فك الفانوس الامامي

[bmya]

السلام عليكم ورحمه الله وبركاته

ياترى حد يعرف ازاي افك الفانوس الامامي للسيريون ؟؟

ياريت لو حد يعرف يقولي الطريقه لو في صور يبقى 100 100

ياريت ابو عبد الله يعملنا موضوع عن طريقه فكهم زي موضوع فك الكاسيت اللي انا استخدمته من كام يوم
وبشكر ابو عبد الله بجد على موضوعه لانه فدني جددااا

وبقول لدايهاتسو منكم لله يعني عشان افك الكاسيت افك التابلوه ليييييييييييييييييه يعني

[أبو عبدالله]

أزيك يا شريف
علشان تفك الفانوس الأمامي للسيريون لازم تفك الاكصدام الأول
وبعدين هتلاقي الفانوس من تحت الكابوت او ما تفتحته هتلاقيه كلبس بتضغط عليه من النص وتشيله
ولما تفك الأكصدام هتلاقي مسامير الفانوس هتفكها وتطلعه عادي
الأكصدام هتفك الكلبسات بتاعت الأكصدام مع الكارتيرة اللي على حواف الرفارف الأمامية وفيه كلبسات من الامام من تحت العربيه من وشها
وطبعا فيه مسمار خلف النمر هتفك النمر وهتفك المسمامر وهيطلع معاك الاكصدام عادي
وابقى قولي عملت ايه ان شاء الله

[rockana]

ابو عبدالله
انت ايه ماجستير سيريون
بسم الله ماشاء الله

[أبو عبدالله]

ابو عبدالله
انت ايه ماجستير سيريون
بسم الله ماشاء الله

ربنا يبارك فيك
انا خلصت الدبلومة ولسه بحضر في الماجستير وان شاء الله الدكتوراه قريب بقه

[aliabutaleb]

ربنا يبارك فيك
انا خلصت الدبلومة ولسه بحضر في الماجستير وان شاء الله الدكتوراه قريب بقه

تستاهلها من غير ماجستير يابو عبد الله
شريف، إنت أكيد الفوانيس عندك مليانة تراب زي عندي عشان كدة بتفكر تفكها
سمعت إن فيه حد بيفك الفوانيس وينضفها بس معرفش فين
حد عنده فكرة؟

[M.Mosaad]

ت
سمعت إن فيه حد بيفك الفوانيس وينضفها بس معرفش فين
حد عنده فكرة؟

اه في واحد اسمه ابو عبدالله ممكن نعمل حمله و نروحله كلنا

[aliabutaleb]

اه في واحد اسمه ابو عبدالله ممكن نعمل حمله و نروحله كلنا

انا موافق طبعاً
بس فين مكانه؟

[aliabutaleb]

انا موافق طبعاً
بس فين مكانه؟

تصدق لسة واخد بالي من القفشة دلوقتي

[أبو عبدالله]

تنوروني والله
وعلى فكره الموضوع سهل وخفيف جدا والله
العربيه دي اصلا لو عاوزها تتفك كلها في خلال ساعة بفضل الله هخليهالك على الحديد في ساعه
على فكره انا فكيت كل حاجه في العربيه ماعدا الماتور بس هههههههههههه
تنظيف الفوانيس سهل
بس بلاش صابون عادي
لو هتعمله اعمله بكلوركس افضل لأنه بينظف كويس ومش بيبقى رواسب والصابون ميتحطش في الفانوس فتره لأنه ممكن ياكل اللمعة بتاعت الفانوس
واي حاجه انا في الخدمة ومنتظر اللي ناوي يجي ان شاء الله بجد وكلام رجاله

[bmya]

شكرا يبو عبد الله
وكما توقعت من العربيه المعقده دي
بجد منكم لله يا دايهاتسووووووووووووو
عشان افك الكاسيت لازم افك نصف التابلوه
وعشان افك الفانوس لازم اشيل وش العربيه
بجد حاجه تقرفففففففففففففف

[أبو عبدالله]

معقده ايه يا شريف بس
دي من اسهل العربيات في الفك والتركيب
انت بس مش بتقارن بالعربيات الأخرى
الموضوع بسيط جدا واغلب العربيات بتبقى اعقد من كده
ولكن العربيات الجديده وليست القديمة
انت شكلك عاوز الكاسيت يبقى بمسمارين متثبتين في الوش زي البيجو 504 او الفيات 128 ولا ايه
اي تابلوه مدمج وجديد وفيه شغل لازم يبقى كده وكل العربيات الجديده كده
برضه الفوانيس فيه عربيات كتير اعقد من كده
وبعدين متنساش ان السيريون من العربيات المدمجة يعني مسألة الحجم بالنسبة لهم في التصنيع مسألة مهمه وده بيخلي حاجات كتير تبقى معتمده على غيرها في التصميم

[bmya]

مش عارف انا بقارنها بعربيتي القديمه وماكانتش 504 ولا 128
كانت لانسر موديل 1999
الكاسيت الوش اللي متثبت عليه كان ممسوك بلكيبستين فقط لا غير مجرد بشده لبره يطلع في ثانيه وافك مسمارين بتوع الكاسيت يبقى الكاسيت في ايدي وممع ذلك عمري ماسمعت صوت تزييق من التابلوه بتعها زي السيريون اللي احيانا كده تحب تمسعني شويه مزيكا من التابلوه من ناحيه وش الكاسيت
وبعدين ليه ميخلوش العكس صحيح يعني كان وش الكاسيت هو اللي يبقى قافل على وش التكييف لان اعتقد ان الكاسيت هو الاكثر عرضه للفك والتركيب عكس التكييف
يعني انا اول امبارح طلع عيييييييييييني بجد عشان افك السي دي عشان اسطوانه محشوره فيه وفكيته وطلعتها
وطلع عيني تاني على ماركبت التابلوه تاني
تخيل بقه اسطوانه تانيه اتحشرت جوه الكاسيت يعني مطلوب مني تاااااااااااني افك وش التابلوه تانيييييييييييي حاجه تزهق بجد

والفانوس المامي منا ياااااااااااااما فكيته في الللانسر وماكانش له اي دخل بالكصدام خالص
ليه 0يعني يخلو الاكصدام يركب ويقفل على الفانوس مش فاهم !!!!!!!!
مهو متثبت في كل العربات التانيه عادي وماشيه زي الفللللللللل
ايه الفكره يعني غير الرخامه بس
ما عليناااااااا أمري لله هطنش حوار الفانوس الامامي دي

طيب متعرفش يبو عبد الله طريقه رجلشه الفرامل الخلفيه ازاي اعملها بنفسي بقه :))

[rockana]

معلش سؤال و عاوز اجابه بسرعه
انا بغير زيت موبيل 1 كل 10000 بحتاج اغير الفلتر بتاع الزيت كل اد ايه؟؟

[bmya]

محمود التوكيل بيغيره كل مره
انا بغيره بره وبغير الفلتر كل غيارين مع العلم انا بحوط موبيل xhp وبغيره كل 3000 كيلو

[أبو عبدالله]

معلش سؤال و عاوز اجابه بسرعه
انا بغير زيت موبيل 1 كل 10000 بحتاج اغير الفلتر بتاع الزيت كل اد ايه؟؟

العادي كل غيار زيت
يعني انت بتغير زيت كل 10 الاف كم
يبقى مع كل غيار زيت غيار فلتر