الى عندة دايهاتسو ميرا او معلومات اكيدة عنها ..يدخل بسرعة

[بنت مصر]

السلام عليكم ..

يا جماعة الخير انا كنت بفكر اشترى الفيات 128 او 127 لكن بعض الافاضل نصحونى بالدايهاتسو ميرا فقلت اسأل اهل الخبرة اولا

انا عايزة اعرف مميزاتها وعيوبها بأمانه لانها اول عربيه ليه وانا سيدة ومعايا اطفال يعنى مش هينفع اتبهدل بيها كل شويه عند ميكانيكى او تعطل منى وانا بودى بنتى المدرسه

وكمان كنت عايزة اعرف ايه افضل موديلاتها واسعار المستعمل

وهل تصليحها سهل يعنى اى ميكانيكى يصلحها زى الفيات ولا عقدة

واخبار اسعار قطع الغيار ايه

جزاكم الله كل خير

[shaltot]

السلام عليكم ورحمة الله وبركاته
العربية الميرا مواصفتها كالاتي
أحسن موديل فيها موديل من 99 إلى 2002
سيارة قوية جدا مكيفة 3 سلندر إنجكشن إستهلاكها في البنزين من 15 إلى 20 كم لكل لتر السعة اللترية 1000 سي سي مكيفة ناعمة جدا وتكيفها رائع أما قطع الغيار فيه معمرة وأسعارها مش غالية
أهم حاجة تكون العربية جديدة نوعا ما يعني يتم فحص السيارة كويس
أما أسعارها الكويس منها وأوتوماتيك فمن 30 إلى 35 ألف جنيه
أرجو إني أكون أفدتك
والسلام عليكم ورحمة الله

[بنت مصر]

شكرا جدا لاهتمام حضرتك وعلى المعلومات المفيدة
والحقيقة انت طمنتنى من ناحية العربيه لكن انا ميزانيتى لا تسمح بالاوتوماتك فى الوقت الحالى
ياترى اى موديل فى العادى افضل واسعارة وهل كفاءته مثل الاوتوماتيك

[mohamed_rhem]

شكرا جدا لاهتمام حضرتك وعلى المعلومات المفيدة
والحقيقة انت طمنتنى من ناحية العربيه لكن انا ميزانيتى لا تسمح بالاوتوماتك فى الوقت الحالى
ياترى اى موديل فى العادى افضل واسعارة وهل كفاءته مثل الاوتوماتيك

في منها موديلات اقدم بس اقل من 1000 سي سي وده رينجها اقل من 20 الف جنيه

وبرضه تمام

العاده افضلك من الاتوماتيك لقلة اعطاله ورخص صيانته ناهيك عن عدم وجود صيانه للفتيس الاتوماتيك

[hkyfgvyiyu]

العربيه ديه كانت معايا وكانت موديل 94 تقريبا العربيه ديه تمام فى كل حاجااااااااااااا بمعنى الكلمه ماعدا قطع الغيار لو الواحد لاقاها هتبقى غاليه جدا سعر وسرعه اعاده البيع منخفضله للغايه لزلك اختى العزيزه بنصحك بماروتى او التو على حسب الميزانيه

[arshooo]

أختى الفاضلة انا كان معايا ميرا 2000 و بعتها و لسه بدخل على المنتدى عموما الميرا من ناحية النعومة و السواقه سيارة ملهاش حل و فعلا افضل موديلاتها 99 و 2000 بس 2000 ممكن تلاقيها فى حدود 28000 او 29000 عادة مش اوتوماتيك لكن هى سيارة قطع غيارها غالية و مش فى كل مكان و ممكن تقولى ان قطع الغيار عند 2 بس فى الحرفيين واحدبيبيع الجديد اسمه اوشين و محلين للقطع الاستيرادو اسعارهم غالية و مفيش ميكانيكية كتير بيشتغلو فيها ممكن واحد او اتنين و اللى بيبقى محتكر اكيد هيعذبك فى كل شىء فعلا خليكى فى ماروتى او التو سوزوكى يابانى و ناعمة و فى نفس الوقت قطع غيارها ممتازة و انا عن نفسى لما بعت جبت سيارة تويوتا استارليت ممكن تكون اقل من الميرا فى السعر بس اقوى و اوسع و قطع غيارها متوفرة و كل الميكانيكية بيشتغلوا فيها تانى حاجة هتغلبى علشان تبيعى الميرا و اتمنى اكون قدمت لك رد مفيد

[XXXMEMOXXX]

تقريبا كل الاخوه قاموا بالواجب ,,
العربيه فعلا ناعمه وممتازه ,, ولكن بيعبها قطع الغيار لانها غاليه ,
وربنا يوفقك للاختيار الافضل

قطع غيارها غالية و مش فى كل مكان واحدبيبيع الجديد اسمه اوشين و محلين للقطع الاستيرادو اسعارهم غالية

+1

[blue_1177]

قطع غيار غاليه بس بتعيش