صيانة السيريون كل 10000 كيلو

[dogma]

ارجو المشورة من ذوي الخبرة في السيريون و صيانة السيارات عموما
نظرا لقلة خبرتي في صيانة السيارات فانا ريحت دماغي و بعمل صيانة كل 5000 كيلو في التوكيل و تقريبا هما اللي بيحددو ايه المطلوب في الصيانة من تغيير فلاتر او تدوير الكاوتشات وعملت كدة تلات مرات لان عربيتي عاملة 18000 دلوقتي
بس 5000 كيلو دي انا بقيت بعملها في مدة بسيطة فكل شوية مشوار التوكيل غير الفلوس
فهل ممكن اني اخليها كل 10000 كيلو بس في نفس الوقت احافظ على العربية
واذا كان ممكن حد ينزل زي جدول بايه المطلوب يتعمل عند كل 10000 كيلو
ارجو المساعدة والاهتمام

[أبو عبدالله]

حضرتك متعملش اي حاجه
اذا كان قصدك ان كل 10 الاف تروح تعمل صيانة في التوكيل
فمفيش مشكلة خالص مادام انت بتعملهم في وقت قصير
ولكن لو انت مش حاطط زيت موبيل وان اخر مره
يبقى لازم تغير الزيت بعد كده لموبيل وان وتغير اللي انت حطه دلوقتي بعد ما يعدي عليه 5 الاف كم

مفيش مشكلة انك تعملها كل 10 الاف كم
وبالتوفيق ان شاء الله

[rzeiny]

انا في ال5000 غيرت موبيل 1 دلوقت وصلت 15000 وجيت احجز الصيانة قالولي لازم تعمل ال10000 علشان رجلاش الفرامل ودوران العجل ونغير الزيت بالمرة وبعدين تكمل 25000 ,35000 وهكذا فهل الكلام ده صحيح ولا ايه الموضوع بالضبط

[dogma]

شكرا يا ابوعبدالله على الاهتمام