استفسار عن الزجاج الامامي للسيريون و طلب نصيحه

[M.Mosaad]

السلام عليكم و رحمه الله و بركاته علي كل الاخوة

معلشي انا حصلي النهاردة موقف سخيف شوية كنت فوق اكتوبر و الطريق واقف خالص و في اعلي نقطة من اكتوبر يعني مفيش اي عمارات حواليا و فجاه سمعت خبطة في الزجاج لقيت الحمد لله نقرة صغيرة اوي ي ي و بعدين قعدت تمتد شوية لحد ما عملت خط صغير حوالي 20 سم كدة طبعا انا ذهلت لان مفيش اي حاجة تسبب خبطة جامدة زي دي

المهم الحمد لله علي كل حال و قدر الله و ما شاء فعل بس تنصحوني بأيه انا مأمن علي العربيه فاتصلت بالتوكيل اسال عن الاسعار كانت كالتالي

الزجاج الامامي 1320

تركيب 570

كاوتش للزجاج 366

يعني كله كله بالضريبه 2600 جنيه

سؤالي بقي

هل اعمله في التوكيل مع العلم اني بدفع حولي 10 % مقابل استعمال يعني هدفع حوالي 260 جنيه و هاخد الفلوس بعد حوالي 20 يوم و لا اصلحه عند اي حد و اعتقد مش هيكلف اكتر من 100 جنيه و لو اتصلح هل بيبقي زي ماكان لانها خط خفيف اوي و بيرجع زي لاول و لا هيبوز تاني و لو في حد ممكن حد يرشحلي حد بتاع ازاز كويس في مدينه نصر

اسف اني طولت عليكم بس الواحد فعلا بيحس انه بيسال اخوانه

[medo_sirion]

السلام عليكم
انا حضرتك حصلى موقف مشابة زى حضرتك بالظبط
فكل اللى عملتة انى سالت والاعضاء نصحونى ان فى واحد فى شارع السودان عند نزلة ميدان لبنان عند مومن
تم تغير زجاج بدون المساس بكاوتش وجوان العربية الاصلى
ونوعة سعودى ويوجد بية شماسة
والتكفة بالتركيب كانت 500 شاملة كل حاجة
واسف على الاطالة

[M.Mosaad]

السلام عليكم
انا حضرتك حصلى موقف مشابة زى حضرتك بالظبط
فكل اللى عملتة انى سالت والاعضاء نصحونى ان فى واحد فى شارع السودان عند نزلة ميدان لبنان عند مومن
تم تغير زجاج بدون المساس بكاوتش وجوان العربية الاصلى
ونوعة سعودى ويوجد بية شماسة
والتكفة بالتركيب كانت 500 شاملة كل حاجة
واسف على الاطالة

الف شكر علي اهتمامك و ردك

طيب رايك ايه اني احقنه ايه الضرر في كدة لان النقرة و الخدش صغيريين جدااا بس انا خايف يوسعوا و في نفس الوقت مش طالبه ادفع فلوس فيه و انا مأمن فقلت انشاء الله هحاول احقنه و لو فك تاني ابقي اروح اغيرة بس فعلا سعر 500 جنيه سعر رائع انت تعرف الراجل بتاع التوكيل بقوله دة الزجاج في خدش هدفع تمن الكاتش و الجوان ليه قاللي انه لازم يتقطع و هما بيفكوا الزجاج واضح انه استعباط رسمي

هو بصراحه بفضل ربنا ثم فضلك انت و شريف و ابو عبدالله و محمود و ميدو و بقيت الاخوة ربنا يباركلكم عرفتونا اماكن الحاجات كلها برة التوكيل

الف شكر

[medo_sirion]

ياباشا من غير حاجة احنا هنا بنساعد بعض من جشع التوكيلات

انا عملت موضوع معالجة الشروخ ومشيت بيها اكتر من سنتين ومكنتش باينة خالص بس مرة فى ظابط رخم حب يطلع اى حاجة فى العربية فشاف حاجة بسيطة فكان عايز يدخلنى فحص
بس وروحت عملت الازاز فى اقل من نصف ساعة وبعد تركيبة سافرت بية بدون اى قلق خالص لان جوان العربية الاصلى كان فى مكانة محدش جية جنبة

[aliabutaleb]

قدر الله وماشاء فعل
أهم حاجة لو حضرتك ناوي تصلح الشرخ تروح بأقصى سرعة
الشمس والمية هايخللوا الوضع أسوأ بكتير

[M.Mosaad]

قدر الله وماشاء فعل
أهم حاجة لو حضرتك ناوي تصلح الشرخ تروح بأقصى سرعة
الشمس والمية هايخللوا الوضع أسوأ بكتير

هو الحمد لله هي حصلت النهاردة و انا رايح الشغل فانا بركن كدة كدة في عمر مكرم فبعيد الحمد لله عن الشمس و الميه و هروح النهاردة بعد الشغل علطول انشاء الله

[M.Mosaad]

في واحد صاحبي فتالي فتوي كدة النهاردة مش عارف صح و لا غلط هو بيقولي ان التوكيلات كلها مش بتجيب الزجاج من الشركه الام بتبقي متعاقدة مع شركات في مصر زي امان و جريش انهم يوردوا زجاج يعني الزجاج كدة كدة بيبقي مصري مش بتاع العربيه الاصلي فالكلام دة صح و لا غلط

