61 خابور للاربع كاوتشات فى سيارة ماتيريا ... فى ساعة واحدة

[thefirst2005]

61 خابور للاربع كاوتشات فى سيارة ماتيريا ... فى ساعة واحدة

السلام عليكم

حصلت معايا مشكلة بايخة جدا وانا هكتبها عشان الناس تاخد بالها ما يحصلهاش اللى حصل معايا.

اتناء رجوعى الى المنزل مع زوجتى من المستشفى حيث انها كانت مريضة وكنت انا وهى فى غاية الارهاق نتيجة ما حدث لها، حدث الاتى:

1-بعدى على مطب فى الشارع ، فؤجت بواحد بيقولى العجلة نايمة فهديت عند اول محطة بنزين قابلتها عشان فيها ورشة كاوتش، وطلبت منة فحص الكاوتش من غير ما انزل من السيارة من كثرة الارهاق والضيق لما حدث لزوجتى. ( بعد كدة عرفت ان الراجل اللى قالى العجلة نايمة تابع لورشة الكاوتش).

2-عامل الورشة قالى فى كذا خرم فى الكاوتشات هركب لهم خابور وثمن الخابور 10 جنية.

3-وافقت (قلت فى نفسى : انا تعبان ومش فارقة ...هيطلعو اتنين.. تلاتة .. مش مهم... المهم نروح انا وزوجتى بعد كل اللى شفناة الفترة السابقة).

4-الباشا خلص التصليح وطب منى الحساب. كام الحساب ؟... 610 جنية لأنة لقى 61 خرم فى الاربع كاوتشات. انا اتصدمت واتخانقت معاة وطلعت قرف الايام السابقة علية.

المهم: اتصلت بصاحب الورشة وصاحب البنزينة، وصاحب البنزينة طردهم لأنهم مستاجرين للمكان فقط،، فصاحب الورشة طلب منى السماح عشان ما يتخربشى بيتة وقالى انة هيربى الصنايعى بتاعة عن طريق:

1-تحملة للـ 610 جنية .

2-كتب لى ايصال امانة (فى حالة تلف الكاوتش فى خلال شهر هيقوم بشراء كاوتشات جديدة لي)

عمرى ما تخيلت ان قلة الضمير توصل للدرجة دى ... حسبى الله ونعم الوكيل فيهم.

السؤال الان:

الكاوتشات اصبحت فى حالة بالية .. كل يومين اصلح وانفخ ... وبقالى يومين مش عارف اتحرك بالعربية عشان الكاوتش اليمين كل يوم بيجى على الارض وبقى عندى هبد طول ما انا ماشى على الطريق.

سألت اصحابى فقالولى عوضك على الله للاسباب الاتية:

انا سيارتى ماتيريا 2007 فضلت فى معرض دايهاتسو لمدة سنتين ما بتتحركش وانا اشتريتها فى شهر 7 - 2009 فقط (كانت عاملة 50 كيلو) عاملة الان 16000 كيلو.

قالولى ان نتيجة العربية كانت واقفة لمدة سنتين داخل المعرض .. دة خلى الكاوتش ينشف وبالتالى لما مشيت على زجاج سيارة كان مكسر فى الشارع اتخرم بسرعة نتيجة انة ناشف. هل الكلام دة صحيح؟

حاليا مش عارف اعمل اية

1-معروض على كاوتش Nexon مقاس 15-60-185 وانا مقاس كاوتشى 15-55-185 هل اشترية لأن بريدجستون غالى

2-هل Nexon دة نوع كويس

3 - وهل اسامح الراجل وعوضى على الله ، ولا من افسد شئ فعلية اصلاحة.

ارجو النصيحة عشان عندى بكرة السبت صيانة 15000 فى ديهاتسو ان شاء الله وكنت عايز اشترى واركب الكاوتشات النهاردة عشان اعملهم ترصيص بكرة ان شاء الله.

