حل مشكلة المسند و شكر خاص لمعاذ الشرباصي

[OlaOsman]

متهيألي انتوا فاكرين مشكلة المسند أو المخدع اللي هو برضه اسمه ال arm rest و اللي إستلمت العربية من غيره شهر أغسطس 2008 و رحت الصيانة مرتين و ماكنش متوفر، و آخر مرة قالوا لي إن الموديلات الجديدة مش بتنزل بيه فهو بالتالي مش موجود و كانت هاتبقى مشكلة لولا إن أخونا الخلوق معاذ الشرباصي تواصل مباشرة مع الأستاذة الفاضلة مي عبد الحميد مديرة خدمة عملاء دايهاتسو اللي تفضلت مشكورة و حلت الموضوع في يومين اتنين :10D5C8~1107:

الحمد لله رحت يوم السبت اللي فات مركز صيانة أبو رواش و ركبت المسند

مش عارفة أشكرك ازاي يا معاذ بجد على اهتمامك و أرجوك تبلغ خالص شكري و امتناني للأستاذة مي

[Imhotep]

هو ده اخونا معاذ المحب الخدوم..... ربنا يباركله فى وقته و مجهوده..... بس هو انتى كنتى هناك امتى؟ انا برضه كنت بعمل صيانتى هناك السبت اللى فات بس كنت بدرى من 10-12

[OlaOsman]

هو ده اخونا معاذ المحب الخدوم..... ربنا يباركله فى وقته و مجهوده..... بس هو انتى كنتى هناك امتى؟ انا برضه كنت بعمل صيانتى هناك السبت اللى فات بس كنت بدرى من 10-12

و انا كنت هناك في نفس التوقيت

[medo_sirion]

طب حضرتك دفعت فلوس
وهل امكانية شرائة وتركيبة

[M.Mosaad]

طبعا الف شكر له و مش غريب عليه من كلامكم عنه واضح انه شخصيه خدومه و محترمه

بس اني عندي اعتراض يعني هو كان عندهم و مش عايزيين يركبوة طب ليه ؟

يعني ليه الموضوع محتاج تدخل حد علشان يركبوه طالما موجود مايركبوه ليه الرخامه يعني حركه مش كويسة منهم خالصصصصصصصصصصصص

الف مبروك هو فعلا مفيد جدااااااا و الواحد بيريح عليه كتير و هو راجع من الشغل مش شايف قدامه

[bmya]

مبروك يا علا

ميدو يا ميدوووو تبدل المسند بتاعي بالجنوط المومو بتاعتك :)

[OlaOsman]

طب حضرتك دفعت فلوس
وهل امكانية شرائة وتركيبة

لأ طبعا، ما دفعتش ولا مليم، لإنه المفروض نازل مع العربية بتاعتي، بس هو أيامها ماكنش متوفر فاستلمتها من غيره.

أما عن إمكانية شراؤه و تركيبه فماعنديش فكرة الصراحة.

[Imhotep]

و انا كنت هناك في نفس التوقيت

استنى بقى..... انا كنت قاعد على ترابيزة البلاى استيشن عشان فيشة شاحن اللاب توب + كان فى بنت فاعدة قدام شاشة التليفزيون و حاطة رجل على رجل و مبطلتش تهز رجلها لما جابتلى العصبى (اوعى تكون انتى :) + كان فى راجل وست على الترابيزة اللى جنب سور الصالة.... السؤال انتى كنتى فين؟

[OlaOsman]

استنى بقى..... انا كنت قاعد على ترابيزة البلاى استيشن عشان فيشة شاحن اللاب توب + كان فى بنت فاعدة قدام شاشة التليفزيون و حاطة رجل على رجل و مبطلتش تهز رجلها لما جابتلى العصبى (اوعى تكون انتى :) + كان فى راجل وست على الترابيزة اللى جنب سور الصالة.... السؤال انتى كنتى فين؟

لأ مش أنا

أنا كنت مع ماما و أخويا على ترابيزة جنب سور الصالة و كنا قاعدين نقرا كإننا جايين مكتبة، مش مركز صيانة عربيات

[medo_sirion]

مبروك يا علا

ميدو يا ميدوووو تبدل المسند بتاعي بالجنوط المومو بتاعتك :)

انا موافق بس بجنط اليابانى مش المومو المومو اتباع

[bmya]

:@:@:@ كده يا ميدوووووووو ماشي بعتوا برده

[aliabutaleb]

مبروك على المسند يا علا وعقبال صيانة العشر تلاف

[mohamed_rhem]

الف الف مبروك

[OlaOsman]

مبروك على المسند يا علا وعقبال صيانة العشر تلاف

إيييييييييييييييه يا علي ياخويا.. ربنا يدينا و يديك طولة العمر

[aliabutaleb]

إيييييييييييييييه يا علي ياخويا.. ربنا يدينا و يديك طولة العمر