عايز رف الشنطة بتاع السيريون

[HAMZAWY]

اشتريت السريون والحمد لله عربية اقل ما يقال عليها انها تحفة

المهم العربية اشتريتها من غير الرف بتاع الشنطة اللى ورا اللى المفروض بيركب فيه السماعات روحت لبتاع اكسسوار عربيات فى المعادى قاللى لازم تجيبلى القديم عشان اعملك واحد عليه
انا عايز اركب سماعات ورا مش عارف اشترى الرف منين وبكام ولا اركب رف خشب للسماعات بس برضو الراجل حيعملو ازاى

ياترى فى حل؟؟؟؟؟؟؟؟؟؟؟

[mohamed_rhem]

امممممم

بص الرف مش حترقيه الا في اسكندريه لان القاهرة لسه محدش اشتغل في السيريون الجديد

كله شاريد 80 و 90 و سيريون قديم 2000

الرف ممكن تعمله فيبر لان الخشب مش حينفع بس لازم ياخد فورمة (اسطمبة) علي القديم

وطبعا حيبهدل لو استلفت واحد من اي حد

فيبقي مفيش قدامك غير تشتري واحد استيراد او تسال عليه في التوكيل

[slim_shika]

باشا التوكيل ملزم إنه يديك العربية كاملة, حتى لو كانت حتت فيبر.

أنا أول ماجبت العربية عملت زيك شلْت الرف وركبت واحد خشب.

[bmya]

اشتريت السريون والحمد لله عربية اقل ما يقال عليها انها تحفة

المهم العربية اشتريتها من غير الرف بتاع الشنطة اللى ورا اللى المفروض بيركب فيه السماعات روحت لبتاع اكسسوار عربيات فى المعادى قاللى لازم تجيبلى القديم عشان اعملك واحد عليه
انا عايز اركب سماعات ورا مش عارف اشترى الرف منين وبكام ولا اركب رف خشب للسماعات بس برضو الراجل حيعملو ازاى

ياترى فى حل؟؟؟؟؟؟؟؟؟؟؟

معلش ممكن بس يا استذ حمزاوي توضح كلامك عشان انا مش فاهم كويس
حضرتك اشتريتها زيرو ولا مستعمله
لو زيرو ازاي يعني من غير رف السماعات
ولو مستعمله ليه مسألتش صاحبها القديم على الرف وتخصم ثمنه من ثمن العربيه

عموما انا شايل الرف برده ومركب رف خشب وحاطط فيه السماعات لان الرف الاصلي فيبر وش حلو في تركيب السماعات

[makkok]

طيب يا جماعه يرات تكلمونا عن تركيب السماعات والرف الخش عملتوه ازلى وكده ؟ وهل جوه الضمان ولا براه والحكايه والروايه وهنكون شاكرين ليكو جدا

[bmya]

دي حاجه بسيطه جدا اي محل تركيب سماعات بيعملها والتكلفه من 80 ل 100 جنيه
بالنسبه للضمان نفض لهم خالص دي سماعات يعني مش حاجه كبيره يعني

[slim_shika]

البرده زي ماشريف قال من 80-100 حسب الاتفاق. بس لازم تروح عند واحد برنس لإنه هيفك الطبلوه كله علشان ياخد سلك للسماعات.

أنا ركبت عندي Kenwood 320 double coil كان الطقم عامل 475, اندونيسي تقريبا مش فاكر بالضبط.

[slim_shika]

آه في التوكيل شافو اللي أنا عمله وماحدش اتكلم + أنا واخد كمان من البطارية كهربة لل gm.

[HAMZAWY]

انا اشتريت العربية مستعملة وكانت من غير رف خالص وطبعا ده من الحاجات اللى خصمتها من تمن العربية
انا طبعا محتاج الرف عشان يغطى الشنطة اكتر من انى اركب سماعات بس برضو حركب سماعات بالمرة

المهم ان ميدو بعتلى رسالة وحيدينى رف عندو مش محتاجو وده طبعا مش بعيد عن اخلاق السيريونية اللى هى اول حاجة خلتنى افكر اشترى العربية دى

[GMakram]

اولا مبروك السيريون ومبروك علينا عضو جديد
ثانيا كلمنا عن انطباعك عن العربيه وليه اخترت السيريون بالذات
ثالثا زى ما الاخوه الاعضاء قالوا الرف الخشب ورا افضل لو هتركب سماعات بيفرق جامد جدا فى الصوت انا مركبه عندى من سنه عمل 75 جنيه فى محل فى مصر الجديده
رابعا التوكيل بيشترط ان اى لعب فى ضفيره الكهرباء بتاعت العربيه بيخرج الضفيره من الضمان,انا مركب سماعتين كينوود ومعاهم جى ام وتركيب السماعات بيستدعى انك تفك التابلوه علشان تفك الكاسيت وتأخد منه وصله للسماعات وكذلك الجى ام بتحتاجله وصله من الكاسيت ووصله من البطاريه ووصله ارضى وطبعا ده بيخرج الضفيره من الضمان(فى حاله لو حصل مشكله فى العربيه كانت بسبب شغل الكهرباء بره التوكيل)
كان قبل كدا محمود موتوريزر قال عن تجربه تركيب سماعات من غير مايفك التابلوه وانه كان عايز يأخد وصله من مكان سماعات الابواب بس مش فاكرها اوى بصراحه

تحياتى جميعا

[GMakram]

البرده زي ماشريف قال من 80-100 حسب الاتفاق. بس لازم تروح عند واحد برنس لإنه هيفك الطبلوه كله علشان ياخد سلك للسماعات.

