مغامرات مع السيريون

[Ahmed Anwer]

والله يا جماعة الحوار بنكم ممتع جدا. الناس اللى بتتكلم عن تجربتها الشخصية مع العربية دى كلامهم مافيهوش اى مبالغة....وفعلآ العربية مش معمولها دعاية ضخمة ولا حاجة انا شخصيا معرفتش اى حاجة عن العربية الا من ابو عبد الله "الله يبارك له".....العربية مع وكيل ممتاز ومعروف و لما اى حد يشوف العربية هيحترمها جدا جدا ولما تقرنها بالفئة السعرية اللى هى فيها هتكسب عربيات كتير واذا فكرت تشوف اعتماديتها هتلاقيها افضل من عربيات كتير "توفير البنزين -اتزان ما شاء الله على سرعات اعلى من 150مش هتصدق -قطع غيار محترمة ورخيصة " العربية واسعة جدا من الداخل من غير ما اجيب امثلة اللى مش مصدق يروح يشوف .دراجات الامان فيها عالية جدا وشوفوا عدد الدعامات الصلب الموجودة فيها اقد اية .
واخيرا دة راى الشخصى بعد مالفيت ودخت السبع دوخات لمدة لا تقل عن 6 شهور وعلى فكر كمان روحت حجزت افيو ولانوس دى مرة ودى مرة بس الحمد لله ان ربنا سبحانة وتعالى كان مقدر لى الافضل وربنا يرزقنا جميعا من فضلة ويبارك لنا في ما رزقنا

ربنا يباركلك في العربية و يملاهالك بركة و تبقي وش السعد عليك

اختلف بس معاكم كلكم في إن التوكيل مبيعملش دعاية كويسة

مفيش ملحق سيارات خالي من اعلان لديهاتسو

بينزل في اوتو ماك

في خلال سنة واحدة فتح معرض في مصر الجديدة و المعادي و المهندسين

اعلانات نجوم اف ام ديهاتسو وحش النص نقل

ههههه

لأ التوكيل محترف جدا او يمكن انا اللي متابعه كويس

بس هيا فلسفة شركة ديهاتسو ،، مش متناسبة مع فكر الشعب المصري

فكر السيارة المدمجة او الصغيرة اللي فيها كل حاجة

حجم السيارة و شكلها في الشارع عشان الميكروباصات تحترمها ،،

و احساس داخلي ان السيارة كل ما كبرت بتبقي اقوي

عندك الياريس لما كانت هاتشباك و محندقة كده مكنش حد بيشتريها

لما بقت سيدان و تنفخوها رطرت

يا جماعة ده مش نقد دي دردشة مع اصحابي

[Karim_Monir]

استاذ احمد انور كلامك مظبوط فعلا
عبد اللطيف محترف فعلا بس الشعب المصري ودماغة بقي
عشان كدة التريوس بتبيع اكتر من السريون
عشان ينفع يركبلها اكصدامات وعالية
نفس مبدأ الماتركس اللي شكلها قبيح جدا(ومش عايز هجوم انا بنقد شكل وذوق وانا حر) ومع ذلك عليها اقبال شديد جدا بسبب الدفيندرات اللي الناس بتركبها وكراسيها اللي بتفكرني بنص النقل الدبابة في قعدتها وكدة
لكن فك الحندقة ده مناسب قوي لاروبا مش مصر
ويمكن المصريين معاهم حق عشان اللي بيشفوفوه من شريعة الغاب اللي عايشين فيها من نص نقل وميكروباصات وكارو والخ

[m10_10]

اختلافي معك يا بشمهندس احمد في حته اعلانات السيريون (بكرر السيريون)

الاعلانات في ملاحق السيارات ده المعدل العادي - او يعتبر المكان الطبيعي للاعلانات العربيات...

علي فكرة انا مصمم جرافيك وشغال في شركه دعاية واعلان - عشان كدة شايف ان كون دايهاتسو تحط اعلانات في ملاحق السيارات فدة الطبيعي جدا ...

الحمله الضخمه بتشمل اعلانات الاوت دوور واعلانات التليفزيون والراديو وفلايرات في اماكن قطع الغيار و و و ....

وزي ماحضرتك شايف اعلانات الراديو لوحش النص نقل فقط... مش للسيريون...

[OlaOsman]

بس على فكرة هي بالرغم من قلة الدعاية ليها، الا ان مبيعاتها زادت بطريقة ملحوظة، سواء تواجدها في الشارع اللي كثر في الفترة الأخيرة او على حسب قول مدير صالة العرض بتاعة دايهاتسو اللي في احمد عرابي. اصل رحت النهاردة عشان أشوفها، مالقتش منها ولا واحدة في المعرض :(

المسئول قال لنا انهم بايعين امبارح بس (الخميس) 4 عربيات و آخر واحدة لسه خارجة من المعرض قبل ما يقفل على طول و قال لي آجي بكرة عشان اتفرج عليها.. بس عموما انا اتفرجت على الماتيريا و ركبتها.. اهي حاجة من ريحت السيريون و خلاص :D

[أبو عبدالله]

بس على فكرة هي بالرغم من قلة الدعاية ليها، الا ان مبيعاتها زادت بطريقة ملحوظة، سواء تواجدها في الشارع اللي كثر في الفترة الأخيرة او على حسب قول مدير صالة العرض بتاعة دايهاتسو اللي في احمد عرابي. اصل رحت النهاردة عشان أشوفها، مالقتش منها ولا واحدة في المعرض :(

المسئول قال لنا انهم بايعين امبارح بس (الخميس) 4 عربيات و آخر واحدة لسه خارجة من المعرض قبل ما يقفل على طول و قال لي آجي بكرة عشان اتفرج عليها.. بس عموما انا اتفرجت على الماتيريا و ركبتها.. اهي حاجة من ريحت السيريون و خلاص :D

لا لا يا استاذه علا اكيد انتي بتبالغي
العربيه اتباع منها 4 في يوم
وكمان من غير دعايه

غريبه

انتي اكيد متحيزه لدايهاتسو والياباني

امال الناس اللي بتقول غير كده نعملهم ايه

بيقولك اعلانات كتير زي اعلانات غبور اللي بتبقى بالصفحات وفي التليفزيون وصبح وليل

انا بهزر طبعا
وشكرا لتفضلك باعلامنا بمثل هذا علشان الناس تعرف ان مش احنا بس اللي بنقول كده

ويمكن ياخدوا بالهم منها في الشارع
ويشوفوا اعلانات غبور اللي ماليه كل حته قصدي اعلانات دايهاتسو عن العربيه النص نقل


شكرا لك وهذه دعابه مني لا اكتر ولا اقل علشان اخوانا اللي بيقولو ان العربيه مش منتشره

[m10_10]

اوضح دليل سا جماعه امسكوا ملحق سوق السيارات بتاع الجمعه لو لاقيتو حاجه عن السيريون قولولي...

يادوب سيرتها موجوده في اعلانات معارض السيارات فقط...

يعني اعلان عن المعرض مش اعلان عن العربية...

تخيلو بقي لو اتعملها حملة اعلانات زي الاوت دوور في الشوارع واعلانات تغرق كل مجلات السيارات...

والله لايحصل طفرة فعلا...