المقابلة الاخيرة لمنتدى دايهاتسو....

[slim_shika]

في الأول أحب أقول إن المقابلة أنا اعتبرتها ناجحة 100% ... الحمد لله...

النهاردة المقابلة كانت تضم Medo_Sirion - GMakram وأنا. اتعرفت على مستر جورج شخصيا اللي كان مدوخني على المنتدى بقاله شهور

في الأول قعدنا على ليلاك (cafe) وبعد كده قمنا نعمل مناظرات حول ال3 عربيات, مسكنا الأول كل واحد يشرح ال Sound System اللي عنده, طبعا أنا مش مركب غير سامعتين فـكنت خارج المقارنة بدري هاهاهاها...
بعد كده دخلنا على التشوهات والخبطات اللي عندنا, أنا عندي خبطة جايبة كارتيرة ورا يمين فـكنت بلعب معاهم في المناقشة ديه.. جورج مزعل الاكصدام..

قلت اجرب عربية جورج و أشوف سحب الأوتوماتيك عامل إزاي فيها, حاجة غير ماكنت متوقع تماما!!! أنا كنت بسوق عربية واحد صاحبي كانت لانسر 1300 أوتو وفعلا لا مقارنة في السحب!!!! ربنا يباركلك فيها يا جورج..

مش هأتكلم عليك يا ميدو علشان حاجتين, تاني حاجة علشان عقدتنى..

أحب أقول المقابلة كانت ناجحة بالنسبالي ليه؟؟ النهاردة كنا 3 , منهم جورج أنا لسة متعرف عليه وبجد إنسان فوق المحترم, وطبعا ميدو أنا عارفه بقالي سنة ومش هينفع أتكلم عن ميدو علشان هو معاملته واخلاقه سابقاة بكتير وفعلا من أحسن الناس اللي اتعرفت عليهم. الهدف من المقابلة إن احنا نتعرف على بعض مش أكتر و مش تَضييع وقت!!
أنا طبعا مش متضايق من الناس اللي مجتش علشان مشغولة, أنا بس زعلان على الناس اللي كانوا فاضيين ومجوش علشان فاتهم يوم حلو..

في النهاية أتمنى إن الناس ماتنامش على الموضوع وتفكر احنا جزء من مجتمع صغير (منتدى) ولا مجرد زوار...










آه صحيح كنت هانسى, كان في زميل عايز يعمل رف خشب وميدو كان عرض عليه إنه يديله الرف بتاعه, على فكرة ميدو ماكانش بيعزم...

[Mzeid]

مبروك نجاح المقابلة
و ربنا يجمعكم دائما على الخير

[م. حاتم السباعي]

اكيد وجود ناس زي العسل كده لازم ينجح اي مقابلة
وكان نفسي ان كل ملاك التريوس يحضروها كمان ولو انني ذهبت اليوم لاصدقائنا في مقابلة قسم كيا لاني رتبت معاهم من بدري واكيد انا خسرت اني اتعرف علي اخوة زي حضراتكم بس ان شاء الله نتجمع مستقبلا كل الداتسهاوييييييييييييه مع بعض ان شاء الله

م.حاتم السباعي

[slim_shika]

مبروك نجاح المقابلة
و ربنا يجمعكم دائما على الخير

يارب
شكرا يا أستاذ Mzeid على مرورك الكريم.

اكيد وجود ناس زي العسل كده لازم ينجح اي مقابلة
وكان نفسي ان كل ملاك التريوس يحضروها كمان ولو انني ذهبت اليوم لاصدقائنا في مقابلة قسم كيا لاني رتبت معاهم من بدري واكيد انا خسرت اني اتعرف علي اخوة زي حضراتكم بس ان شاء الله نتجمع مستقبلا كل الداتسهاوييييييييييييه مع بعض ان شاء الله

م.حاتم السباعي

تتعوض إن شاء الله يا أستاذ حاتم المقابلة اللي جاية.

[Gabrial]

متجمعين على الخير دايماً ،كل مقابلة و انتم بخير .

[slim_shika]

متجمعين على الخير دايماً ،كل مقابلة و انتم بخير .

على الخير دايما إن شاء الله, وحضرتك طيب وشكرا على الكلمة الطيبة.

[HAMZAWY]

محرج وزعلان ومدايق
كان نفسى اجى المقابلة بس للاسف الشديد يوم الخميس باليل اتبلغت بخبر وفاة والدة واحد صاحبى وفضلت معاه طول الليل لغاية ما صلينا عليها ودفناها وخلصنا الجمعة باليل وللاسف ما سجلتش رقم سليم علشان اقولو انى مش حقدر اجى

انا متشكر جدا يا جماعة لميدو عشان الرف بتاع الشنطةوطبعا كنت متاكد يا سليم ان الراجل ما كانش بيعزم وخلاص

انا اسف مرة تانية وياريت تتقبلوا اسفى وان شاء الله معاكو المقابلة الجاية

[GMakram]

قبل اى حاجه انا احب اشكر ميدو وسليم اللى بجد بجد شباب جامدين اوى وانا فعلا كنت رايح وانا مش عارف ازاى ممكن اقضى وقت مش شباب اوى مره هشوفهم مش عارف هتكلم فى ايه او اليوم هيبقى شكله ايه بس بجد الناس دى محستش معاهم انى مع حد معرفهوش خالص....