وشكرا جزيلا.
------------------------------
[frame="2 80"]
الله الله الله الله الله وليس اللة
[/frame]

[A.Saad]

اولا
الف سلامة لزوجة حضرتك
ثانيا
ما تسامحش حد
لانه نصاب وحرامى
ولازم يتعلم الادب
ولو من مكانك المفورض يدفع تمن اربع فرد جداد ويطرد لان هوة اللى مش محافظ على اكل عيشه

تانى حاجة انت ممكن تجيب الكاوتش من برة هيكون ارخص من التوكيل وتاريخ انتاج احدث

وبعدين وصل الامانة اللى معاك اشك انه هيضره اوى ولو انه دليل على ادانته وتعمده السرقة
خليه يكتب ايصال بمبلغ واضح واكتر من تمن الكاوتش كمان

انا مجربتش الماركة دى
بس اسال على الهانكوك
سعرها معقول وكويسة
كمان على فكرة

هوة تعمد يخرم الكاوتش
لان بتاع الكاوتش عندى قاللى ان زجاج العربية عمره ما يخرم الكاوتش

[thefirst2005]

ما تسامحش حد
لانه نصاب وحرامى
ولازم يتعلم الادب
ولو من مكانك المفورض يدفع تمن اربع فرد جداد ويطرد لان هوة اللى مش محافظ على اكل عيشه

الف شكر على الرد وشكرا على النصيحة، واوافيك بما حدث ان شاء الله

[madoo]

الف سلامه لزوجة حضرتك

قدر الله ماشاء فعل ......كانت حصلت معايا نفس التجربه بس طبعا موصلتش ل 610 او 61 خابور ....انا لاقيت الاول فى التانى فى التالت فى الرابع قولتله ليه احنا هنستهبل دى الفرده يا دوب كانت نايمه فشكيت ف الامر وقولتله وقف زود الكاوتشه وتمام على كده
انا اساسا حاطط نيتروجين ...فروحت املاها بعدها نيتروجين تانى فى مركز خدمه بريدجستون وحكيت للمهندس هناك على الموقف قالى خود بالك لما الكاوتش بيبقى سخن وتيجى تحط عليه ميه او ميه بصابون زى مابيعملوا هتعمل فقاعات لوحدها والكاوتش مش بيبقى مخروم اساسا

الا اذا شوفت المسمار اللى كان خارم الكاوتش بعنيك وهو بيطلعه

واللى عرفته كمان ان الخابور غلط اصلا ....لانه وهو بيغرزه بيوسع مكن الخرم جدا وبيعمل تهتكات فى طبقات الكاوتش

على العموم ربنا يعوض عليك ...وشكرا على نصيحتك للاعضاء علشان محدش يوقع فى نفس المشكله

موضوع بقى انك تحمله التكاليف ولا ايه ....اعذرنى مش هعرف افيدك ...مش بحب اتكلم فى النقطه دى ولا افتى فيها

بس ابقى خلينا نتابع معاك اللى حصل اول بأول

[Ahmed Hassan]

خد منه الفلوس اللي تقدر عليها. شوف كاوتش بريدجستون my01 سعره معقول.. او هات كومهو kh11بردو كويس

[ahmed_khalil]

61 خابور للاربع كاوتشات فى سيارة ماتيريا ... فى ساعة واحدة

السلام عليكم

حصلت معايا مشكلة بايخة جدا وانا هكتبها عشان الناس تاخد بالها ما يحصلهاش اللى حصل معايا.

اتناء رجوعى الى المنزل مع زوجتى من المستشفى حيث انها كانت مريضة وكنت انا وهى فى غاية الارهاق نتيجة ما حدث لها، حدث الاتى:

1-بعدى على مطب فى الشارع ، فؤجت بواحد بيقولى العجلة نايمة فهديت عند اول محطة بنزين قابلتها عشان فيها ورشة كاوتش، وطلبت منة فحص الكاوتش من غير ما انزل من السيارة من كثرة الارهاق والضيق لما حدث لزوجتى. ( بعد كدة عرفت ان الراجل اللى قالى العجلة نايمة تابع لورشة الكاوتش).

