دمى محروق.. كنت هشيل بنى ادم على طريق الواحات

[Imhotep]

ماشى على طريق الواحات فى امان الله على 90 سرعة الطريق.... على بعد حوالى 200 متر فى ملف ع الشمال.... وسعت لروحى عشان العربيات اللى بتلف (و اخرها اتوبيس كبير) و بقيت فى نص الطريق.... قبل الملف ب 100 متر لقيت كتلة بشرية حوالى 7 اشخاص طلعت من ورا الاتوبيس..... و ماله المشاه لهم اولوية المرور و نهديلهم عشان يعدوا براحتهم..... هديت عشان البشوات يعدوا و يبقوا على يمينى..... و عدوا فعلا قبل ما اوصلهم.... و فجأه هووووووووووبا..... و انا على بعد حوالى 5 متر فقط منهم..... اخر واحد فيهم قرر انه يرجع تانى قدام عربيتى.... و فعلا رجع.... من قربه حسيت انى هشيله هشيله لا محالة و لا فرامل تنفع و لا الهوا.... ستر ربنا ان الافندى عدى العربية بالكامل و كان هيخبط فى المراية لولا كسرة يمين منى و رد فعل عكسى بكسرة شمال خلت العربية لعبت منى بس ربنا ستر..... دمى نشف.... و بعد ما عديت الافندى ببص فى المراية لقيت بقية الكتلة البشرية - اللى كانت عدت كلها الطريق- هى كمان رجعت ما طرح ما جت للافندى اللى رجع و كنت هشيله....

نشف دمى ع الصبح الله ينشف دمه البعيد.... قلت افضفض معاكو شوية احسن لسه اعصابى متوترة

[medo_sirion]

لالالالالا ولا تتعصب ولا حاجة
دة الجديد دلوقتى والنس بتعدى بتحس انهم ماشين على الكورنيش مش طريق ممكن عربية تيجى تشيلهم
على العموم ربنا ستر وكيس ان حضرتك بخير

[Imhotep]

لالالالالا ولا تتعصب ولا حاجة
دة الجديد دلوقتى والنس بتعدى بتحس انهم ماشين على الكورنيش مش طريق ممكن عربية تيجى تشيلهم
على العموم ربنا ستر وكيس ان حضرتك بخير

فعلا و الله كأنهم كانوا بيتمشوا و فجأة واحد اكتشف انه نسى كيس اللب بتاعه و رجع يجيبه.... الحمد لله على كل شئ

[w-m-a]

الحمد لله ان ربنا ستر
والله وقفت لاتنين ستات شكلهم محترم علشان يعدوا الشارع قدامى
والله عدوا بالشارع بالطول اة والله
حاجه تحرق الدم

[Imhotep]

الحمد لله ان ربنا ستر
والله وقفت لاتنين ستات شكلهم محترم علشان يعدوا الشارع قدامى
والله عدوا بالشارع بالطول اة والله
حاجه تحرق الدم

هو ده بالظبط اللى يغيظك اكتر حاجة..... انا مثلا تملى بدى المشاة الاولوية و بستناهم يعدوا و باقف لهم..... يعنى من الاخر باحترمهم و احترم اهمية البنى ادم..... اللى يغيظك بقة ان البنى ادم ده نفسه ميكونش حاسس بالاهمية دى و على العكس تلاقى اللامبالاة بحياته امام السيارات عادى جدا جدا..... انا لو مستهتر بحياة البنى ادم اللى كنت هدوسه ده ما كانش دمى اتحرق كده لكن هو البعيد معندوش احساس

[rockana]

هههههههههههه
الحل مع الناس اللى ماشيه فى الشارع كأنها خارجه من الحمام رايحه على اوضة النوم اننا نغمض عنينا و نمشي
او الاحلى نمشي زي سواقين الاسكندريه
جدع ابن جدع حاول تعدي فى الاسكندريه على الكورنيش هاتلاقى 100 سواق بيسرع نحيتك علشان يدوسك
و الاغرب ان عربيات الاسعاف بتوصل بعد الحادثه ب 3 دقايق على الاكثر

[GMakram]

اولا الحمدلله على سلامتك وكويس انه محصلش ما لا يحمد عواقبه,ثانيا انا شارى عربيتى من 8 شهور وكنت فى بدايه ايامى واستكشافى لأحوال الشارع المصرى فى غايه الزوق مع المشاه افرمل لده واقف لده قد كدا على مايعدى وطبعا مكنتش بفلت من بعض الشتايم من الاخوه الزملاء قائدى المركبات الى ان وصلت للحقيقه المره,المشاه او عابرين الطريق مينفعش معاهم غير طريقه واحده وربنا يسامحنى فى اللى هقوله ده "تسيب العربيه مندفعه من بعيد متهديش ورجلك على الفرامل وايدك ماتتشلش من على الكلاكس"اللى بيعدوا لو حسوا انك زوق او انك هديت علشانهم يبقى صدقنى هيفضلوا رايحين جايين قدامك وانت واقفلهم ومش بعيد كمان يفرشوا قدام عربيتك ويتغدوا

