شاريد - كيور

[aliabutaleb]

السلام عليكم ورحمة الله وبركاته
انا بقيت من أشد المعجبين بالعربية السيريون من خلال تجربة ونضائح الأخوة هنا في المنتدى
وبالرغم من اني قدامي شوية وقت لغاية ما أغير البسكلتة الـ 128 اللي معايا إلا إني حاسس إن الـ 81 ألف كتير عليا شوية
كنت عاوز أعرف ليه مفيش أي كلام أو معلومات هنا عن العربية الشاريد - كيور (يارب أكون كتبت الاسم صح) :)

هل هي هاتنزل فعلاً في مصر؟

وسعرها هايكون في حدود كام؟

وأخيراً هايكون فيه منها اوتوماتيك ولا مانيوال بس؟

وهل تنصحوا بيها ولا لأ؟

اعذروني لأن أخوكم أصلاً جديد في كار العربيات وانا في انتظار ردودكم :)

[أبو عبدالله]

أولا اهلا بك في المنتدى

ثانيا موضوع الشاريد ده لم يحسم لحد الان في التوكيل فهم المفروض كانو هينزلو الموديل الجديد للشاريد ولكن علشان الشكل الجديد والامكانيات اللي فيها مخليه سعرها عالى شويه يعني تقريبا تدخل في اوخر الستينات كده

فلسه لم يحسم الموضوع ولكن هيا عربيه خطيره بجد سواء الجديده او القديمه

انا انصحك لو انت عاوز ومش مشكلة معاك الشكل القديم تشوف واحده مستعمل جديد يعني
العربيه من العربيات المعمره والعمليه جدا في التشغيل وتوفير المال

انا انصحك بها

[Ahmed Anwer]

السيريون مش مبالغ في سعرها ،،،

شوف ال 81 الف يجيبولك ايه ،،

هتلاقي السيريون من الإختيارات الممتازة ،،

بس عيبها إنتشارها الضعيف

[OlaOsman]

السيريون مش مبالغ في سعرها ،،،

شوف ال 81 الف يجيبولك ايه ،،

هتلاقي السيريون من الإختيارات الممتازة ،،

بس عيبها إنتشارها الضعيف

كلام مظبوط، ده غير ان ده سعر الأوتوماتيك، اما المانيوال فبحوالي 76 ألف و انا سمعت ان للسفر الكتير على الطرق السريعة المانيوال أفضل من الأوتوماتيك.. و الله أعلم.

[aliabutaleb]

السيريون مش مبالغ في سعرها ،،،

شوف ال 81 الف يجيبولك ايه ،،

هتلاقي السيريون من الإختيارات الممتازة ،،

بس عيبها إنتشارها الضعيف

الأخ أحمد
يا فندم انا مقلتش المبلغ كتير على السيريون بالعكس انا اقتنعت تماماً بوجهة نظركم إنها أفضل وأرخص عربية يكون فيها المواصفات دي
ولكنني قلت ان المبلغ كتير عليا

أبو عبد الله
شكراً لردك وصدقني إنت أكتر واحد محمسني للسيريون لو جبتها :)

علا
من غير الخوض في تفاصيل فنية انا جاهل بيها انا شايف إن لما يبقى الفرق بين الأوتوماتيك والمانيوال 5 آلاف جنيه في عربية دافع فيها 76 ألف يبقى حرام غن الواحد ميجيبهاش أوتوماتيك ده غير إن نعمة الحياة في 6 أكتوبر قد تكون غير دائمة :)

[أبو عبدالله]

الأخ أحمد
يا فندم انا مقلتش المبلغ كتير على السيريون بالعكس انا اقتنعت تماماً بوجهة نظركم إنها أفضل وأرخص عربية يكون فيها المواصفات دي
ولكنني قلت ان المبلغ كتير عليا

أبو عبد الله
شكراً لردك وصدقني إنت أكتر واحد محمسني للسيريون لو جبتها :)

علا
من غير الخوض في تفاصيل فنية انا جاهل بيها انا شايف إن لما يبقى الفرق بين الأوتوماتيك والمانيوال 5 آلاف جنيه في عربية دافع فيها 76 ألف يبقى حرام غن الواحد ميجيبهاش أوتوماتيك ده غير إن نعمة الحياة في 6 أكتوبر قد تكون غير دائمة :)

ولو جبتها اوتوماتيك بــ 81 الف يبقى حرام متجيبهاش كامله بــ 86 الف لأن فيها كماليات جامده مقارنة بفارق السعر اللي هو 5 الاف جنيه برضه
الكماليات الفرق :
1- ABS . EBd
2- جنوط سبور
3- اسبويلر خلفي
4- سي دي اصلي مدمج في التابلوه

[aliabutaleb]

