هعمل صيانه العشرين الف يوم الاربعاء القادم وعندى استفسار

[GMakram]

اذيكم يا شباب اتمنى الصحه والعافيه للجميع

انا كنت حجزت صيانه العشرين الف يوم السبت اللى جاى 15/4 فى العبور بس لأنى من كم يوم عملت حادثه(اوتوبيس كسر عليا بوظلى الاكصدام من قدام الناحيه اليمين) فغيرت الميعاد ورايح اعمل الصيانه يوم الاربعاء الجاى 12/4 علشان لو يكون فيه اى صرفه فى منظر العربيه ويعملوهالى فى التوكيل ولو مش هينفع تتصلح مؤقتا بفكر اسيبها فى التوكيل واعملها تبع التأمين.
انا عايز اعرف حاجه,دلوقتى لما كلمت التوكيل عرفت ان صيانه العشرين الف هتتكلف تقريبا 850 جنيه شامله تغيير زيت 10 الاف وتغيير فلتر هواء و فلتر زيت تقريبا بخلاف تربيط العافشه والصيانات الدوريه العاديه,انا مستكتر المبلغ شويه فكنت عايز اعرف هل فيه اى مركز صيانه معتمد تنصحوا به ممكن اعمل فيه الصيانه ارخص شويه؟

تقبلوا تحياتى جميعا وشكرا مقدما

[bmya]

جورج يا صحبي
انا كمان عامل 20 الف و100 كيلو تقريبا زياده وهروح اعمل صيانه ان شاء الله بس انا مبروحش ابو رواش والعبور انا بروح مركز معتمد في المنصوره تيجي معايا :)
صحيح سلامه السيريون يا مان هو الخبطه في الاكصدام بس ولا حاجه تانيه وهل الاكصدام اتكسر يعني ولا ايه اللي حصل بالظبط
بالنسبه للصيانه هي هتتكلف في المنصوره تقريبا 600 او 650
لكن انا مش هغير الزيت عشان بغيره بره ومش هغير الفلتر عشان ان شاء الله هجيب واحد اسبور
فروح بس صيانه عاديه
اللي هي تربيط وتظبيط الفرامل وعندي صوت تزييق من وره بيجي بمزاجه معرفش من ايه
وكمان قالولي هنبص على البوجيهات وممكن يغيروها بس انا مش هغيرها برده اعتقد لسه شويه عليها والعربيه بتدور كويس من اول مره فغالبا هنفض لهم في البوجيهات كمان

[أبو عبدالله]

حضرتك المبلغ رايح اغلبه في تمن الزيت وسعر فلتر الهوا ولتر الزيت
المصنعيات أظن انها مش هتفرق كتير قوي في سبيل انك تاخد خدمة محترمه ومضمونة في اي شئ
ده رايي بصراحه

[rockana]

سلامتها ام حسن ... قصدي سيريون
هيه شوطه حصلتلنا ولا ايه
4 او 5 حوادث لاعضاء دايهاتسو
ربنا يسترها معانا
انا زيك يا جورج بدور على مكان غير الوكيل اعمل فيه الصيانات
انا عملت ال 10000 من كام يوم
دافع 220 جنيه على شويه مصنعيات و بس
لاني مغير لموبيل وان و انا على ال 5000
فا غالبا هاغير زيت بالفلتر بره و هاخلى الصيانات علشان استمرار الضمان

[GMakram]

جورج يا صحبي
انا كمان عامل 20 الف و100 كيلو تقريبا زياده وهروح اعمل صيانه ان شاء الله بس انا مبروحش ابو رواش والعبور انا بروح مركز معتمد في المنصوره تيجي معايا :)
صحيح سلامه السيريون يا مان هو الخبطه في الاكصدام بس ولا حاجه تانيه وهل الاكصدام اتكسر يعني ولا ايه اللي حصل بالظبط
بالنسبه للصيانه هي هتتكلف في المنصوره تقريبا 600 او 650
لكن انا مش هغير الزيت عشان بغيره بره ومش هغير الفلتر عشان ان شاء الله هجيب واحد اسبور
فروح بس صيانه عاديه
اللي هي تربيط وتظبيط الفرامل وعندي صوت تزييق من وره بيجي بمزاجه معرفش من ايه
وكمان قالولي هنبص على البوجيهات وممكن يغيروها بس انا مش هغيرها برده اعتقد لسه شويه عليها والعربيه بتدور كويس من اول مره فغالبا هنفض لهم في البوجيهات كمان

