ساعدوني في اتخاذ قرار سيريون 2009 gl

[Rana Saeed]

السلام عليكم. أنا بقالي فترة بقارن بين عربيات وكنت محتارة بين السيرين والجتز بس في الآخر رسيت الحمدلله على سيريون 2009 اوتوماتيك, بس حبة اتاكد من اصحاب الخبرة في 3 نقط :
1. في أي فرق ولو بسيط بين 2009 و 2010 ؟ عشان في فرق 2000 جنيه + كاسيت في ال 2009
2. كنت قلقانة من التكييف عشان ركبت واحدة 2009 كان تكيفها مش تمام الصراحة فهل المشكلة عامة ؟
3. ال 2009 مفيش منها ألوان كويسة بالنسبالي غير الاسود فهل فعلا بيجرب مع الوقت زي ماقالوا لي؟
وشكرا جدا على كل مواضيعكم اللي ساعدتني في اتخاذ القرار :)

[manchestr]

توكل على ربنا يا باشا بجد عربيه محترمه اوى اوى انا لسه كنت باشوف واحده 2007 امبارح والهى عربيه زى الفل..انا لولا كنت مدى كلمه لرجال على الافيو5 هاتشباك كان زمانى معايا السيريون
با النسبه للفرق انا معرفش اوى ممكن حد من الناس الى خبره هنا هيفيدك
واللون الاسود تحفه بجد
توكل على ربنا
وش الخير عليك انشاء الله

[manchestr]

اسف جدااا مختش بالى من الاسم.....:d:d

[Rana Saeed]

لأ ولا يهمك :d
وشكرا عالرد :)
بس أنا عرفت aveo مبقتش بتنتج الhatchback
مبروكة عليك ان شاء لله

[manchestr]

انا جيبها مستعمله كسر زيرو 2009

[bmya]

السلام عليكم. أنا بقالي فترة بقارن بين عربيات وكنت محتارة بين السيرين والجتز بس في الآخر رسيت الحمدلله على سيريون 2009 اوتوماتيك, بس حبة اتاكد من اصحاب الخبرة في 3 نقط :
1. في أي فرق ولو بسيط بين 2009 و 2010 ؟ عشان في فرق 2000 جنيه + كاسيت في ال 2009
2. كنت قلقانة من التكييف عشان ركبت واحدة 2009 كان تكيفها مش تمام الصراحة فهل المشكلة عامة ؟
3. ال 2009 مفيش منها ألوان كويسة بالنسبالي غير الاسود فهل فعلا بيجرب مع الوقت زي ماقالوا لي؟
وشكرا جدا على كل مواضيعكم اللي ساعدتني في اتخاذ القرار :)

اهلا بيكي يا رنا وان شاء الله تبقي سيريونيه جديده سعيده

بالنسبه للفروق مفيش اي فرووق من 2008 ل 2010
التكييف بتاعها كويس جداااا
الالوان الاسود عموما في اي عربيه مش في السيريون بس بيبان تأثير الشمس والتراب فيه فعلا ده غير انه في الحر والشمس بيشد الحراره والعربيه بتبقى مولعه


اي استفسار تاني اتفضلي براحتك

[Rana Saeed]

شكرا جدا للرد وشكلي كده هضحي بالكاسيت وال 2000 جنيه واجيب اللون البتنجاني 2010

[GMakram]

السلام عليكم. أنا بقالي فترة بقارن بين عربيات وكنت محتارة بين السيرين والجتز بس في الآخر رسيت الحمدلله على سيريون 2009 اوتوماتيك, بس حبة اتاكد من اصحاب الخبرة في 3 نقط :
1. في أي فرق ولو بسيط بين 2009 و 2010 ؟ عشان في فرق 2000 جنيه + كاسيت في ال 2009
2. كنت قلقانة من التكييف عشان ركبت واحدة 2009 كان تكيفها مش تمام الصراحة فهل المشكلة عامة ؟
3. ال 2009 مفيش منها ألوان كويسة بالنسبالي غير الاسود فهل فعلا بيجرب مع الوقت زي ماقالوا لي؟
وشكرا جدا على كل مواضيعكم اللي ساعدتني في اتخاذ القرار :)

اهلا بكى فى منتدى دايهاتسو

هو رد شريف وافى مفيش اى حاجه اقدر اضيفها بعده,انا معايا سيريون 2009 اوتوماتيك لو عايزه اى استفسارات انا تحت امرك

بالنسبه لأسئلتك على حد علمى مفيش اى فرق بين الموديلين غير الكاسيت,التكييف محدش اشتكى منه خالص فى السيريون فأعتقد لو كانت اللى ركبتيها فيها مشكله تبقى حاله فرديه وعموما احنا توكيلنا مش بيتأخر فى اى حاجه لو ظهر اى عيب فى العربيه,اخيرا بالنسبه للألوان هى ازواق طبعا بس اعتقد ان الاسود هيبقى صعب اوى خصوصا ان معظم السنه عندنا حر وانا كمان مقتنع ان الالوان الغامقه بتليق اكتر فى العربيات الكبيره مش الهاتش باك

فيه عيب اخير هو ان منتدانا مقابلاته قليله علشان تبقى عامله حسابك من اولها يمكن ده يغير فكرتك عن العربيه

تقبلى مرورى وتحياتى

[bmya]

هي 2010 نازله من غير كاسيت وكمان اغلى من 2009 ؟!!!!!!!!!!!!!!!!!!

[GMakram]

هي 2010 نازله من غير كاسيت وكمان اغلى من 2009 ؟!!!!!!!!!!!!!!!!!!

ايوا ياشريف احنا فلتنا يابنى :)

[Rana Saeed]

أنا خلاص حجزت ال2010 :)
شكرا جدا لافادتكم جميعا

[GMakram]

أنا خلاص حجزت ال2010 :)
شكرا جدا لافادتكم جميعا

الف مبروك الحجز,حجزتيها منين والسعر كم وانهى فئه؟ وهتستلميها امتى؟

[Rana Saeed]

الله يبارك فيكم
حجزتها من ديهاتسو اللي في شارع النزهة في مدينة نصر وهاستلمها أول مايخلصو التأكد من ال بيانات عشان تقسيط تبع contact cars بـفايدة 8.5%
هي اوتوماتيك 1300 gl

[Rana Saeed]

السعر 85000

[أبو عبدالله]

السعر 85000

ربنا يعطيكي خيرها ويكفي عنك شرها
وان كنت افضل لحضرتك لو مش هتفرق معاكي تزودي 5 الاف جنيه كمان وتجيبي الموديل الــ glx أفضل كتير
لن فارق السعر هتاخدي به امكانيات كويسه اكتر من المبلغ الفرق ده
يعني :
( جنوط - اسبويلر خلفي - سي دي مدمج في التابلوه الأصلي - نظام الفرامل abs + ebd نظام توزيع التحكم في العجلات الأنظمة دي بتساعد على السيطرة على العربيه في حالات الفرامل المفاجئة زي ان العربيه متزحفشي مثلا وان العربيه متعرضشي بجمبها في الفرملة القوية )
اظن انهم يستاهلو الــ 5 الاف جنيه