سؤال عن السريون يا ابو عبدالله ؟؟

[hitham_sh]

السلام عليكم انا اول مره اشارك في المنتدي والي خليني ادخل منتديات السيارات اني ناوي ان شاء الله اجيب عربيه زيرو ان شاء الله وانا والله محتار جدا بين حجات كتير منها الفرنا والانوس والاسبرنزا والكليو والانسر 1300 لحد ما قريت كلامك عن السريون يا ابو عبداللله بصراحه من كلامك ارتحت للعربيه جدا بس انا دورت على حد يكون راكب العربيه من صحابي او معارفي للاسف ملقتش بس ليا صديق راكب الشاريد وهوا مبسوط منها جدا جدا وده طمني اكتر واكتر معلش انا طولت عليك سؤالي عن العربيه عن تكيفها بيبرد كويس ولا لا و بيخنق العربيه اوي ولا مش ملحوظ ؟؟
والف شكر ليكي يا باشا على تعاونك معانا معلش قرفينك وتعبينك بس ربنا يخليك لينا وياريت تقولي كمان اسعارها ايه دلوقتي والعادي منها دوساتو خفيفه ونقلاتها خفيفه ولا ايه النظام :)

[sokasoon]

انت قصدك على الشاريد

[SARAMYOUSSEF]

ياتري السوريون المنيوال ايه الوبشن اللي نازله معها؟
كاسيت سي دي؟سنتر لوك؟اير باج؟؟
برجاء الرد و شكرا

[hitham_sh]

لا يا باشا انا اقصد السريون

[عبد الرحمن اسامه]

السلام عليكم،
انا بردو عايز اشترى السيريون انا حجزها بس لسا مستلمهاش.
اقل اوبشن فى السيريون الموجودين و ده الى انا حجزو كالأتى
مانوال، ٤ ازاز كهربا، باور الكتورنى، ٢ اير باج، سنتر، كاسيت بس مش بتاعها كاسيت بيونير من غير CD او mp3
و طبعا الدايهاتسو يابانى ١٠٠٪ التكيف بتاعها مفيهوش كلام.

انا بصراحة مستريحلها جدا و حاجزها و انا مبسوط بس انا خايف من حاجة واحدة ١- اسعار قطع غيارها ٢- تكاليف تصليحها ٣- سهولة اعادة البيع
و دى متهيألى مشاكل اى عربية نادرة، ممكن حد يطمنا من النواحى دى؟

[أبو عبدالله]

السلام عليكم ورحمة الله وبركاته

هو زي ما اخونا عبد الرحمن قال ان العربيه ياباني يبقى متتكلمش في التكييف خالص
والله انا من اوائل الحاجات اللي عجبتني في العربيه ان التكييف لما بيشتغل لا يؤثرعلى أداء الماتور
وتبريده .... ماشاء الله

واما عن موضوع النقلات والدواسه والكلام ده فمتهيالي برده بما انها ياباني فمتسالشي عن الحاجات دي لأنك مش هتلاقي أخف من الياباني والكوري مجربه في النوبيرا ... خالص

واما لأخونا عبدالرحمن

فموضوع قطع الغيار ده ليس مشكله لسبب ان أسعار التوكيل تقارب اسعار قطع الغيار لتويوتا
وبعدين في نقطه مهمه ان قطع الغيار بتاعت دايهاتسو نفس انواع قطع غيار تويوتا مثل NGK , Denso
ودي قطع غيار معمره جدا ومش بتتغير كل كام شهر ......
فانت بدل ما تغير كل 20 الف فلتر هواء مثلا بـ 20 جنيه هتغيره كل 40 الف مثلا بـ 30 جنيه فده مش معناه ان أبو 30 جنيه غالي لأ مش بتتقاس كده ..... أرجو ان أكون استطعت ان اوضح هذه المعلومه

تكاليف الصيانه في التوكيل فمتهيألي ان اسعار الصيانه في التوكيل من أقل الأسعار في مصر لأن الراجل عاوز يكسب سوق كان مهضوم حقها قبل ذلك وهو عاوز يجدد الدايهاتسو في أذهان الناس ...... والمعامله كمان هناك محترمه وبرضه لأن الناس عاوزه تعمل شغل وسوق وبيني وبينك الراجل مش حوت الراجل سعودي والسعوديه كلها بتشهدله بالأحترام وحسن تعامله مع الشباب السعودي ...... وربنا يرحمنا جميعا