2-عامل الورشة قالى فى كذا خرم فى الكاوتشات هركب لهم خابور وثمن الخابور 10 جنية.

3-وافقت (قلت فى نفسى : انا تعبان ومش فارقة ...هيطلعو اتنين.. تلاتة .. مش مهم... المهم نروح انا وزوجتى بعد كل اللى شفناة الفترة السابقة).

4-الباشا خلص التصليح وطب منى الحساب. كام الحساب ؟... 610 جنية لأنة لقى 61 خرم فى الاربع كاوتشات. انا اتصدمت واتخانقت معاة وطلعت قرف الايام السابقة علية.

المهم: اتصلت بصاحب الورشة وصاحب البنزينة، وصاحب البنزينة طردهم لأنهم مستاجرين للمكان فقط،، فصاحب الورشة طلب منى السماح عشان ما يتخربشى بيتة وقالى انة هيربى الصنايعى بتاعة عن طريق:

1-تحملة للـ 610 جنية .

2-كتب لى ايصال امانة (فى حالة تلف الكاوتش فى خلال شهر هيقوم بشراء كاوتشات جديدة لي)

عمرى ما تخيلت ان قلة الضمير توصل للدرجة دى ... حسبى الله ونعم الوكيل فيهم.

السؤال الان:

الكاوتشات اصبحت فى حالة بالية .. كل يومين اصلح وانفخ ... وبقالى يومين مش عارف اتحرك بالعربية عشان الكاوتش اليمين كل يوم بيجى على الارض وبقى عندى هبد طول ما انا ماشى على الطريق.

سألت اصحابى فقالولى عوضك على اللة للاسباب الاتية:

انا سيارتى ماتيريا 2007 فضلت فى معرض دايهاتسو لمدة سنتين ما بتتحركش وانا اشتريتها فى شهر 7 - 2009 فقط (كانت عاملة 50 كيلو) عاملة الان 16000 كيلو.

قالولى ان نتيجة العربية كانت واقفة لمدة سنتين داخل المعرض .. دة خلى الكاوتش ينشف وبالتالى لما مشيت على زجاج سيارة كان مكسر فى الشارع اتخرم بسرعة نتيجة انة ناشف. هل الكلام دة صحيح؟

حاليا مش عارف اعمل اية

1-معروض على كاوتش nexon مقاس 15-60-185 وانا مقاس كاوتشى 15-55-185 هل اشترية لأن بريدجستون غالى

2-هل nexon دة نوع كويس

3 - وهل اسامح الراجل وعوضى على اللة ، ولا من افسد شئ فعلية اصلاحة.

ارجو النصيحة عشان عندى بكرة السبت صيانة 15000 فى ديهاتسو ان شاء الله وكنت عايز اشترى واركب الكاوتشات النهاردة عشان اعملهم ترصيص بكرة ان شاء الله.

وشكرا جزيلا.

اسمع ناس جربوا نيكسون ده و بيقولوا عليه كويس
ماتسامحش حد فيه حد بيعمل خوابير اكتر من تمن الكاوتش
خلى بال حضرتك كمان ان خطر تمشى بالعربيه بكم هذه الخوابير اللى هيا فى الاصل غلط اصلا
اتمنى اكون قدرت افيدك و الحمد لله انها جت على قد كدا

[kisho55555]

الف سلامة على زوجتك وربنا يطمنك عليها ...
حكايه انك تسامحه دى ترجع لك ... وممكن تسامحه وانت مضايق وممكن متسامحوش وبردوا تكون مضايق , حاول تقرر بنفسك ...

بالنسبة للكاوتش مش هقدر اقولك غير بريدجستون كاوتش جميل جدا وناعم و ده عن تجربه ... انا مشتريه فى البيجو بتاعتى وبقى له 5 سنيت ولسه مفهوش غلطة وكمان خرم واحد بس فى الكاوتش الخلفى ... ولسه النقشه لسه عليه ومتمسحتش ... ده غير انك مثلا لو حاولت تجرى من الثبات وحاولت تزحلق بيه مش هيزحلق ولا يدخن ... وكمان تحس بالفرق مع الفرامل تحس ان العربية مكلبشه فى الارض ...