روق ياصديقى وقل من كل قلبك الحمدلله على كل حال

[Imhotep]

اولا الحمدلله على سلامتك وكويس انه محصلش ما لا يحمد عواقبه,ثانيا انا شارى عربيتى من 8 شهور وكنت فى بدايه ايامى واستكشافى لأحوال الشارع المصرى فى غايه الزوق مع المشاه افرمل لده واقف لده قد كدا على مايعدى وطبعا مكنتش بفلت من بعض الشتايم من الاخوه الزملاء قائدى المركبات الى ان وصلت للحقيقه المره,المشاه او عابرين الطريق مينفعش معاهم غير طريقه واحده وربنا يسامحنى فى اللى هقوله ده "تسيب العربيه مندفعه من بعيد متهديش ورجلك على الفرامل وايدك ماتتشلش من على الكلاكس"اللى بيعدوا لو حسوا انك زوق او انك هديت علشانهم يبقى صدقنى هيفضلوا رايحين جايين قدامك وانت واقفلهم ومش بعيد كمان يفرشوا قدام عربيتك ويتغدوا

روق ياصديقى وقل من كل قلبك الحمدلله على كل حال

نظريتك دى وهى انك تسوق قطيع المشاه بالكلاكس انا بستخدمها بس لما ازهق من الزحمة و المشاة و العربيات اللى قدامى و اللى ورايا و العيشة و اللى عايشينها..... و الغريب انها بتجيب نتيجة ممتازة و الاخوة المشاة بيحسوا على دمهم و يتنحرروا شوية..... و كأنهم فعلا بيحسوا ان انت جد و اللى هيستهبل منهم ممكن تشيله..... سبحان الله هى الدنيا مش هتتغير بقة ..... تبقى محترم الناس تستهبل تبقى بلطجى الناس تتلم قدامك..... اوضاع معكوسة.....

[wghazi]

تقريبا هو ده بقى الطبيعى فى شوارعنا
انا فاكر قبل ماجيب العربيه لما كنت بعدى شارع او حاجه وكنت بلاقى حد ذوق بيهدى عشان الناس تعدى كنت بشكره وبحاول اعدى بسرعه عشان عارف ان لو هو وقف شويه الناس اللى وراه ح يشتموه

بس دلوقتى لما تقف لحد وخصوصا واحده ست عشان تعدى تلاقيها زى ماتكون بتعاقبك انك وقفت وتلاقيها بطأت فى المشى اكتر ولو اديتها كلاكس ولا حاجه تلاقيها بتبصلك باسحتقار وكانها اصلا بتعطف عليا اصلا عشان هيخ اتكرمت وعدت من قدامك

ربنا يهدى الناس

[Imhotep]

انا فاكر قبل ماجيب العربيه لما كنت بعدى شارع او حاجه وكنت بلاقى حد ذوق بيهدى عشان الناس تعدى كنت بشكره وبحاول اعدى بسرعه عشان عارف ان لو هو وقف شويه الناس اللى وراه ح يشتموه

هو ده اللى مخلينى مازلت محترم مع المشاه..... انى كنت بحترم اللى بيقف لى و كنوع من الشكر بعدى بسرعة عشان معطلوش....

[w-m-a]

الامثلة السابقة قلة ولا يعتد بها
المشاة والدى ووالدك والدتى ووالدتك اختى واختك ابنائنا
ومن يحترم الناس يحترمه الناس
ومن لايرحم لا يُرحم

[د.محمود صلاح]

الحمد لله حصل خير ... ايدك على الكلاكس على طول مع الناس اللي زي كده

[hobaz]

ربنا ستر والحمد لله عدت على خير وربنا يستر طريقك ياباشا....

[Imhotep]

الحمد لله على كل شئ و اشكركم كلكم على ردودكم

[slim_shika]

الحمد لله يا باشا جت سليمة.

عامتا أنا بطلت اقف لحد علشان يعدي, الحادثة بتحصل في ثانية وبصراحة مش عايز واحد يجي يخبطني من ورا علشان كنت بعدي واحد.

أنا ممكن من بعيد اهدي لحد عايز يعدي الشارع لكن اقف صعبة..