أيه رأيكم يا جماعة في عرض السيريون وان الجديد

[Mamdoh Elarby]

السلام عليكم و رحمة الله,

دلوقتي يا جماعة عاملين عرض علي السيريون وان و بقت ب 66 الف فقط لاغير و زودو عليها الكاسيت كمان ,
بس المشكلة الوحيدة انها 2009 واحنا خلاص داخلين علي 2011,

فأيه رأيكم انا مبقتش عارف و احترت جدا.و ارجو من اصحاب السيريون وان يقولولنا اخبارها ايه

[M.Mosaad]

بصراحه عرض محير جداااااااااا يعني سعرها القديم كان بيخليها مرفوضة لكن بالسعر دة بقت محيرة جدااااااااا هو اكيد بيخلصوا الاستوك بتاعهم لان السيريون وان سوقها تقيل بس اعتقد بالسعر دة هتبقي افضل من منافسيها لانها اوسع من البيكانتو و الi10 بس برضة بص علي السيلاربو لانها بنفس السعر هتبقي السيلاريو اتوماتيك

[slim_shika]

بالمقارنة مع (ال i10 - البيكانتو) هي أحسن كوسع داخلي وحتى كأداء, لو مش فارقة معاك حوار 2009 يبقى توكل على الله.

[GMakram]

انا شايف انها هتبقى صفقه رابحه,مش مهم موديل كم المهم استلام امتى ومشيت قد ايه

تحياتى

[yyy]

دي 1000 سيي سيس ولا 1300 ؟

[GMakram]

دي 1000 سيي سيس ولا 1300 ؟

1000Cc

مش عارف ليه حاسس ان الدفعه دى بعد ماتتباع مش هينزل سيريون وان تانى,لما الشركه بتكون عندها استوك قديم من عربيه بتبيعها عليها تخفيض وبتبيع الموديل الجديد اغلى لكن السيريون وان مظهرش منها 2010 ده بالاضافه الى انها زى ما سليم قال سوقها تقيل والتوكيل مغرقها عروض

[Mamdoh Elarby]

اصلا ياجماعة المشكلة ان انا كنت خلاص هخلص في frv بس لما لقيت السيريون كده احترت تاني,

طبعا انا عارف ان ديه ياباني و ديه صيني و تفرق عنها في الخامات و العمر الافتراضي مش اقل من 50 % بس كل اللي مخوفني موضوع الموتور ال 3 سيلندر و خايف ميبقاش شديد علي العربية و مع التكييف و السفر المستمر,

و كمان حاجة و ديه مش مهمة اوي ان احنا خلاص شهرين و هنبقي في 2011 يعني العربية هيبقي بقالها سنتين

[slim_shika]

من ناحية السفر والتكييف هاتادي الغرض. بمعنى إن الموتور مش هيبقى شديد هيبقى كويس مش أكتر.

من ناحية العربية هتستحمل ولا لأ, هتستحمل, بس طبعا مع الصيانات الدورية بتاعتها في التوكيل.

[Donzi]

طب ما الفيات بونتو كدة تبقى احسن مو 2010 و 1300 cc و 4 سلندر بنفس السعر و فيات ايطالي برضه و ممتازة ولا اييه ؟؟

[slim_shika]

يعيب فيات توكيلها. أوماترا

[a_shoura]

انا كمان شوفت السريون وان 1000 cc
سعراها معقول
بس انا شايف ان قطع غيرها غالية ومش دايما موجودة
و مش عارف لو سحبها كويس او لا مع التكيف

لو حد له تجربة معها يا رىت ينصحنا لاني عايز اشترى

[night_master]

دي 1000 سيي سيس ولا 1300 ؟

علي فكرة هي 1000 سي سي بس
وكمان مانيوال جير
بس انا سمعت انها بحاجه وسبعين مش بسته وستين

[night_master]

رأيي الشخصي انها كده مش هتكون عمليه خالص..
السيريون عربيه تحفه بس الموتور الــ1500
لكن الــ1000 مش هيبقي كويس

[rzeiny]

العربية بالسعر دة تبقى لقطة لانها كانت ب73 الف من غير كاسيت فكانك شاريها مستعملة ، نضيف على كده انها ياباني واسعة اقتصادية امان .
اذا قورنت ببيكانتو او i 10 او حتى سيلاريو من حيث الحجم والكماليات .
لكن لو مشاويرك سفر يبقى منصحكش بيها لانها 3 سلندر 1000سي.سي ممكن بعد شوية تحس بمتاعبها .وبعدين هي تقيلة في بيعها .
فيجب التريث قبل الاقدام على شرائها والاكثار من الاستخارة والله الموفق.

[taparany1]

موضوع ان العربية متسدش فى السفر عشانها 3 سلندر مش صحيح لانى انا معايا العربية سريون1 بقالها سنة وعامل بيها حوالى 35000 كيلو وكنب بسافر بيها تقريبا مرة كل اسبوعين العريش من القاهرة والعربية لغاية دلوقتى كويسة وهيه عامة عربية عملية جدا لكن لاسرة صغيرة يعنى ميكونش عندهم 5 عيال مثلا