أنا ركبت عندي Kenwood 320 double coil كان الطقم عامل 475, اندونيسي تقريبا مش فاكر بالضبط.

سليم هى سماعاتك اللى الوش بتاعها فيه نيكل؟موديلها hq 718ex؟
لو هيا قلى جبتها من قد ايه ومنين بالسعر ده

[HAMZAWY]

اولا مبروك السيريون ومبروك علينا عضو جديد
ثانيا كلمنا عن انطباعك عن العربيه وليه اخترت السيريون بالذات
ثالثا زى ما الاخوه الاعضاء قالوا الرف الخشب ورا افضل لو هتركب سماعات بيفرق جامد جدا فى الصوت انا مركبه عندى من سنه عمل 75 جنيه فى محل فى مصر الجديده
رابعا التوكيل بيشترط ان اى لعب فى ضفيره الكهرباء بتاعت العربيه بيخرج الضفيره من الضمان,انا مركب سماعتين كينوود ومعاهم جى ام وتركيب السماعات بيستدعى انك تفك التابلوه علشان تفك الكاسيت وتأخد منه وصله للسماعات وكذلك الجى ام بتحتاجله وصله من الكاسيت ووصله من البطاريه ووصله ارضى وطبعا ده بيخرج الضفيره من الضمان(فى حاله لو حصل مشكله فى العربيه كانت بسبب شغل الكهرباء بره التوكيل)
كان قبل كدا محمود موتوريزر قال عن تجربه تركيب سماعات من غير مايفك التابلوه وانه كان عايز يأخد وصله من مكان سماعات الابواب بس مش فاكرها اوى بصراحه

تحياتى جميعا

الله يبارك فيك ياجورج

بالنسبة لانطباعى عن العربية
استهلاكها للبنزين تحفة 7.9 لتر لكل 100 كيلو
واسعة جدا من جوة وشنطها مش صغيرة زى ما كنت متخيل
بحس بامان وانا راكبها غير الاحساس اللى بيجيلى لما بكون راكب حاجة كورى مثلا
السحب بتاعها مش اد كده خاصة لو مشغل التكييف لازم اعمل كيك داون واحرق عشان تجرى وده مخلينى ماشى محترم على الطريق عشان اخاف اخد غرزة ولا حاجة ماتسعفنيش

اللى خلانى اختار العربية دى عايز اقولك انا من اخر 2008 وانا بحلم بيها بس الظروف ماساعدتنيش انى اجيبها حتى لما كانو بيعملو عروض التقسيط فى الوكيل كان برضو بتحصل حاجة وماعرفش اجيبها لحد ما الحمد لله ربنا وفقنى فى العربية دى اكتر حاجة شدتنى فى العربية دى ومحدش يستغرب الناس هنا فى المنتدى كنت زمان بدخل على قسم الدايهاتسو واشوف استاذ معاذ وابو حمزة واستاذ توفيق وباقى الناس بيتكلمو مع بعض باحترام جدا والمقابلات بتاعتهم كانت بتبقى حاجة جميلة حبيت العربية منهم وبعد كده لما روحت اتفرج عليها قولت خلاااص هى دى ودى للعلم اول عربية ليا

[slim_shika]

سليم هى سماعاتك اللى الوش بتاعها فيه نيكل؟موديلها hq 718ex؟
لو هيا قلى جبتها من قد ايه ومنين بالسعر ده

ال HQ718 ex ديه ال 400, أنا جبت HQ718 ديه ال 320 وكان تمنها 475 الكلام ده من سنة تقريبا.

[GMakram]

ال HQ718 ex ديه ال 400, أنا جبت HQ718 ديه ال 320 وكان تمنها 475 الكلام ده من سنة تقريبا.

اه انا كدا فهمت,اصل انا مركب ال hq718ex ثمنها 550 فكنت فاكرك جايب زى اللى عندى...سماعاتى احسن من سماعاااااااااتك

[slim_shika]

اه انا كدا فهمت,اصل انا مركب ال hq718ex ثمنها 550 فكنت فاكرك جايب زى اللى عندى...سماعاتى احسن من سماعاااااااااتك

هاهاهاااا...ماشي..
سماعاتك أحسن من سماعاتي فعلا.....إنت مركب GM نوعه إيه وبكام؟؟؟
550؟؟؟ أنا لقيت ال500 watt ب575 وحشة في حقك ديه...



على العموم سامعاتك أحسن وانا سحبي أحسن...