إنذار التريوس

[mohammedfat80]

الحمدلله ربنا كرمنى وجبت تريوس 2009 عاملة 5000 كم بس والحمدلله
المهم طبعاً2009 مكنش فى إنذار وريموت زى 2010 قولت أمرى لله أروح أركبه فى التوكيل عشان الضمان بس التوكيل بيقول مفيش وممكن تستنى شهرعلى ماييجى إنشاء الله عشان لو ركبته بره والكهربا حصلها حاجة هانخرج الكهربا بره الضمان
السؤال دلوقتى أركبه بره وأنجز ولاأستنى وأمرى لله لأنى عمرى ماشوفت عربيه حصلها حاجة من تركيب إنذار وخصوصاً لما يكون فى مكان محترم
منتظر رأيكو وأسف على الإطالة

[Imhotep]

فى نقطة كمان.... هل عرفت سعره؟ سعره فى التوكيل 900 جنيه يا باشا و كان فى كلام من بعض الاخوة ان الاوبشنز اللى فيه مش اد كده كمان

[mohammedfat80]

طب والحل
تفتكر أتوكل على الله وأركبه بره ولا أيه؟!!!!

[medo_sirion]

طب والحل
تفتكر أتوكل على الله وأركبه بره ولا أيه؟!!!!

انا من رائى تركبة فى التوكيل وتجيب انذار التوكيل هوة اه صينى بردة اللى فى التوكيل بس بيفرق كتييير عن الصينى اللى فى السوق غير كدة بيبقى علية علامة دايهاتسو وبيكون ريموت مميز شوية

[slim_shika]

آخر مرة سألت على الانذار فالتوكيل كان الجهاز + واحدة الرفع + التركيب = حوالي 1.400 وكسر , الفكرة بقى إن المهندس قالي الجهاز مبيشتغلش لو القزاز اتكسر , بيشتغل لو حد حاول يدور العربية , يعني لو حد حاول يسرق الكاسيت يتفضل عادي ...ده على كلام المهندس أيمن عزام.

[mohammedfat80]

انا من رائى تركبة فى التوكيل وتجيب انذار التوكيل هوة اه صينى بردة اللى فى التوكيل بس بيفرق كتييير عن الصينى اللى فى السوق غير كدة بيبقى علية علامة دايهاتسو وبيكون ريموت مميز شوية

والله حضرتك أنا شوفت الإنذار اللى نازل فى عربيات 2010 مالوش أى ملامح ولا مكتوب عليه أى حاجة وحاسس إنهم مغالينه بزياده يعنى حرام 950 جنيه ومش موجود وأكيد لما يجيى هايكون غلى كمان 100 ولا 150 عموماً أنا إنشاء الله هستخير ربنا وأقولكم عملت إيه ومعلش صدعتكم معايا

[medo_sirion]

لالالالالا ملكش دعوة بلانذار للى نازل مع العربيات حضرتك هتروح مركز الصيانة وبتشوف نوعين نوع انذار فى المفتاح نفسة ونوع تانى ريموت منفصل عن المفتاح والاتنين فى منتهى الشياكة بصراحة

[mohammedfat80]

متشكر جداً يا ميدو باشا هستنى كده أما يجيى وابص عليه

[معاذ الشرباصى]

لالالالالا ملكش دعوة بلانذار للى نازل مع العربيات حضرتك هتروح مركز الصيانة وبتشوف نوعين نوع انذار فى المفتاح نفسة ونوع تانى ريموت منفصل عن المفتاح والاتنين فى منتهى الشياكة بصراحة

النوع ده خلاص مبقاش موجود يا ميدو

هو بتاع دايهاتسو بس

[bmya]

باشا انا مركب انذار ووحدات الرفع للسيريون بتاعتي بره التوكيل الحمد لله مفيش اي مشكله خالص
والموضوع كله اتكلف 160 انذار + 80 وحدات رفع+100 تركيب
340 جنيه
لان خساره بصراحه فيهم ال 950 جنيه دول حاجه تخنق

[mohammedfat80]

باشا انا مركب انذار ووحدات الرفع للسيريون بتاعتي بره التوكيل الحمد لله مفيش اي مشكله خالص
والموضوع كله اتكلف 160 انذار + 80 وحدات رفع+100 تركيب
340 جنيه
لان خساره بصراحه فيهم ال 950 جنيه دول حاجه تخنق

أيوه كده فينك من زمان
ياريت تقولنا ركبت فين بقى الكلام ده كله الله يكرمك