فوجات السيريون

[hhhmmmzzzz]

السلام عليكم ورحمة الله وبركاته
سلامى لكل اخوانى بالمنتدى بجد وحشتونى انا اتاخرت عليكم بس والله ظروف
فى شهر11-2009قررت مع صيانة ال15000اركب فوجات فى التوكيل هي سعرها عالي بس اعمل ايه عشان الضمان وفى نفس الوقت قولت اركب حاجة كويسة وانساها وبواسطة ناس متخصصين(فى ابو رواش)
المهم بعد 3شهور وبالتحديد فى يناير 2010لقيت لمبة مش شغالة منهم وكمان وحدة الرفع اللي ركبتها فى صيانة ال10000 (بالعبور)مش شغالة برضه فقررت وذلك لظروف وقتى ااجل الموضوع لصيانة ال20000ك
ولما روحت قابلت المهمدس ايمن وقولتلو علي اللي حصل وفكرتو انى انا المفروض فى فترة الضمان سواء بالنسبة لوحدة الرفع او الفوجات وقالى حاضر كل شيئ هيكون تمام
طبعا انا كنت واخد اخر ميعاد2.5مساءا وبعد ساعتين فى صيانة العشرين الف قالى احنا غيرنا وحدة الرفع لانها فعلا بايظة فغيرناها اما بالنسبة للفوج فمسئول قطع الغيار بيقول اللمبات بتاعة الفوج مش فى الضمان ولازم اشتريها تمن الواحدة حسب قوله130ج
هنا جن جنونى وقولتلو ازاى هى الفوج ايه غير قطعة اكسسوار وفيشة ولمبة امال الضمان بيشمل ايه غير كدة
وقولتله انا كنت مركب فوجات صينى لسيارتى القديمة ب200ج عند بلية الكهربائى معملتش كدة
المهم قولتلو اكلم حد مسئول او مدير المركز فقالى الساعة بقت5 ومافيش حد انا هكلملك المدير وارد عليك بعد3ايام وانتظرت كثيرا ولم يتصل بي احد(قمة الاستهتار منه)ولانى والله مش فاضى اكلمه قولت استنى صيانة ال25000 لانى سافرت كتير فعملت كيلو مترات كتيرة فى فترة قليلة وروحت المرة دى متوعد علي عدم الاهتمام بالعملاء بالطريقة دى تشاء الظروف قبل ميعاد الصيانة بيوم الاقى اللمبة التانية مش شغالة كمان قولت يلا كملت
وتشاء الظروف ان المهندس ايمن برضه يستلم العربية منى(الظاهر مافيش غيره)وقولتله فاكرنى انا الي حصل معايا كدة المرة اللي فاتت وكانت نبرتى المرة دى حادة شوية وقولتله اللمبتين مش شغالين فقالى علي تكاليف الصيانة واللى هيتعمل فى العربية قولتله انا عارفه انا عايز اخلص من موضوع الفوجات ده لانه مش هيحصل
كويس لو ماتغيرتش ومش هدفع قرش ابيض والا سوف الجا لحماية المستهلك لان كدة سرقة علنى
فرد علية وقالى حاضر هشوفلك الموضوع وبعد ماخلص صيانة العربية طلع لي وقالى نفس الكلام المفروض حضرتك تدفع تمن اللمبات(شخصية مهزوزة جدا لا بيحل ولا بيربط يريحك بس لحد ما ينتهى معاد الصيانة)
قولتله الكلام خلص كدة معاك قابلنى بالمهندس محمد عبد الصمد يشوفلى حل وقابلته فعلا وكانت اول مرة بجد شخصية محترمة وفوق الوصف قمة فى الذوق والاخلاق بالاضافة للعملية فى الاداء استمع منى لكل التفاصيل واتصل بقطع الغيار فقالى ان اللمبات مش بالضمان قولتلو انا لو شاكك للحظة ان ماعنديش حق مش هتكلم ومش هتفرق معايا الفلوس بس لو انت مقتنع باللي بيحصل قولى لكن مش هدفع جنيه واحد مش مقتنع بيه
اتاريه كان فاكر ان المشكلة ظهرت فى صيانة ال25000يعنى بعد 6شهور من تركيب الفوج
ومايعرفش الفلم اللي حصل فى صيانىة العشرين وان اللمبة اتحرقت بعد شهرين او تلاتة بس
نسيت اقولكم انى عرفتوا انى عضو فى نايل موتورز فبصراحة اثنى علي الناس اللي موجودة بالمنتدى كثيرا
فوعدنى باتصال منه واعطانى الكارت بتاعه وفعلا بعد 3ايام اتصلت بية الانسة ولاء علي ما اذكر وحددت معايا معاد يوم الاحد20-6 لتغيير الفوجات(هو ده الشخص المناسب فى المكان المناسب)بالرغم من صغر سنه او شكله يبان انه صغير بالسن لكن الشخص بافعاله ومش عشان انصفنى انا بقول كدة ولكنه عشان انصف الحق لا علي حساب الشركة لان الشركة بكدة زادت احترامها لنفسها ولعملائها
وهروح بكرة ان شاء الله وسوف اوافيكم بالتفاصيل
معلش طولت عليكم بس دى تجربة عايشتها حاولت اسرد اهم تفاصيلها عسي تنفع احد بالمستقبل
واخيرا وليس اخر لكم منى اطيب تحياتى