صديقى واستاذى استاذ ايوب :) عامل ايه,انا الاكصدام عندى اتفك من قدام يمين من الكليبسات وفيه حته اتقطعت والصاج اتفعص يعنى بقت متبهدله خالص يا شريف انا كنت واقف فى اشاره وعلى يمينى اوتوبيس ولما الاشاره فتحت قبل انا ماتحرك هو داس بنزين وكان عايز يحود من قدامى قام كسر عليا دخل فى الاكصدام,بس ده انت على كلامك كدا تعتبر مش هتعمل حاجه من الصيانه خالص فى التوكيل,انا بصراحه مستكتر المبلغ شويه مش عارف بس غالبا بقى هروح بكره وخلاص

تقبل تحياتى يا صديقى العزيز

حضرتك المبلغ رايح اغلبه في تمن الزيت وسعر فلتر الهوا ولتر الزيت
المصنعيات أظن انها مش هتفرق كتير قوي في سبيل انك تاخد خدمة محترمه ومضمونة في اي شئ
ده رايي بصراحه

كلامك صح يا ابوعبدلله انا فاهم ان المبلغ ده رايح فى الزيت والفلاتر بس اللى انا بتكلم فيه ان اصلا قطع الغيار غاليه فى التوكيل علشان كدا كنت بسئل لو فيه مركز صيانه يكون معتمد واسعاره ارخص شويه

شكرا لمرورك ونصيحتك,تقبل تحياتى

سلامتها ام حسن ... قصدي سيريون
هيه شوطه حصلتلنا ولا ايه
4 او 5 حوادث لاعضاء دايهاتسو
ربنا يسترها معانا
انا زيك يا جورج بدور على مكان غير الوكيل اعمل فيه الصيانات
انا عملت ال 10000 من كام يوم
دافع 220 جنيه على شويه مصنعيات و بس
لاني مغير لموبيل وان و انا على ال 5000
فا غالبا هاغير زيت بالفلتر بره و هاخلى الصيانات علشان استمرار الضمان

محمووووووووود محدش بقى بيشوفك خالص ليه يا صديقى الخط ال4ميجا راح فيين :)
هو الظاهر كدا يا محمود انه مفيش مفر من التوكيل وخلاص,انا بفكر انا كمان معملش الصيانات بعد كدا فى التوكيل,ثمنها كتير بصراحه

تقبل تحياتى يا باشا ومتغيبش علينا


شكرا لكم جميعا على الرد واعطاء النصيحه

[أبو عبدالله]

جورج قطع الغيار في اي مركز صيانة هتلاقيها نفس السعر ويمكن اغلى 5 او 10 جنيه كمان
يعني مفيش ارخص من التوكيل لأن التويل هو اللي بيديهم قطع الغيار

[GMakram]

بالمناسبه يا جماعه عندى استفسار تانى,بلاحظ وانا مشغل التكييف على واحد ان مروحه التكييف بتشتغل وتبطل كتير اوى,مره كل نص دقيقه تشتغل وتبطل بعدها ب 10 ثوانى هل ده طبيعى؟انا مالحظتهاش لما بكون مشغل التكييف على سرعه اعلى لاحظتها على واحد فقط

[أبو عبدالله]

طبيعي يا جورج
لأن المروحة دي سرعتها عاليه وعلشان كده بتفصل كل شوية
لأن في غالب العربيات المراوح بتقعد تشتغل فترات اطول ومتفصلشي زي دي الا بعد فتره اطول من دي
يعني المرحة علشان سريعة فبتفصل علشان تريح كل شوية وتشتغل تاني على فترات قصيرة

[GMakram]

انا فى التوكيل دلوقتى يا جماعه بعمل الصيانه,لاقيت انذار جديد جابوه فى التوكيل,لما سئلت عليه قالولى انه بيفرق عن النوع التانى اللى ب 800 جنيه فى انه حساسيته اقل شويه مش بيشتغل غير فى حاله الخبطه او الكسر وتمنه 550 جنيه وانا قررت اركبه,انا قلت اقولكوا المعلومه