ولو جبتها اوتوماتيك بــ 81 الف يبقى حرام متجيبهاش كامله بــ 86 الف لأن فيها كماليات جامده مقارنة بفارق السعر اللي هو 5 الاف جنيه برضه
الكماليات الفرق :
1- ABS . EBd
2- جنوط سبور
3- اسبويلر خلفي
4- سي دي اصلي مدمج في التابلوه

لأ دي مؤامرة بقى :))))
على فكرة انا بعت لك مسدج على الموبايل في العيد :)

[أبو عبدالله]

ليا أنا ؟؟؟؟؟؟

عالعموم انا متشكر وكل عام وانت طيب وياريت تعرفني بحضرتك
وشكرا

[novocaine]

و لو هتدفع 86000 يبقي حرام متجيبش .....................
كدا الراجل هيفلس يا جدعان!

[SEATLOVER]

لو مش مستعجل استنى الشاريد (كيور) كدة كدة هاتنزل قريب لأن فى سيارات منافسة لا ترتقى لمستواها بقت فى سعرها دلوقتى .

حاول تستنى الكيور هى تحفة ذى السريون بالظبط .

[OlaOsman]

لو مش مستعجل استنى الشاريد (كيور) كدة كدة هاتنزل قريب لأن فى سيارات منافسة لا ترتقى لمستواها بقت فى سعرها دلوقتى .

حاول تستنى الكيور هى تحفة ذى السريون بالظبط .

طيب هل فيه اي أخبار عن مدة معينة هاتنزل فيها العربية في الأسواق المصرية؟

[SEATLOVER]

طيب هل فيه اي أخبار عن مدة معينة هاتنزل فيها العربية في الأسواق المصرية؟

من غير اخبار يا عُلا المسألة منطقية
-عبد اللطيف جميل مش بيتأخر عن تنزيل الموديلات الحديثة
-الموديلات الموجودة فى نفس الفئة سعرها وصل تقريباً للسعر المنتظر للكيور
- الشاريد الموجودة حالياً هى سبب تأخير النزول للكيور (شكل مش حلو بالمرة -مبيعات قليلة -سعر مرتفع-بعض المشاكل -وجود مخزون اكيد منها -...)

اكيد الموضوع مش هايتعدى الصيف اللى جاى يعنى على شهر 5 او 6 ممكن تنزل ان شاء الله .

[أبو عبدالله]

- الشاريد الموجودة حالياً هى سبب تأخير النزول للكيور (شكل مش حلو بالمرة -مبيعات قليلة -سعر مرتفع-بعض المشاكل -وجود مخزون اكيد منها -...)

أختلف في الرأي مع حضرتك لعدة اسباب :
1- الشاريد السابقة شكلها مش حلو اتفق معاك في هذا ولكن ده ليس سبب لعدم نزلو الجديده
2- مبيعات قليله وسعر مرتفع ووجود مخزون منها كمان كلهم مرتبطين مع بعض لأن مفيش منها من السنة اللي فاتت خالص في السوق ولما خلصت الناس اقعدت تدور عليها لدرجة ان اللي معاه مستعمل كان بيبيعها لحد الأن بسعرها الجديد اللي هو كان شاري به


الجديده مش هتنزل من اساسه لأن الأوبشن فيها عالي
والناس هنا مش هتتفهم السعر بتاعها لأن طبعا في عربيات اعلى في الفئة ولكن ليس في كمالياتها وهتكون تقريبا بسعرهم

[SEATLOVER]

انا قصدى يا ابو عبد الله ان التوكيل محتاج بس شوية وقت يرتب اوراقة فى الشاريد الجديدة من حيث السعر... و الدعاية ..و الخدمة ..

لكن انا شايف ان القديمة اثرت سلبياً على الشاريد عموماً ..ومفيش حد بيبيع عربية لسة جايبها جديد عشان يكسب فيها او عشان الناس بدور عليها ..مفيش حد بيدور عليها لسعرها و شكلها بصرف النظر كمان عن بعض المشاكل الصغيرة

تاريخ الشاريد جامد اوى و معروف بس نزول موديل غير موفق ذى الموجود حالياً بيخلى نزول الموديل اللى بعدية محتاج تخطيط و دراسة شوية

[soundoffear]

أنا سألت في توكيل دايهاتسو اللي في شارع النزهة عن الشاريد الجديدة قاللي انهم دلوقتي بيعملوا دراسة في الشركة إنهم يشيلوا منها شوية اوبشنز في مقابل انهم يقوللوا سعرها ويبقي في فرق بينها وبين السيريون
وقاللي يمكن يتأخر وقت نزولها شوية
لو أي حد عرف اخبار أكيدة ياريت يبلغنا يا جماعة
أنا بدور عالكارت بتاعه مش لاقيه