ادعولى بجد ياسيريونيون!

[mohm82]

السلام عليكم
ايه اخباركم جميعا؟
دى اول مرة اكتب فيها هنا و إن كنت اقرا مواضيعكم كثيرا.
انا الحمد لله اتقدمت لخطبة سيريون 1.3 اوتوماتيك بس عماله تطلعلى مشاكل من الهوا
اولا انا بشتغل فى شركة و هى بتدينى فلوس العربية و انا بقسطها من مرتبى . المهم اخدت الشيك من شركتى لشركة دايهاتسو و العربية جت و شوفتها قدامى و بعدين جاى اخد العربية و يافرحتى بيها و هب- احنا اسفين يافندم لازم الشيك يسمع فى الحساب الاول قبل ما تستلم عربيتك؟!!!!!!!!!!!!!!
ازاى يااخوانا انا جاى من اكتوبر فى تاكسى حراااااااااام
مفيش فايدة!
المهم بعد 3 ايام:
يافندم الشيك سمع فى حساب الشركة بس ! معندناش حاجة تثبت ان العربية دى لحضرتك؟!!!!!!!!11
نعم
أصل الشيك من شركتك لدايهاتسو, و احنا اش عرفنا ان العربية ليك انت؟؟؟؟!!!!
مع انى كنت جايب عرض سعر منكم,طب عايزين ايه؟
ورقة تثبت ان الشركة عايزة العربية ليك!!!
حاضر و الامر لله (مع انى كنت مجهز نفسى لاستلام السيارة للمرة 2)
بعد ماجيبت الورقة-
المشكله يافندم ان الامضاء على الورقة(مع ختم الشركة) مش هو الى ماضى على الشيك؟
طب و انا اجيبلكم امضة رئيس مجلس الادارة تانى ازاى؟
احنا اسفين مينفعش تستلم عربيتك الا لما تجيب الجواب ممضى.
ربنا يسهل ان شاء الله و دعواتكم انى اجيب الجواب و يوافقو عليه و استلم العربية
انا عارف ان ده النظام . ماشى بس مش المفروض حد يقولى كده من الاول قبل ما اتبهدل كده على الاقل كنت خليت الراجل يمضى على الشيك مع الورقة.
ربنا يستر فى المرة ال3 ان شاء الله خير
دعواتكم و اشوفكم على خير ان شاء الله
سلام عليكم.

[ows212]

هانت يا باشا ... عموما احلى فترة هى اللى قبل استلام العربية لأنك بتكون متشوق ومتلهف تستلم العربية
ربنا يسعدك بيها

[أبو عبدالله]

ربنا يباركلك فيها ان شاء الله
ويعطيك خيرها ويكفي عنك شرها ان شاء الله

[shaltot]

دعواتنا ليك تستلم العربية وتتهنا بيها

[M.Mosaad]

انشاء الله تستلمها علي خير

هما فعلا غلطوا انهم مقالوش كل حاجة من الاول بالتفصيل بس فعلا هما طلباتهم منطقيه

الله يكون في عونك الواحد حاسس بيك لما بتكون ممكني نفسك بحاجة و محضر نفسك ليه و تتأجل بس كل تأجيله و فيها خيرة انشاء الله

[GMakram]

مبروك عليك السيريون مقدما ومبروك علينا عضو جديد فى عائلتنا الصغيره,معلش هى اجرائات التقسيط غلسه شويه بس صدقنى العربيه تستاهل
تقبل مرورى وتحياتى

[rzeiny]

ربنا يباركلك فيها وكل تأخيرة وفيها خير إن شاء الله

تم تعديل كلمة "إن شاء الله"

مشرف دايهاتسو

[mohamed_rhem]

نظام للاسف مفيهوش ريحة النظام

عموما معلش انت في مصر

وانشاء الله بالصبر كله يهون

[aliabutaleb]

ربنا يباركلك فيها وكل تأخيرة وفيها خير انشاءالله

فعلاً
لعله خير
وألف مبروك مقدماً
لك وَحشة والله يا باشمهندس رامي :)

[rzeiny]

والله وانت كمان يا أبو حمزة.
يارب اشوفك على خير المقابلة الجاية .
ايه راي شباب السيريون نخليها اسكندرية ؟