[bmya]

انا كمان عملت صيانه ال 20 يوم االاربعاء بس في المنصوره
بس في حاجه غريبه قوي قالولي عليها
انا كنت قلت لهم ملاحظه ان الهاند خفيفه قوي ومحتاجه تترجلشش يعني لازم اشدها للاخر خالص عشان تمسك
ومع العلم انها كده من يوم مشتريت العربيه وقلت لهم عليها قبل كده في الصيانات اللي فاتت وبرده قالولي كده طبيعي
المهم بقه امبارح في الصيانه قالولي حاجه عجيبه
بعد ما خلصوا الصيانه لقييت الهاند زي ما هي بقولوا انت معملتش الهاند يقوم يقولي الامور بقه ايه
بيقولي االسيريون الهاند بتاعتها مش بتترجلش يا فندم
قلتله نعم يعني ايه يعني
قالي يعني مفيش فيها حاجه تترجلشش منها وقعد يهرتل
بيقولي العربيات اللي بتترجلش بيبقه في خلوص كده واحنا بنقصه
لكن السيريون مفيش خلوص اصلا بيقولي اصلهم بكرتين على بعد كده ودي تقريبا حاجه جديده
وبيقولي ان السيريون بسسس اللي كده !!!!!
ومصر على كده قلتله ياعم الحج انا اصحابي بيعملوا صيانه في العبور وابو رواش وبيرجلشوا الهاند هناك
قالي محنا بناخود كورسات تدريب هناك وهما اللي قالولنا كده ؟!!

المهم زهقت منه ومشيت وانا ماشي على الطريق لقيت سيريون نبيتي جايه من ورايا وعمال يشاورلي وبتاع افتكرته واحد عايز يشد وجهزت نفسي عشان اشد معه وبعدين جنا على مطب كده ولقيته بيقولي شريف !! واركن وبتاع وبعدين لما جه قدامي لقيت استيكر نايل موتورز منور على الزجاج الخلفي لعربيته
ونزلت وانا عمال اخمن يا ترى مين يا ترى مييين
وطلع عضو سيريوني معانا هنا بس مش بيشارك معانا قوي وشاف صوره عربيتي في التوقيع
وهو محمد عبد المعبود والصراحه مش فاكر اليوزر نيم بتاعه
وهو شخص محترررم جداا واتشرفت بمقابلته صدفه
نفسنا نتقابل مش صدفه بقه هههههههههه
المهم قلتله تعالا يا ملعم وقعت ليه انت عملت صيانه ال 20 قالي اه قلتله رجلوشوا ليك الهاند قالي اه
وفعلا ركبت عنده ودورت العربيه وجربت الهاند لقيتها فعلا تقيله وماسكه نفسها مش زي عندي
دلقوتي بقه اعمل ايه في الحماراللي قالي مش بتترجلش ده
وهل فعلا الهاند بتاعت السيريون مختلفه زي ما قالي كده ولا هو بيهرت ومش فاهم حاجه وهي بتترجلش عادي واروح لاي ميكانيكي يعملهالي ؟

[GMakram]

انا كمان عملت صيانه ال 20 يوم االاربعاء بس في المنصوره
بس في حاجه غريبه قوي قالولي عليها
انا كنت قلت لهم ملاحظه ان الهاند خفيفه قوي ومحتاجه تترجلشش يعني لازم اشدها للاخر خالص عشان تمسك
ومع العلم انها كده من يوم مشتريت العربيه وقلت لهم عليها قبل كده في الصيانات اللي فاتت وبرده قالولي كده طبيعي
المهم بقه امبارح في الصيانه قالولي حاجه عجيبه
بعد ما خلصوا الصيانه لقييت الهاند زي ما هي بقولوا انت معملتش الهاند يقوم يقولي الامور بقه ايه
بيقولي االسيريون الهاند بتاعتها مش بتترجلش يا فندم
قلتله نعم يعني ايه يعني
قالي يعني مفيش فيها حاجه تترجلشش منها وقعد يهرتل
بيقولي العربيات اللي بتترجلش بيبقه في خلوص كده واحنا بنقصه
لكن السيريون مفيش خلوص اصلا بيقولي اصلهم بكرتين على بعد كده ودي تقريبا حاجه جديده
وبيقولي ان السيريون بسسس اللي كده !!!!!
ومصر على كده قلتله ياعم الحج انا اصحابي بيعملوا صيانه في العبور وابو رواش وبيرجلشوا الهاند هناك
قالي محنا بناخود كورسات تدريب هناك وهما اللي قالولنا كده ؟!!

