أرجو المساعده ديهاتسو ميرا 92

[ZALABANY]

توجد أمامي سيارة سيارة ديهاتسو ميرا 92 قاطعه 87 الف كيلو وحالتها كويسه على 21 الف جنيه
ياترى يا جماعه السعر ده معقول وهل قطع غيارها متوفرة في السوق ولا لا ياريت اللي يعرف عنها حاجه يدلنا

[SEATLOVER]

العربية دى عموماً حلوة جداً ..و السعر زايد اتنين او تلاتة
بس خد بالك انها واطية جداً ..فشيك على العفشة كويس اوى
وعن حاجتها فى واحد مشهور اوى فيها مخصوص فى الحرفيين عندة كل حاجة بتاعتها
لو عايز ابقى اجبلك اسمة .

[OlaOsman]

العربية دى عموماً حلوة جداً ..و السعر زايد اتنين او تلاتة
بس خد بالك انها واطية جداً ..فشيك على العفشة كويس اوى
وعن حاجتها فى واحد مشهور اوى فيها مخصوص فى الحرفيين عندة كل حاجة بتاعتها
لو عايز ابقى اجبلك اسمة .

متهيألي المحل اللي في الحرفيين ده اسمه اوشين

[SEATLOVER]

متهيألي المحل اللي في الحرفيين ده اسمه اوشين

لأ يا عُلا فى واحد صاحبى معاة العربية دى انا كنت قلتلة عليها بس قلتلة ساعتها مش عارف حاجتها هتلاقيها فين الصراحة ...و لما جابها شكرلى فيها اوى ..وراح الحرفيين و بقى بيتعامل مع واحد هناك قلى حاجتها كلها عندة ..بس الحقيقة مش فاكر قلى اسمة اية .

[OlaOsman]

لأ يا عُلا فى واحد صاحبى معاة العربية دى انا كنت قلتلة عليها بس قلتلة ساعتها مش عارف حاجتها هتلاقيها فين الصراحة ...و لما جابها شكرلى فيها اوى ..وراح الحرفيين و بقى بيتعامل مع واحد هناك قلى حاجتها كلها عندة ..بس الحقيقة مش فاكر قلى اسمة اية .

خلاص ما دمت مش فاكر، ليه ما يكونش اسمه أوشين؟ :p

[SEATLOVER]

اصل انا عارف اوشين دة ....بعدين هو دة اسم يتنسى ههههه
على العموم هاكلمة النهاردة و اجبلوكوا اسمة ان شاء الله .

[mohamed_rhem]

اللي في الحرفيين اسمه سيد الفراش ده ميكانيكي متخصص واوشين محل قطع غيار وفي في شارع دمشق مصر الجديده الشافعي وفي طبعا سمير نوح في 26 يوليو استيراد
بالنسبه للميرا سياره جميله والسعر مش مبالغ فيه بس لو بتفكر في الديهاتسو نفس الموديل خليك في الشاريد حتفرق معاك كتير في الوسع والعزم والاعتماديه ومش اغلي كتير
ولو حبيت اي استفسار عن اي شيء انا في الخدمه