اللى هيا زيت الفرامل والفتيس الاوتو انت اشترتهم من بره وفى التوكيل رضوا يغيرهولك عادى يعنى ...طيب فى التوكيل بيحطوا زيوت ايه

4- هى صيانه ال 40 الف فعلا فيها تغير البوجيهات ولا انت مغيرهم علشان الوقت ...طيب ازاى كمان التوكيل يرضى يغيرلك حاجه من بره التوكيل وكمان تعتبر نوع ااقل ولو حتى بنسبه بسيطه

5- لو برده تعرف تقولى ايه اللى بيتم فى صيانه ال20 الف ( ده سؤال شخصى ليا انا )

بالله عليك مش تتضايق من اسئلتى الكتير ومبروك كمان مره

الله يبارك فيك يا جميل
ولا يهم اسأل زي ما انت عاوز

1- فلتر الهواء تاني مره يتغير وهو فعلا بيتغير غالبا عند 20 الف
هو ممكن يقعد اكتر من كده ولكن مش في بلدنا
بلدنا بتهلك اي حاجه هو بعد ما يعدي 10 الف كم بيدخل في مرحلة النزول وبعد 15 الف كم بتصبر نفسك لحد ما يوصل الى 20 الف علشان تغيره

2- التيل غالبا من 20 الف الى 30 الف حسب الأستخدام وممكن اكتر من كده لو مانيوال والسواق سواقته هاديه

3- التوكيل متعاقد مع موبيل في كل زيوته وهو بيضمن الحاجه لأن ده زيته هو
انا مغيرتش في التوكيل حاجه من اللي اشترتها من بره غير زيت الفرامل تويوتا الأصلي بس ولما المهندس قالي مش هينفع انا اساسا كنت في اخر الضمان والضمان بتاعي خلص
فقولتله لأ ان شاء الله هينفع لأن انا المسئول لو حصل من الزيت حاجه

4- البوجيهات على فكره برضه بتقعد اكتر من كده بس لو عرفت تسنفرها كويس
يعني انا عندي فرشة حديد بتركب في الشنيور نظفت بها البوجيهات وبقت كويسه ولكن كنت اشتريت الجديده وغيرتها وخلاص
البوجيهات مشكلتها انا بتتوسخ من حرق البنزين النظيف قوي بتاعنا في مصر
وهيا المفروض تقعد لحد 100 الف كم
ولكن في بلدنا الجميلة بيقولك عند 40 الف وتريح دماغك
انا ظني وتقديري لما اعلمه ورأيته انك ممكن تفضل ماشي بها لحد من 50 الى 60 الف كم
واظن ان صيانة 40 الف ايضا لو لم يمر عليك فتره زمنيه كبيره مثلي من الممكن بسهولة انك تعديها لحد 50 الف او 60 الف كمان
انا العربيه عندي مر عليها ثلاث سنوات وسير المجموعه والله طالع حالته عاديه جدا وشكله مفيهوش اي مشكله يعني ولا مشقق ولا نشف ولا اي حاجه وشكله قريب من الجديد

5- صيانة العشرين مفيش تغيير لحاجه غير الحاجات المعتاده زي
( الفلاتر فلتر هواء وفلتر زيت + الزيت طبعا بتاع الماتور + فحص مياه الرادياتير وتزويدها + فحص التيل اذا كان محتاج لتغيير او لأ وتنظيفه هو والخلفي ايضا + تربيط على العربيه ككل خصوصا العفشة )
يعني مفيهاش شئ كبير

وربنا ييسرلك امرك ويباركلك في العربيه ان شاء الله

ههههههههههه:pointi~2[2]: ضحكتنى قوى ياأبو حمزة عجزتم اية ياراجل فال الله ولا فالك؟؟

أمال أناأقول ايـــة؟؟ 62000 كيلو حصوة فى عين اللى ما يصلى على النبى..

آل عجزتم آل..

تحيـــــــــــــاتى

شكرا لمرورك يا استاذ توفيق
ومنورنـــــــــــــــا والله

مبروك يا ابو عبد الله..... شكرا على التقرير الممتاز و عقبال صيانة ال 400 الف

الله يبارك فيك آمين يا رب

الف مبروك و عقبال ماتجيب احسن منها انشاء الله
حاجة كدة فئة سابعة و لا سادسة

ربنا يبارك فيك
بس قولي حاجه كده زي ليجاسي او لكزس
ربنا يكرم انا اتجاهاتي لكزازيه او ليجاسيه

[Col. Eng. Khaled]

ربنا يكرم انا اتجاهاتي لكزازيه او ليجاسيه

ربنا إن شاء الله يوسع على حضرتك ، انت راجل محترم و تستاهل كل خير

مبروك الصيانة و تعيش و تدوّب

[أبو عبدالله]

ربنا إن شاء الله يوسع على حضرتك ، انت راجل محترم و تستاهل كل خير

مبروك الصيانة و تعيش و تدوّب

ربنا يكرمك ويبارك فيك
وشكرا لمرورك ومنورنا دائماً
واحنا بنتعلم الأحرتام من حضرتك اكيد والله

[slim_shika]

مبروك يا أبو عبد الله على الصيانة ,
سؤال سريع , لما غيرت مقاس الكاوتش فرق معاك في عداد السرعة؟
وعقبال صيانة el-40 بتاعت Lexsus ..ان شاء الله ...

[أبو عبدالله]

مبروك يا أبو عبد الله على الصيانة ,
سؤال سريع , لما غيرت مقاس الكاوتش فرق معاك في عداد السرعة؟
وعقبال صيانة el-40 بتاعت lexsus ..ان شاء الله ...

الله يبارك فيك
فارق العداد عامل حوال 1 كم وكسر
يعني يعتبر مش حاجه
لأن الفارق بين المقاسين حوالي 2.5 %
وفي مقاس تاني الفارق بتاعه - 0.35 % بس
يعنيي مفيش وهو مقاس 205/55/14 ولكن مشكلته انه هيوطي العربيه واساسا ملقتهوش
وشكرا على اللكزس