كام سؤال للزملاء اصحاب الماتيريا

[katz]

الاول: هل قطع غيار الماتيريا متوافرة ام ان قلة انتشار السيارة تجعل قطع الغيار نادرة او صعب الحصول علي بعضها

الثاني: اعرف ان عفشة السيارة رياضية و ناشفة شوية و لكن هل هي ناشفة مثل التيريوس (بصراحة التيريوس صعبة قوي في السفر) و هل هي متعبة في السفر الطويل حيث اني دائم السفر
و ايه اخبار الكراسي مريحة و لا لأ؟

الثالث: هل تكون السيارة واطية عند التحميل و جلوس 3 في الخلف

الرابع: هل يتسبب ارتفاع السيارة في مشاكل بالنسبة للثبات خاصة عند المنحنيات انا عارف انها اكيد مش هتبقي زي السيدان بس هل ارتفاعها يؤثر علي الثبات بشكل طفيف و لا بشكل ملحوظ

الخامس: ما هو اسوأ موقف تعرضت له مع الماتيريا؟ مثلا عطل مفاجيء في الايه بي اس او قطعة غيار ناقصة ....

انا مش عارف اشكركم ازاي مقدما و سامحوني للاطالة

[madoo]

مبدأيا انا اسف على التأخير فى الرد والله العظيم للظروف القاسيه جدا

1_قطع الغيار موجوده بس مش منتشره زى عربيات كتير هتلاقيها فى التوكيل , دايهاتسو لاند , الشركه المصريه اليابانيه , اوشين , واخيرا وليس اخرا محل اسمه نور الاسلام برده عنده حاجات كتير ليها صاج وغيره انا كنت مع واحد صاحبى كان عمل بعربيته كورولا حادثه فنزلنا الحرفيين واتعرفت عليه معايا كل تفاصيه لو عاوز

2- العفشه ناشفه اه بس دى انعم حاجه فى موديلات الدايهاتسو كلها واسأل ميدو سيريون وكل الناس اللى ركبوا عربيتى وبالذات ميدو لانه عنده سيريون وكان عنده تريوس
العربيه مريحه لابهد الحدود فى السفر واكيد انت مش هتسافر قدى انا عامل 21000 كم لغايه دلوقتى والكراسى بتاعتها من اجمل مميزات العربيه فعلا وااااااااااااااااااااااااااااااااااااااااااااااااا ااسعه ومريحه جدا جدا صحابى فى الجامعه بتتخانق على اللى يركب معايا العربيه وبالذات ورا

3- العربيه مش واطيه وانا حملت 5 وسته وشنط كمان والحمد لله مش بتحك لان قاعدة العجلات قريبه من بعضها اللى قدام قريب من اللى ورا فأول اما بتطلع على المطب لو رخم اللى الكاوتش اللى ورا بيلحقه
بس للامانه فى مطبات جبااااااااااااااااال مش بتنفع فيها الحركه دى فبعرض عليها وخلاص
4- العربيه ثابته جدا جدا جرى وسحب وثبات بسم الله ماشاء الله تحفه انا بجيب بيها 170 وزياده ساعات
5-الحمد لله ولا شئ مش بتقول لا جرى وفرهده وبهدله ومش بتقول لا هات اخرك

ياباشا دا انا اللى اسف على التاخير فى الرد

ودور هتلاقى مواضيع كتير انا رديت فيها هتفيدك برده

[katz]

شكرا يا مادو علي ردك و ذوقك

انت اكبر مشجع لي و اجبت علي تساؤلاتي بشكل واضح

[أبو عبدالله]

بشمهندس محمد
ممكن تفاصيل محل نور الأسلام تكتبها علشان الكل يستفاد

[madoo]

شكرا يا مادو علي ردك و ذوقك

انت اكبر مشجع لي و اجبت علي تساؤلاتي بشكل واضح

يا باشا انا تحت امرك وانا اللى اسف علشان اتأخرت فى الرد عليك

بشمهندس محمد
ممكن تفاصيل محل نور الأسلام تكتبها علشان الكل يستفاد

عيونى يا ابو عبدالله

هو اسمه محل نور الاسلام لقطع الغيار السيارات اليابانى استعمال الخارج

مصطفى الطوخى

شارع د.احمد ممدوح امام بلوك 8 الحرفيين
وده التليفون
0161382077
0123527640