ارجو المساعدة من خبراء الدايهاتسو.... جزاكم الله خيرا

[moh_abdelhady]

ان شاء الله قدامي عربية دايهاتسو فيروزا موديل 1994
العربية حالتها حلوة جدا
عاملة حوالي 80000 ك
و العربية فابريكة جوة و برة....
العربية 1600 cc 16 valve
تكييف , باور
مطلوب فيها 30000 جنيه
و الله انا محتار اوي مش عارف العربية ايه اخبارها ... و اكشف عليها فين...
و سعرها ده مناسب ولا لأ
قطع الغيار متوفرة و لا لأ و هل ممكن التوكيل يتعامل معاها ؟؟
ارجو المساعدة .....

[mohamed_rhem]

الاخ الكريم

قطع الغيار موجوده عند الفاروق في باب اللوق وعند اوشين الحرفيين

لكن قليله ومش كل حاجه موجوده ممكن تراجعهم

اللي يقدر يفيدك المهندس سيد الفراش في الحرفيين وده حيقولك بما يرضي الله

اسأله ولو قالك تمام هو اللي حيكشفلك علي العربيه

بخصوص التوكيل بيشتغل فيها بس قطع الغيار بيستوردها مخصوص

من اليابان وبتاخد اسبوعين

[moh_abdelhady]

جزاك الله خيرا ....
ان شاء الله هاصللي استخارة و اسأل و هاكشف عليها و ربنا يقدم اللي فيه الخير ان شاء الله..
على العموم انا متشكر جدا لسرعة الرد و التوضيح

[ramyar]

ياريت تعمل اتشك علي الكبالن لان التريوس معروفه انها بتاكل كبالن

[moh_abdelhady]

ان شاء الله... هاتمم
بس العربية مش تريوس
العربية فيروزا... دفع رباعي 4*4
و فيها فتيس غرز.... ماعتقدش انها على كبالن
والله اعلم
على العموم شكرا جزيلا على الرد انا هروح اكشف عليها بكرة عند السيد الفراش
و هابلغكو ان شاء الله

[ramyar]

الفيروزدي الي فوانيسها الاماميه مربعه صح

[moh_abdelhady]

هي فعلا اللي فوانيسها مربعة من قدام...
أنا كشفت عليها و ربنا يتمم على خير ان شاء الله..
و هانزل الصور اما تكون معايا ان شاء الله..
جزاكم الله خيرا و لو حد يعرف حاجة جديدة عن العربية يا ريت ينصحني ..

[shaltot]

[gdwl]ياريت تعمل اتشك علي الكبالن لان التريوس معروفه انها بتاكل كبالن[/gdwl]

على فكرة الفيروزا دفع خلفي والتريوس جر أمامي
الفيروزا فتيس الغرس أثناء الغرس فقط أما التريوس ممكن تمشي dw4
وعموما الفيروزا أحسن من التريوس مو 99 - 2000

[ramyar]

انشاء الله تكون من نصيبك
الدايهاتسو عربيات ممتازه
ولو عايز اي حاجه في قطع الغيار انا تحت امرك
انا لسه بايع عربيتي الشارد بعد عشره طويله لانها كانت في الاصل عربيت والدي
المهم انا تحت امرك في اي حاجه

[mana_81]

تريوس وأم جين 2

السلام عليكم يا جماعة
ياريت حد يفدني في التريوس ,أنا سمعت عنها أنها عربيه كويسه بس معرفش أي تفاصيل عنها وعن قطع غيرها وكنت قررت اني أشتري جين 2 عشان كانت عجباني أوي بس انا نفسي في حاجه تكون عالية زي التريوس بس انا معرفش حد جربها يقولي عمله ايه معا ه لو تكرمتم تفيدوني
وجزاكم الله خيرا

[ramyar]

الجين 2 رياضيه موتور 1600 cc 110 حصان
كاوتش 15" 195/55 يعني عربيه عاليه عن الارض بكتير وده لينك في كل حاجه عن بروتون

http://www.nilemotors.net/Nile/96474-gen2-persona-waja.html

بي النسبه للتريوس سعرها بيعمل 140000
كمان موتورها 1500cc 105 حصان
والكماليات الي فيها مش زي البروتون
انتا صاحب القرار
وللعلم انا كان معايا دايهاتسو شاريد واختي لسه مشتريه سريون يعني من الاخر عيله دايهاتسو
وانا لسه مشتري بيرسون من شهرين

[mana_81]

ما شاء الله ربنا يبارك لك فيها
انا عجبني في الدايهاتسو انها زي 4*4
ان قرات شويه عن الجين 2 وهي جميله فعلا بس زي ما قلتلك اني محتارة فعلا ومش عرفه أختار كمان تريوس أعتقد عمله 125 الف مش 140 ولا انت تقصد حاجه تانيه
وايه اخبار قطع غيار التريوس في الجين 2 غاليه شويه