[hhhmmmzzzz]

لو حد مش شايف الصورة ممكن يرجع لموضوع قول للزمان ارجع يازمان

http://arb-up.com/ffcm4h7860ra/32508_395532836921_712936921_4729022_1121738_n.jpg.html

[M.Mosaad]

هو اللي انا لاحظته ان مهندسين الاستقبال في التوكيل خبرتهم ضعيفه جداااااااا و مش عارف ليه حاسس انهم لسة متخرجين و جايين يتدربوا او حاجة كل ما تسأل علي حاجة يهنج منك و ميعرفشي يرد يقول ايه لان حصل معايا نفس الموقف و لمبه الشنطة اتحرقت بعد مفيش 7000 كم و دفعت تمنها 15 جنيه بس انت طلعت اجدع مني و صممت علي حقك

واضح بقي ان الواحد كل حاجة لازم يسال علي مدير المركز علشان ياخد حقه

[rockana]

حمدلله على السلامه يا عم هاني
اخبارك يه
انا قولت انت بعت السيريون و المنتدى كله و هاجرت
على العموم ملحوقه كلها كام يوم و نطلب عمل المقابله بس بعد ما الناس تخلص امتحانات

[aliabutaleb]

لا يختلف إثنين على إن محمد عبد الصمد وأحمد عبد الوهاب مع حفظ الألقاب من أكثر الشخصيات احتراماً

اما بالنسبة للمهندس أيمن عزام فأنا متأكد إنه لو اتعمل له Fan Page على فيسبوك عدد أعضائها هايعدي الـ 100 ألف مرتاح

[slim_shika]

100/100 يا هاني... مش عشان حاجة غير إنك اخدت حقك...

[hhhmmmzzzz]

بس انت طلعت اجدع مني و صممت علي حقك

واضح بقي ان الواحد كل حاجة لازم يسال علي مدير المركز علشان ياخد حقه

ولا جدع ولا حاجة برضه روحت حسب الاتفاق ودفعونى 44ج مصنعية التركيب وقالولى احنا مش هناخد حق اللمبات هناخد المصنعية وبس
وانا بصراحة وقتى مش ملكى انى اقعد اهاتى تانى معاهم دول عايزين ناس فاضية
بس المهم حسيت انى اخذت جزء كبير من حقى
لكن يا جماعة بجد فيه مشكلة مش معقول قطع الغيار دى يابانى اصلى ويحصل فيها كدة تبقى فضيحة
والفضيحة الاكبر لو اثبتو انها اصلية والعيب يكون فى العمالة اللى بتركبها
يقولو ماتركبش حاجة من برة عشان الضمان وقطع الغيار الاصلية عندهم وعندهم العمالة المدربة علي العربية
وتحصل معايا مشكلة فى كل حاجة مركبها زي وحدة الرفع وبعدها الفوجات....مش عارف نعمل ايه
بجد العربية جميلة جدا معايا ومش بشتكى منها بس الحاجات الصغيرة دى بتضايقنى
ولازم علي المسئولين متابعة الامر ويحددو المشكلة فى مين بالضبط وماتمرش مرور الكرام وان المشكلة اتحلت والعميل بقى راضى وخلاص

[hhhmmmzzzz]

حمدلله على السلامه يا عم هاني
اخبارك يه
انا قولت انت بعت السيريون و المنتدى كله و هاجرت
على العموم ملحوقه كلها كام يوم و نطلب عمل المقابله بس بعد ما الناس تخلص امتحانات

محمود باشا حبيب قلبى
هو اللى يعرفكم يقدر يسيبكم
دا انا لو بعتها واشتريت توك توك برضه هدخل معاكم واقابلكم بس مش هخلى حد يجرب التوك توك
الموضوع والله انى كنت مشغول جدا
وانا مستنى المقابلة الجاية بفارغ الصبر وعشان اجيب الاولاد معايا كمان عشان المرة اللى فاتت خمتونى
والحكومة لما شافت الصور ولاقتها عائلية وانا اللى كنت مفهمها انها شبابية
اشوفكم كلكم علي خير ان شاء الله