المهم زهقت منه ومشيت وانا ماشي على الطريق لقيت سيريون نبيتي جايه من ورايا وعمال يشاورلي وبتاع افتكرته واحد عايز يشد وجهزت نفسي عشان اشد معه وبعدين جنا على مطب كده ولقيته بيقولي شريف !! واركن وبتاع وبعدين لما جه قدامي لقيت استيكر نايل موتورز منور على الزجاج الخلفي لعربيته
ونزلت وانا عمال اخمن يا ترى مين يا ترى مييين
وطلع عضو سيريوني معانا هنا بس مش بيشارك معانا قوي وشاف صوره عربيتي في التوقيع
وهو محمد عبد المعبود والصراحه مش فاكر اليوزر نيم بتاعه
وهو شخص محترررم جداا واتشرفت بمقابلته صدفه
نفسنا نتقابل مش صدفه بقه هههههههههه
المهم قلتله تعالا يا ملعم وقعت ليه انت عملت صيانه ال 20 قالي اه قلتله رجلوشوا ليك الهاند قالي اه
وفعلا ركبت عنده ودورت العربيه وجربت الهاند لقيتها فعلا تقيله وماسكه نفسها مش زي عندي
دلقوتي بقه اعمل ايه في الحماراللي قالي مش بتترجلش ده
وهل فعلا الهاند بتاعت السيريون مختلفه زي ما قالي كده ولا هو بيهرت ومش فاهم حاجه وهي بتترجلش عادي واروح لاي ميكانيكي يعملهالي ؟

شريف بك الهاند بتترجلش طبعا,انا بعد كل صيانه الهاند عندى مش بشدها غير تكه او تاكتين بالكتير وبتخلى العربيه حجر فى مكانها من قوتها لكن مع الوقت طبعا بتبتدى تنعم تانى لكن فى كل صيانه بيرجلشوها ده اساسى

ركبت انذار فى التوكيل وانت لاءاااااااااااااااااااااا

[slim_shika]

إزاي مالاجليش؟؟؟ أُمّال عمل إيه في الفرامل؟؟؟ طبطب عليها ولا إيه؟؟

اللي أعرفه إن أي عربية بتتلاجلش عادي, غريبة ديه...

مبروك يا جورج على الصيانة, بس إنت ركبت الجهاز ولا إيه؟؟

[GMakram]

إزاي مالاجليش؟؟؟ أُمّال عمل إيه في الفرامل؟؟؟ طبطب عليها ولا إيه؟؟

اللي أعرفه إن أي عربية بتتلاجلش عادي, غريبة ديه...

مبروك يا جورج على الصيانة, بس إنت ركبت الجهاز ولا إيه؟؟

شكرا سليم باشا الله يبارك فيك,انا عملت الصيانه وركبت الانذار,هو اللى اتقاللى عنه بالحرف الواحد انه امكانياته اقل شويه من الانذار الثانى اللى ثمنه 850 جنيه لكن هو شيك بصراحه,هبقى اصورلكم الروموت بتاعه ومكان اللمبه بتاعته فى التابلوه,هو ثمنه بالتركيب والضريبه 550 والمهندس اللى استلم منى العربيه عملى خصم اخدته ب420 تقريبا,كنت هركب كمان وحدات رفع بس قلت بعدين بقى كدا كتير,فى اليوم ده دفعت 1200 جنيه,800 صيانه 20 الف شامله زيت 10 الاف والأنذار 400 جنيه

تقبل تحياتى

[slim_shika]

مبروك يا باشا على الجهاز, بس هو كان إيه فرق الامكانيات بين الإتنين؟؟ ومستنيين بقى الصور...

[GMakram]

عايز ارفع الصور بتاعت الانذار ومكان اللمبه بتاعته فى التابلوه بس مش عارف :(
حد يدلنى ازاى احط الصور فى المشاركات