ارجو المساعدة سيريون 2010

[w_abedelhakim]

انا بنت وعايزة اشتري سيريون 2010 1500 اتوماتيك
بس هي مش منتشرة خالص وفي ناس بتقولي ان سعر قطع غيارها مبالغ في
وانها ضعيفة علي الماتور ده
وان سعر اعادة بيعها صعب جدا
وان التوكيل مش بيوفر كل قطع غيارها
وكل ما اسال معرض يقولي هي دي عربية بيتباع ويترييق ويقولي خدي الجيتز افضل
ياريت حد يفيدني

[shshmoh]

لالالا طبعا
العربيه ممتازه و موتور قوى جدا و خصوصا 1500cc
و التوكيل محترم لكن هيونداى توكيل ربنا يباركله
و هى العيب الوحيد فيها سعر اعاده البيع لكن العربيه و التوكيل ممتازه

[mohamed_rhem]

انا بنت وعايزة اشتري سيريون 2010 1500 اتوماتيك
بس هي مش منتشرة خالص وفي ناس بتقولي ان سعر قطع غيارها مبالغ في
[gdwl]وانها ضعيفة علي الماتور ده[/gdwl]
وان[gdwl] سعر اعادة بيعها صعب جدا[/gdwl]
وان[gdwl] التوكيل مش بيوفر كل قطع غيارها[/gdwl]
وكل ما اسال معرض يقولي هي دي عربية بيتباع ويترييق ويقولي خدي الجيتز افضل
ياريت حد يفيدني

اولا اهلا بالعضوة

محرك 1500 قليل علي عربية بينزل منها 1000 سي سي اذاي ده كل الناس بنقول كتير عليها ال 1300

راجعي اسعر المستعمل في الياباني كله بأستثناء التويوتا والمتسوبيشي كل العربيات اليباني بنزل من 15 الي 20 الف بعد سنة استعمال

التوكيل بيبعت Order كل اسبوعان لليابان ولو مش موجوده القطعه بتحجزيها ومفيش مشاكل

مع احترامي للمعارض انما اميد ليهم مصلحة شوفي الشارع فيه كام جيتز ومام سيريون

فعلا قطع غيارها غالية لكن بدات تتوافر بكثرة خارج التوكيل


ملحوظه مع نزول I20 سوف تحل محل الجيتز لا محالة

[bmya]

انا بنت وعايزة اشتري سيريون 2010 1500 اتوماتيك
بس هي مش منتشرة خالص وفي ناس بتقولي ان سعر قطع غيارها مبالغ في
وانها ضعيفة علي الماتور ده
وان سعر اعادة بيعها صعب جدا
وان التوكيل مش بيوفر كل قطع غيارها
وكل ما اسال معرض يقولي هي دي عربية بيتباع ويترييق ويقولي خدي الجيتز افضل
ياريت حد يفيدني

اهلا بيكي
انا معايا سيريون 2008 GL 1300 اتوماتيك وكان معايا قبلها لانسر 1999 اتوماتيك برده
طبعا السيريون موتورها اقوى من موتور اللانسر دي اول حاجه مع العلم ان المودييل ده في اللانسر له شنه ورنه زي مابيقولوا
وانا عربيتي 1300 وموتورها شديد جدااااا عليها
حضرتك شوفي بقه 1500 هيعمل ايه مع العربيه دي
طبعا طيارررررررره
مش عارف مين المفتي الجرئ اللي بيقولك انها ضعيفه على الموتور ده ازاي يعني عربيه وزنها 960 كيلو ومعاها موتور 1500 طبعا ده واحد اصلا مش فاهم هو بيقول ايه من الاساس يعني حافظ مش فاهم
بالنسبه لاعاده البيع زي ما استاذ محمد قال كده بالظبط
ايه في الياباني اصلا بيتباع كويس في مصر غير الكورولا والبومه تحديداا في الجديد
عندك السوبارو امبريزا والمازدا 3 عربيات ملهاش حل ومع ذلك بخسر خساره كبيره لما تيجي تتباع بسبب السوق المصري الغشيم لكن العربيات دي لها الناس اللي بتقدرها وتشتريها
السيريون على فكره حققت انتشار كبير جدااا في وقت قصير وبقيت كتييير جدااا واعتقد انها اكتر من الجيتز كماان

قطع الغيار الاستهلاكيه زي الفلاتر والسيور وتيل الفرامل متوفره ومعظم قطع الغيار موجوده

بالنسبه للناس اللي في المعارض اللي بتقولك هي دي عربيه اعتقد انهم اصلا معندهمش العربيه او مش بيتعاملوا فيها عشان كده بيقولك كده وهتلاقيهم اصلا مش عارفينها
العربيه دي الحكم عليهامن النظره الخارجيه بتبقى معتمده على الشكل فقط وناس كتيير مش بتحب شكلها الخارجي لكن اركبيها من جوه وشوفي الوسع الداخليي والراحه وانتي هتحبيها جداا

وربنا يوفقك اهم حاجه بس تكوني انتي مقتنعه بالعربيه اللي هتشتريها وملكيش دعوه بكلام الناس خااااااالص

انا برده لما بسلم دماغي لناس كتيير بيكرهوني فيها
لكن لما بركبها بستمتع بيها جداااا عشان انا جايبها بمزاجي ومش عشان حد قالي عليها فهماني حضرتك
هنزل بقه ألف بالسيريون شويه

[GMakram]

اولا اهلا بالعضوه وربنا يوفقك للافضل ليكى
ثانيا طبعا انا معنديش اى حاجه اقولها بعد لما وحوش السيريون قاموا بالواجب وزياده لكن عندى نقطه احب اضيفها هى ان معظم الناس اللى كانت متردده تجيب سيريون ومتخوفه منها بناء على مقارنتها ببدائل اخرى وبعد كدا بتستقر على السيريون وبتعرف العربيه دى كويس بتعرف ان السيريون مينفعش تتقارن بالبدائل الاخرى دى,صدقينى انا كنت محتار بين السيريون وعربيات تانيه كتير كان اولها الجيتز وبعد كدا النيو اكسنت وبعد كدا فكرت شويه فى الجين تو وقعدت كتير انزل اتفرج واسئل وركبت معظم العربيات دى فى معارض وفى الاخر استقريت على السيريون,صدقينى السيريون الميزه المشتركه بينها وبين الجيتز انهم هاتشكباك فقط لكن لما تركبى السيريون وتجربيها هتعرفى انها مفيش مجال مقارنه بينها وبين الجيتز,السيريون حاجه تانيه سواء فخامه او اعتماديه او توكيل او وسائل امان...بجد مفيش مقارنه...انا شايف المقارنه بين الجيتز والسيريون بتزود الجيتز وبتقلل السيريون,يمكن كلامى يبان انه انحياز شويه لعربيتى بس دى وجهه نظر شخصيه انا مقتنع بها
ملحوظه:السيريون بايعه بيع رهيييييب فى القاهره وده ميختلفش عليه اتنين لكن فى المحافظات التانيه اقل شويه,انا لما بروح اسكندريه مش بشوف السيريون بنفس الكيه فى الشارع زى هنا فى القاهره
فى النهايه ربنا يوفقك للافضل والكل هنا يسعده يرد على كل استفساراتك

هنزل بقه ألف بالسيريون شويه

استنى ياشريف خدنى معاك