والكلام ده عن تجربه ومقارنة بال بايريلا اللى موجود فى الدايو الى على طول بيدخن وبيزحلق ويصفر على الفاضى والمليان ...

[kisho55555]

طبعا لو انت عايز تلحم الكاوتش افضل حاجة اللحام الداخلى .. ومتخليش اى حد يحط خابور .. لان له تاثير سلبى على المنطقة اللى حوالين الخابور ...

[د.محمود صلاح]

الموضوع ده ( تفتيح الشغل بلغتهم ) اصبح منتشر ويحتاج وقفة مثل التي فعلتها معاهم , وتحذير وتنبيه لكل المعارف والزملاء وبالطبع اعضاء المنتدى

[أبو عبدالله]

خد منه الفلوس اللي تقدر عليها. شوف كاوتش بريدجستون my01 سعره معقول.. او هات كومهو kh11بردو كويس

انا رايي كده برضه
خد منه اللي تقدر عليه وكمل وهات نوع كويس أفضل
وربنا يجعله في ميزان حسناتك ان شاء الله
وعلى فكره الصح هو من اتلف شيئا فعليه اصلاحه فعلا
مش زي ما البعض بيقولك ربنا يعوض عليك وده غلبان والكلام ده
الكلام ده في حالات معينه ومدده مش في كل حاجه كده

[memo_p910]

بتاع الورشه هو الي خرملك الكاوتش وانت مش واخد بالك والزجاج مستحيل يخرم الكاوتش اصلا حتى لو بقاله 10 سنين والحركه دي حصلت مع ناس كتيير ما تسبش حقك نهائي مع الاوغاد دول لازم تروحله وتاخد تمن الكاوتش وتطلع عينه وتكسب ثواب عشان مايعملهاش مع حد تاني

[windofchange]

يفضل تجيب نفس مقاس الكاوتش بتاعك عشان يديك قراية كيلومتر صح وده اللي انسب لعفشة عربيتك والله اعلم.....

[shaltot]

السلام عليكم ورحمة الله وبركاته
على حد خبرتي إن الكاوتش ينفع له الخوابير بس في المناطق الجانبية من فردة الكاوتش أما في المناطق الواجه ما ينفعش علشان الدعامة السلك داخل الكاوتش تتهتك بكل خابور
أرجو إني أكون أفدتك

[mohamedhamam]

ربنا يعوض عليك و درس و زى ما بيقوله العلام مش ببلاش

[Abdm]

يا ريت الآدارة تتفضل بنقل الموضوع دة للمنتدى العام علشان الكل يقرأة

ثانيا الموضوع دة حصل ما واحد صاحبى معاة 128 وبردة عدى على شوية أزاز أنا مش عارف هو فعلا بيعدى على أزاز بيكون شايفة وهو ماشى ولا الراجل بتاع الكاوتش هو اللى بيقولة ويفتى عموما الزجاج ما فيش من مشاكل بأذن الله
المهم أن صحبى دة بتاع الكاوتش بردة خرملة الكاوتش كاذا خرم بس كتيير مش فاكر كام وقلى أنة بتاع الكاوتش عمل الحركة دية مع ناس تانى وقفشوة وأكتشفة أنة بيحط ماء نار أو مادة كاوية على المياة مع الصابون لما بتنزل على الكاوتش بتاكل فية وبتعمل فقعات يحسبها الراجل صاحب العربية أخرام وهو تأكل المادة الكاوية فى الكاوتش اللى بيعمل كدة وأكيد دة بردة بيضعف الكاوتش غير الخوابير والناس قفشوة ورنه علقة سخنة ومش عارف راح القسم ولا ما رحش

المهم والخلاصة بقدر الآمكان الواحد يحاول يتعامل مع ناس يكون يعرفها كويس ولو فى أى ظروف يركب الآستبن لغاية ما يوصل للمكان اللى فى الناس اللى يعرفهم . وربنا يسترها معانا يا رب