تم تغيير قنطرة المحرك - جزيل الشكر لدايهاتسو مصر

[معاذ الشرباصى]

السلام عليكم و رحمة الله و بركاته

من فترة كنت كتبت عن اكتشاف عيب فى العربية عندى بيؤثر على ثباتها فى الموضوع ده:

http://www.nilemotors.net/Nile/132262-a.html

بعد مقابلة المهندس محمد عبدالصمد و الأنسة مى عبدالحميد... تم الكشف على السيارة و كانت النتيجة كالأتى:

قنطرة المحرك (او الحتة اللى بتبقى شايلة الرادياتير) دى بايظة و محتاجة تتغير, اما بالنسبة للسدر, فلا شىء يذكر يستدعى تغييره (حاجة بسيطة جدا)

القنطرة ساعة حادثة الكلب مهندس ماجد كان اكتشف انها معوجةو لكن لعدم توافر قنطرة فى ذلك الوقت و كنا هنستنى تانى بعد اما استنينا اكتر من 30 يوم علشان خراطيم تبريد الفتيس, فقالى انه هيستعدلها و هترجع كويسة و مفيش اى قلق منها.

بعد النبذة التاريخية دى ... نرجع بقى للموضوع:

أنسة مى و مهندس عبدالصمد قالوا لى انهم كدايهاتسو هيتكفلوا بالموضوع بالكامل, و انا اشوف انا عايز ايه بالظبط

يعنى عاوز اغير القنطرة بس, هيغيروها .... عاوز اغير القنطرة و السدر برضه هيغيروها, و فى الحالتين على حسابهم بدون اما انا اتحمل اى تكاليف.

هما كانوا عايزين اسيبها فى نفس اليوم و اجى استلمها تانى يوم, بس انا مكنتش عامل حسابى على كده ... فتم الاتفاق انى اجيب العربية فى اليوم اللى يناسبنى, و العربية هتاخد بالكتير يومين.

لظروف عندى اتأخرت, لكن الحمد لله ذهبت بالعربية يوم الاثنين اللى فات و استلمتها يوم الاربعاء

تم تغيير القنطرة ... لأنى بعد سؤال اكتر من شخص + رأى مهندس محمد عبدالصمد السدر مش مستاهل خالص يتغير, ده غير انه مش بيأثر على ثبات العربية عكس القنطرة.

كان فى زوايا العربية محتاجة تتظبط... الحمد لله اتعملت

و كان فى مفاجأة جميلة جدا من جانبهم ... تم تلميع العربية بالكامل من الخارج و الداخل و ازالة الخدوش اللى موجودة عليها

الحمد لله العربية كويسة و مظبوطة ... و بأذن الله بعد فترة هوافيكم برأى بعد التغيير

حاجة اخيرة:

احب اشكر جدا جدا الأنسة مى و مهندس محمد عبدالصمد على المجهود ده و على المعاملة الراقية جدا جدا من جانبهم ... ربنا يجازيهم كل خير

و طول ما فى التوكيل ناس محترمة زيهم, التوكيل اكيد هيتقدم للأحسن

[bmya]

مبروك يا معاذ باشا على التغييير ةان شاء الله تبقى اخر حاجه تتغير

[slim_shika]

حاجة جميلة جدا بجد وتوكيل محترم فعلا.

الحمد لله يا دكتور, العربية بقت تمام كده ولا إيه؟؟

[medo_sirion]

اولا الف مبروك يامعاذ
ثانيا والاهم
ازاى القنطرة تقصر على زوايا العربية دة مستحيل معلش انا بتكلم بكل ثقة علشان فاهم ودخلت فى الموضوع دة قبل كدة
اللى بيظبط الزوايا الاسكترا واللى ماسك العجل الميزان اللى تحت القنطرة
فهل دة اللى بتقصدة ولا القنطرة بس

[mo7a_mo7a]

ربنا يديك خيرها وتامن شرها
والف مبروك

[ows212]

مبرووك يا معاذ وشكرا للتوكيل

[GMakram]

مع انى مش فاهم اى حاجه من اللى قلتها يا معاذ بس الف مبروك وتحيه واجبه لتوكيلنا المحترم توكيل دايهاتسو

[rockana]

1000 مبروك يا دكتور
بس انا عندي سؤال يا دكتورنا
هل موضوع التكلفه على دايهاتسو دا علشان دي حاجه جوا الضمان و مشكله فى العربيه (مش سوء استخدام يعني) ولا دي مجامله من الوكيل لمعاذ ؟؟

[mohamed_rhem]

مبروك يا دكتور

[medo_sirion]

1000 مبروك يا دكتور
بس انا عندي سؤال يا دكتورنا
هل موضوع التكلفه على دايهاتسو دا علشان دي حاجه جوا الضمان و مشكله فى العربيه (مش سوء استخدام يعني) ولا دي مجامله من الوكيل لمعاذ ؟؟

من رائى ان دية مجاملة
لية مكانت عندى نفس المشكلة ومهندس الاستقبال اعترف ان كان مركب الميزان غلط وعوج القنطرة
قالولى حادثة وانت اللى هتتحملها

[د.محمود صلاح]

توكيل محترم .. يحافظ على سمعته .