اما عن اعادة البيه فمتهيالي ان العربيه في السنه اللي نزلت فيها لحد دلوقتي وهو مده تقارب السنه فالعربيه ماشاء الله انتشرت انتشار كويس جدا باعتراف الناس اللي في التوكيل انهم لم يتوقعوا في سياساتهم هذا العدد من المبيعات فبعد ما كانوا عاملين خطه لبيع عدد 3000 عربيه في السنه الأولي تفاجأوا بأن بعد 3 شهور تخطوا الـ 3000 عربيه ............. وربنا يباركلكم جميعا ....وعلى ضمنتي مش هتندموا وتدعولي .... ان شاء الله

[hitham_sh]

انا روحت اتفرجت عليها النهارده في التوكيل وركبتها ما شاء الله العربيه واسعه جدا وكراسيها عاليه ومريحه وتقفيلها من جوه شيك وعملي جدا بصراحه حبتها اكتر وان شاء الله هنزل اجبها على اخر الاسبوع ده سؤالي بس ليك يا عبد الرحمن انت حجزتها بكام ومنين وهتستلم امتى انا في التوكيل قالولي ان التسليم على طول مش هتتاخر ولا ده كلام وخلاص ارجو الافاده وشكرا

[أبو عبدالله]

بعد اذن الأستاذ عبد الرحمن

التوكيل انا قولت لحضرتك معاملتهم كويسه جدا لأنهم جداد وبيعملوا سوق لدايهاتسو في مصر ولازم تبقى معاملتهم فيها شفافيه وده الل انا شوفته منهم
وبعدين طبعا لما تجيب العربيه من الوكيل أحسن عالطول
وربنا يباركلك فيها ان شاء الله

[عبد الرحمن اسامه]

انا كنت عايز اجيبها من التوكيل، التوكيل انهارده كلمتو الى انو بيسلمك تانى يوم على طول.
لكن لو تقسيط يبقى هتستلمها بعد اسبوع بعد الاستعلام و الاجرائات دى هما بيتعملو مع كونتاكت كارس و انا شايف ان العرض بتاعهم كويس.
العرض الى ختو منهم ٢٥٠٠٠ مقدم و ١٢٣١ قسط و ١٨٤ قسط التأمين و ده تقريبا احسن عرض شوفتو.

بس للأسف انا اتاريت احجزها من المصرية لإن انا شغال فى شركتين الاتنين معندهمش سجل تجارى، فالمبيعات بتوع المصرية كلمونى و قلولى احنا عملنالك استثناء فى البنك و هنعمل استعلام بس. فانا روحت دفعت العربون ١٠٠٠ و عربيتين سيريون كانو هناك، بس اناهارده كلمونى الولى البنك موافقش، فقلولى هنحاول مع البنك تانى و نرد عليك فلو بكرة مجتش الموافقة هروح اخود العربون و اوادى للتوكيل بس باسم اخويا.

العرض بتاع المصرية مقدم ٢٥٠٠٠ تأمين ١٥١٠ مصاريف ادارية ٧٥٥ و قسط ١٣١٤

ادعولى بئا عشان نفسى اعملها باسمى و استلمها بسرعه المصرية قالولى لو طلعت موفقة البنك هنسلمك على طول.

[أبو عبدالله]

انا لا أحب المصريه بصراحه

[عبد الرحمن اسامه]

استاذ هيثم كان نفسى اسآلك عايز تجيب انهى لون انشاء الله؟

[hitham_sh]

والله نفسي الاسود هوا جميل جدا بس الكل بيخوفني من الالوان الغامقه علشان بيبان فيها الخدوش والتراب فلو مكانش الاسود هيبقى الفضي رغم ان الابيض برضو عاجبني فيها والكحلي جميل فانا محتار بين الاربع الوان دول وغالبا هيبقا الاسود ان شاء الله
وانت يا باشا ناوي على لون ايه ؟

[hitham_sh]

وعربيتك لونها ايه يا ابو عبد الله اسود زي ما في الصوره ولا لون تاني ؟؟

[أبو عبدالله]

العربيه لونها اسود فعلا وهي زي اللي في الصورة بالظبط ماعدا فوانيس الشبورة مش بتنزل مصر

[عبد الرحمن اسامه]

انا بصراحج زوقى مختلف خالص فى الالوان انا بفضل اللبنى ثم النحاسى/بمبى ثم الاخضر