[M.Mosaad]

ياباشا من غير حاجة احنا هنا بنساعد بعض من جشع التوكيلات

انا عملت موضوع معالجة الشروخ ومشيت بيها اكتر من سنتين ومكنتش باينة خالص بس مرة فى ظابط رخم حب يطلع اى حاجة فى العربية فشاف حاجة بسيطة فكان عايز يدخلنى فحص
بس وروحت عملت الازاز فى اقل من نصف ساعة وبعد تركيبة سافرت بية بدون اى قلق خالص لان جوان العربية الاصلى كان فى مكانة محدش جية جنبة

ربنا يطمن قلبك يا باشا و هما فعلا في التوكيل بقوا بيستعبطوا اخر استعباط و حكايه الجوان و الكاوتش دي نرفزتني جدااااااااا منهم يعني المفروض لو حتي بستغل و بيعلي اسعار قطع الغيار يبقي عندة ضمير في حاجات العربيه و يتعامل مع الواحد علي الاقل زي الميكانيكي اللي برة التوكيل مش يغير حاجة مش محتاجة تغيير علشان استسهال شغل و خلاص

[M.Mosaad]

عملت الزجاج النهاردة الحمد لله عن الدكتور خالد في مدينه نصر عند جامع السلام و اتكلف 100 جنيه قاللي علشان الشرخ كان كبير بس انا حاسس انه كان غالي شوية بس شغله كويس يعني في خط خفيف اوي عايز تركيز علشان الواحد يشوفه بسمك الشعرة و اداني ضمان المفروض انه مدي الحياه ان الشرخ يرجع تاني

يالا الحمد لله علي كل حال و شكرا ليكم جدا علي مساعدتكم و هبقي اروح عند الراجل اللي ميدو قال عليه ابقي اغير الزجاج انا بس زعلان علي زجاج الفبريكه بس هنعمل ايه ادينا عايشيين في مصر

[MoToRiZeR]

علي فكرة لو فك بتروح تعمله تاني ببلاش انا حصل معايا كدة بس مفكش بالمعني .. هو بقي فيه حتي بتلمع كدة .. و المفروض لو حد حصله كدة يروح يعمله علي طول قبل ما الشرخ يخش فيه تراب و مياه لأن دول اللي بيخلوه باين .. و جت سليمة الحمد لله .. علي فكرة انا نفس النظام و هغيره قبل التجديد و الفحص إن شاء الله.

[M.Mosaad]

علي فكرة لو فك بتروح تعمله تاني ببلاش انا حصل معايا كدة بس مفكش بالمعني .. هو بقي فيه حتي بتلمع كدة .. و المفروض لو حد حصله كدة يروح يعمله علي طول قبل ما الشرخ يخش فيه تراب و مياه لأن دول اللي بيخلوه باين .. و جت سليمة الحمد لله .. علي فكرة انا نفس النظام و هغيره قبل التجديد و الفحص إن شاء الله.

محمود باشا اذيك عامل ايه

هو ايه حكايه ازاز السيريون انا كنت فاكر اني لوحدي اللير الازاز اتشرخ عتدي يالا الحمد لله علي كل حال

معلشي انا عندي استفسار تاني هو دلوقتي مش باين الا لما تركز جامد جدا سمك شعرة الراس يعني فدة طبيعي و لا هو المفروش مايبنش خالص

و زي مانا قلت في مشاركه سابقه ان واحد صديق فتالي فتوي ان الازاز اللي في التوكيلات كلها بيبقي ازاز مصري مش بيجيبوا بتاع العربيه الاصلي فالكلام دة صح ولا غلط

[shaltot]

الدكتور خالد شغلهم نظيف أوي ومتخفش الشرخ مش هيزيد ولاحاجة ولهم أكتر من فرع في القاهرة ومحافظات أخرى

[M.Mosaad]

كنت عايز اعرف اذا كان في حد بتاع ازاز كويس في مدينه نصر لان الشرخ فتح تاني بتاع الازاز عندي و ميدو كان قال علي واحد بس في ميدان لبنان بعيد عني شوية فلو في حد في مدينه نصر يبقي كويس لو مفيش امري لله و هشد الرحال علي ميدان لبنان

[MoToRiZeR]

إيه ده برضه ؟! في نفس ذات التوقيت؟ انا كمان الشرخ فتح عندي و غيرت الإزاز بس مش عاجبني

[M.Mosaad]

إيه ده برضه ؟! في نفس ذات التوقيت؟ انا كمان الشرخ فتح عندي و غيرت الإزاز بس مش عاجبني

محمود باشا عامل ايه اتمني تكون بخير

بص هو فتح في اليومين الحر الجامدين اوي اللي فاتوا بس فتح فرع جديد من مكان الزلطة مش المكان اللي كان عامله بصراحه - انا سمعت نصيحه ميدو ربنا يباركله و رحت غيرته امبارح في ميدان لبنان طبعا لسة جديد بس ملاحظاتي اني شايف منه بوضوح جدااااااا و شكله كويس و الناس هناك نضيفه جداااااا يعني مقربشي للجوان و لا فك حاجة شال الازاز و حط التاني خلال نص ساعه بس طبعا مش هقدر اقول رأيي قبل اسبوع كدة و لا حاجة

و القصة اتكلفت 450 جنيه