تختار ايه من الالوان الموجوده في السيريون

[mohamed_rhem]

السلام عليكم ورحمة الله وبركاته

الالوان المتاحة حاليا

1- سماوي
2-اسود
3-فضي
4-ذهبي

ايه اكتر لون مناسب لشوارعنا الجميلة

واللي اشتروا ايه المشاكل اللي حسوها بعدها

يعني مثلا الاسود بيبان فيه الخرابيش - بيلم تراب بسرعة

واللي جاب سيريون 1 صوت موتورها عالي ولا زي ال 1300

[m_mekkawy]

الفضى طبعا بس كل البلد ركباه الوقت
لو فيه فيرانى (مشتق من لون الفار البلدى بتاع الشارع) يبقى جميل
السماوى حلو برضه
الدهبى حلو بس لونه بيغير من الشمس لما العربيه بتقدم بس السماوى احسن منه
الأسود شياكه بس انت اكيد عارف مشاكله مع التراب والخرابيش دا غير انه لما بيطفى ببقى شكله مش حلو

[askoda]

I Love The Mint Blue (Elsamawy(

Very special and unique in this car

[rockana]

الفضي افضل طبعا
مش بيظهر عليه التراب
ولا بيلم حراره الشمس
و كمان فى دراسات بتقول ان العربيات اللى لونها فاتح بتحصل معاها حوادث اقل من العربيات الغامقه (لانها بتكون ظاهره فى كل الظروف )
و كمان الفضي بتاع السيريون فضي عادي يعنى اي حد يرشهولك اما السماوي فا مختلف عن اللون الطبيعي
الدهبيى شكله سخيف جدا على العربيه

[M.Mosaad]

اللون الفاتح حلو جداااااااا بس مشكلته ان الاكصدام ارضيته سودا فاي خربوش في الاكصدام بيبقي ظاهر بس ميزته ان باقي الخرابيش علي جسم العربيه مش بتبقي باينه و كمان مش بيلم تراب

اللون الغامق ميزته ان خرابيش الاكصدام مش باينه اللي هو اكتر حاجة بتتخربش في العربيه بس خرابيش العربيه ككل بتبان

رايي اللون الاسود لو هتحافظ عليه اشيك بكتير جدا و حلو اوي علي السيريون و بعديه السماوي

[mohamed_rhem]

الكل استبعد الذهبي

وده برضه اللي انا مستقر عليه

فعلا محتار بين الثلاثه الباقيين

[أبو عبدالله]

الأبيض
نصيحة لو فيه ابيض يبقى ابيض مفيش كلام
لو مش ابيض يبقى فضي
اي لون فاتح وده مش علشان انا معايا اسود وعاوز عكسه ولكن فعلا في العربيات دي الألوان الفاتحه بتبقى احلي من الغامق
اما بخصوص صوت الماتور فهو مش للدرجة اللي ممكن تحسها من كلام الناس عن ان صوت الماتور بيبقى اعلى
هو اعلى فعلا بس مش للدرجة الكبيرة
انا جربت العربية دي ماشاء الله بجد جامده وفيها تسارع فظيع وبأكدلك الصوت مش للدرجة

[mohamed_rhem]

الأبيض
نصيحة لو فيه ابيض يبقى ابيض مفيش كلام
لو مش ابيض يبقى فضي
اي لون فاتح وده مش علشان انا معايا اسود وعاوز عكسه ولكن فعلا في العربيات دي الألوان الفاتحه بتبقى احلي من الغامق
اما بخصوص صوت الماتور فهو مش للدرجة اللي ممكن تحسها من كلام الناس عن ان صوت الماتور بيبقى اعلى
هو اعلى فعلا بس مش للدرجة الكبيرة
انا جربت العربية دي ماشاء الله بجد جامده وفيها تسارع فظيع وبأكدلك الصوت مش للدرجة

حبيبي ابو عبدالله

فاكر في 2007 اشتريت الشاريد لما قولتلي رأيك

ودلوقت ربنا يكرم والحق العرض برضه رايك هو اللي مشجعني

وربنا يديم المعروف بنا جميعا

[أبو عبدالله]

حبيبي ابو عبدالله

فاكر في 2007 اشتريت الشاريد لما قولتلي رأيك

ودلوقت ربنا يكرم والحق العرض برضه رايك هو اللي مشجعني:s_thum1[1]:

وربنا يديم المعروف بنا جميعا

آمين
وربنا يباركلك في اختيارك ان شاء الله
بس حاول تشوف الأبيض الأول وبعد كده اي لون فاتح افضل

[slim_shika]

السماوي أحلى لون بس صعب تلاقي الدرجة ديه بره التوكيل.

الفضي أكتر لون عملي.

[mohamed_rhem]

خلاص بكره انشاء الله اروح اخد الفضي

شكرا لكل اللي شاركوا

[ows212]

1000 مبرووووووووك على العربية
السماوى خطير فى السيريون والفضى معقول برضه

[mohamed_rhem]

الله يبارك فيك

امبارح انا روحت المعرض اللي في المعادي اللي بعد صقر قريش

المهم انا كنت مكلمهم قالو عندنا الاحمر مارلبورو

قولت تماااااااااااااااام

روحت لاقتها اخر واحده اللي هي في العرض

حجزت وهو بيكتب الوصل قولت اروح اديها لفه ابص علي العربية

واذ بالمفجــــــــــــــــــــــــــــــــــــــــــــ ــــــاة

مفيهاش كاسيت

قولتله ده الدفعة القديمة

تركبولي كاسيت وسمعات قال لاء

لاحظت ان العربية ده ملصق عليها من الخلف استيكر موبيل 1

والباقي لاء فده قاقني اكتر خصوصا ان مفيش الاصق الابيض و العربية مفيهاش بلاستيك كراسي

فجزت الفضي وشرطت عليه اخدها بالاستكرات الابيض

وربنا يسهل واكون بعت الشاريد

[slim_shika]

الاستيكر الأبيض قصدك استيكر الفبريكة ولا إيه؟؟

طبعا اللي إنت هتستلمها فيها كاسيت صح, ولا إيه أنا تهت..

[mohamed_rhem]

اه اللي حستلمها انشاء الله بكاسيت فضي

اقصد الاصق الابيض (المشمع) اللي بيبقي علي الكبود والابواب وده بتشيله بأيدك وبيضمنلك ان العربية متكونش اترشت