[rockana]

من رائى ان دية مجاملة
لية مكانت عندى نفس المشكلة ومهندس الاستقبال اعترف ان كان مركب الميزان غلط وعوج القنطرة
قالولى حادثة وانت اللى هتتحملها

اوفففف
يعني زي ماحنا
طيب المفروض اصاحب كل موظفين الشركه علشان ماتكلفش فلوس كتير لما تحتاج حاجه ولا يكون عندهم نظام محترم لراحة العملا

[aliabutaleb]

مبروك عليك يا معاذ
ربنا يسترها معانا جميعاً

[معاذ الشرباصى]

1000 مبروك يا دكتور
بس انا عندي سؤال يا دكتورنا
هل موضوع التكلفه على دايهاتسو دا علشان دي حاجه جوا الضمان و مشكله فى العربيه (مش سوء استخدام يعني) ولا دي مجامله من الوكيل لمعاذ ؟؟

باشمهندس محمود

قبل بس اما حضرتك او ميدو تقولوا مجاملة نشوف تسلسل الاحداث كده و بعد كده عاةو تغتبرها مجاملة اوك ... عاوز تعتبرها غير كده برضه اوك ... لك مطلق الحرية

1- فى شهر ديسمبر 2008 حصلت الحادثة بتاعة الكلب ... ده تفاصيل الموضوع:

http://www.nilemotors.net/Nile/65615-a.html

2- ساعتها بالاضافة للتأخير بتاع خراطيم تبريد الفتيس و بعد اما وصلت مهندس ماجد اكتشف ان القنطرة كمان محتاجة تغيير ... لكن للاسف كانت غير موجودة, ده غير انها لم تكن مذكورة فى المقايسة بتاعة التأمين ... يعنى نستنى 3-4 اسابيع تانى غير التأخير السابق

3- هو قالى ان هيستعدلوها و هتبقى زى الفل

4- لما انا كنت يشتكى, و قالوا ليا على موضوع السدر ... ذكرت لهم موضوع القنطرة ... و انا فى ذهنى ساعتها ان لم يتم تشخيص حاجة السدر للتغيير + عدم تغيير القنطرة ... طيب انا دفعت فعلا فلوس العمالة و الفك و التركيب و الفريون ده قبل كده .... ادفعه تانى ليه؟

5- عملت الشكوى لانسة مى, و مهندس ماجد كان متذكر فعلا كل الاحداث... و لما كشفوا على العربية, و شافوا انها محتاجة تغيير للقنطرة... عرضوا انها تتغير على حسابهم

انا صراحة كنت هتكلم انى مدفعش فلوس العمالة تانى و الفريون و خلافه ... لكن هما كان تعاملهم "اشيك" انهم قرروا يتحملوا كمان القنطرة

هل الصورة كده بقت اوضح؟

[معاذ الشرباصى]

مبروك يا معاذ باشا على التغييير ةان شاء الله تبقى اخر حاجه تتغير

شكرا يا شريف

حاجة جميلة جدا بجد وتوكيل محترم فعلا.

الحمد لله يا دكتور, العربية بقت تمام كده ولا إيه؟؟

ان شاء الله هكتب عن رأى فيها بعد اسبوع او 2 بالكتير

اولا الف مبروك يامعاذ
ثانيا والاهم
ازاى القنطرة تقصر على زوايا العربية دة مستحيل معلش انا بتكلم بكل ثقة علشان فاهم ودخلت فى الموضوع دة قبل كدة
اللى بيظبط الزوايا الاسكترا واللى ماسك العجل الميزان اللى تحت القنطرة
فهل دة اللى بتقصدة ولا القنطرة بس

اللى حاصل يا ميدو كالاتى:

القنطرة بايظة, "بتعصر" على شداد الميزان, فكان بيأثر على الثبات

فعلشان كده تم تغيير القنطرة

ربنا يديك خيرها وتامن شرها
والف مبروك

الف شكر

مبرووك يا معاذ وشكرا للتوكيل

الله يبارك فى حضرتك

مع انى مش فاهم اى حاجه من اللى قلتها يا معاذ بس الف مبروك وتحيه واجبه لتوكيلنا المحترم توكيل دايهاتسو

شكرا يا جورج باشا

مبروك يا دكتور

الله يبارك فيك

مبروك عليك يا معاذ
ربنا يسترها معانا جميعاً

الله يبارك فيك يا على باشا

أمين يا رب