ارش بره التوكيل والا جوه

[akarem]

السلام عليكم ورحمة الله وبركاته
ازيكم يا اخوانى عاملين ايه يارب تكونوا في اتم صحة وحال
وكل عام وانت بخير اللهم بلغنا رمضان وتقبله منا ان شاء الله
انا عربتى فيها خبطتين كده وشوية خرابيش
كنت عايز اعرف منكم ارشها بره التوكيل والا في التوكيل
واسعار التوكيل اخبارها ايه واخبار جودة الدهان
وهل هتبان انها مرشوشة والا لا سوء تبع التوكيل والا برة
انا عربيتى سيريون xl 2009 لونها سماوى
ارجو من له تعامل قبل كده مع التوكيل في حكاية الدهان يقولى رايه ايه والاسعار اخبارها ايه
ولو حد عنده تجربة برضه بره التوكيل وكانت كويسة يقولى برضه كانت فين
وجزاكم الله خيرا

[askoda]

I tried el Tawkeel in Painting my old car Trunk & it never appeared to be diffrent than the rest of the car.

But the Painting of the pumpers are not Exellent but v.good

[M.Mosaad]

التوكيل محترم جدااااااااااا في موضوع الدهان مش بيبقي في اي فرق بيرش القطعه ب 300 جنيه بس السقف و الشنطة بيعتبروا قطعتين انا رشيت الاكصدام و الرفرف في التوكيل بصراحه شغل روعه بس برضة غالي

خلي بالك الاسعار دي من غير ضريبه المبيعات

بس في واحد بتعامل معاه في شبرا برضة شغله نضيف اوي بس كان في فرق خفيف جداااااااااااااا في اللون نتيحه لمعان الجديد عن لون العربيه بس خفيف اوي و راح بعد اسبوعين كدة دي بيرش القطعه ب 150 جنيه اعتقد بس بويه فرن كويسة و محترمه اوي و ثابته

[bNile]

ممكن تقولنا مكانه فين فى شبرا؟

[bmya]

انا كمان عندي خبطه في الرفرف الشمال الخلفي نصف باب الشنطه الشمال ونصف الاكصدام الخلفي الشمال
وعايز اعملهم بس محتار في اللون اجيبه منين اا برده سماوي

[akarem]

شكرا ليكم كلكم يا جماعه
بس القطعة ديه تتحسب اازاى يعنى
يعنى انا مثلا عندى خبطة في الباب من عند المفصل كده كانت بنتى فتحت الباب فجاه وعربية كانت جاية فسخت الباب اللى ورا
الباب اللى قدامه بقى واحد الله يساحمه بقى تقريبا خربشه بس خربوش عميق باين قوى
وفيه حته صغيره في الرفرف كانت مطبقة
والحاجات بقى اللى بتبقى في الاكصدامات الخرابيش بتاعت الركن وكده يعنى
يعنى من الاخر هعمل الحاجات اللى في البابين والحته اللى في الرفرف و حزام حوالين العربية من تحت لازم النضافة يعنى
كده بقى يبقوا كام قطعة؟

[hamdy]

شكرا ليكم كلكم يا جماعه
بس القطعة ديه تتحسب اازاى يعنى
يعنى انا مثلا عندى خبطة في الباب من عند المفصل كده كانت بنتى فتحت الباب فجاه وعربية كانت جاية فسخت الباب اللى ورا
الباب اللى قدامه بقى واحد الله يساحمه بقى تقريبا خربشه بس خربوش عميق باين قوى
وفيه حته صغيره في الرفرف كانت مطبقة
والحاجات بقى اللى بتبقى في الاكصدامات الخرابيش بتاعت الركن وكده يعنى
يعنى من الاخر هعمل الحاجات اللى في البابين والحته اللى في الرفرف و حزام حوالين العربية من تحت لازم النضافة يعنى
كده بقى يبقوا كام قطعة؟

تقريبا الباب بيتحسب قطعة واحدة والكبوت بقطعتين ودا انا سمعته من واحد في غبور هيونداي معرفشي بقا ديهاتسو