ميدو(اسمحلى ياسليم ابتدئ بميدو علشان الاقدميه) بجد اقل مايقال عنه انه شاب محترم وجدع,بجد يا ميدو شكرا جزيلا انك جيت المشوار ده كله علشان تشوفنا وانا بجد استفدت منك كتير وبجد بجد شكرا على الهديه الصغيره اللى فعلا بالنسبه لى كبيره اوى ويارب ديما متجمعين على الخير,انا اتكلمت مع ميدو فى موضوع المقابله اللى فاتت وهو زعلان علشان ماتمتش وله حق بصراحه خصوصا لانه كان فعلا بيبذل مجهود كبير علشان تتم بس اتمنى ياميدو تنسى بقى الموضوع ده احنا علاقتنا فى المنتدى اكبر من مقابله متمتش....كمان نسيت اقولوكوا انى شديت مع ميدو و طبعا بهدلنى وعقدنى بس انا مش ماسكتش فضلت مصمم اطلع منه لحد لما طلعت منه لما هدئ عند مطب ههههههههههههههه

بجد ياميدو شكرا على كل حاجه

سلييييييييييييييييييييييييييييم بقى الواد ده اخترااااااااااااااااااااااااااع....انا بدون اى مقدمات بعتبر نفسى كسبت صديق جديد...بجد ياسليم انا اتبسط اوى بمعرفتك انت فعلا شاب ممتاز وانا محستش خاااالص انى مع واحد اول مره اشوفه...شاب مطرقع ودمه خفيف وبجد شكرا جدا يا سليم انك سمحتلى اسوق عربيتك مع انى بصراحه كنت ناسى سواقه المانيوال بس سليم مخفش على العربيه وهى كانت بتنط منى شويه وتبطل وكنت فرجه فى الرحاب...بجد يا سليم انا مش عارف اقول انا اتبسط قد ايه بمعرفتك واتمنى المعرفه دى تدوم على طول

اتمنى يا ميدو انت وسليم تكونوا سامحتونى فى موضوع التأخير انا كانت ظروفى ملخبطه شويه فى اليوم ده معلش

فى النهايه عايز اقول انى على قد ما اتبسط جدا بالمقابله الخفيفه دى بس طبعا كان مضايقنا جدا عدم وجود اى حد من الاعضاء الكبار بالمنتدى...

احنا اتفقنا بصفه مبدئيه اننا هنروح نزور استاذ توفيق بسبب مروره بوعكه صحيه وهيكون الخميس اللى جاى بأذن ربنا نتمنى من ربنا الشفاء لأستاذ توفيق ونتمنى ان دى تكون فرصه للأعضاء انهم يشاركونا ويكون استاذ توفيق سبب لتجميع اعضاء منتدى دايهاتسو

اخر حاجه عايز اقولها انى بتمنى من كل قلبى ان الكلام اللى احنا كتبناه ده يشعل نار الغيره بداخل الاعضاء ويتحمسوا للمقابلات تانى...بجد المنتدى مالوش طعم من غيركوا

تحياتى جميعا

[mohamed_rhem]

انا كنت ناوي اجي لكن

لسه مستلمتش السيروناية بتاعتي

وان شاء الله اكون معاكم في الجايه

ب7

[kar!m]

أنا لما قريت العنوان "لمقابلة الاخيرة لمنتدى دايهاتسو...." قلت ايه ده هما مش هيتقابلوا تانى ولا ايه؟

[أبو عبدالله]

فعلا والله يا جماعه كان نفسي اجيلكم ولكن فعلا غصب عني لأن كان ورايا سفر اخر يوم السبت وكان صعب عليا اسافر مرتين بصراحه
وان شاء الله نقابل البعض في افطار رمضان لو حد هيجي
وبعد رمضان ان شاء الله نعمل مقابلة كبير بإذن الله وميبقاش حد له عذر لأن هنحددها من بدري ان شاء الرحمن

[slim_shika]

محرج وزعلان ومدايق

كان نفسى اجى المقابلة بس للاسف الشديد يوم الخميس باليل اتبلغت بخبر وفاة والدة واحد صاحبى وفضلت معاه طول الليل لغاية ما صلينا عليها ودفناها وخلصنا الجمعة باليل وللاسف ما سجلتش رقم سليم علشان اقولو انى مش حقدر اجى

انا متشكر جدا يا جماعة لميدو عشان الرف بتاع الشنطةوطبعا كنت متاكد يا سليم ان الراجل ما كانش بيعزم وخلاص

انا اسف مرة تانية وياريت تتقبلوا اسفى وان شاء الله معاكو المقابلة الجاية

ولا يهمك يا باشا تتعوض ان شاء الله..

قبل اى حاجه انا احب اشكر ميدو وسليم اللى بجد بجد شباب جامدين اوى وانا فعلا كنت رايح وانا مش عارف ازاى ممكن اقضى وقت مش شباب اوى مره هشوفهم مش عارف هتكلم فى ايه او اليوم هيبقى شكله ايه بس بجد الناس دى محستش معاهم انى مع حد معرفهوش خالص....

ميدو(اسمحلى ياسليم ابتدئ بميدو علشان الاقدميه) بجد اقل مايقال عنه انه شاب محترم وجدع,بجد يا ميدو شكرا جزيلا انك جيت المشوار ده كله علشان تشوفنا وانا بجد استفدت منك كتير وبجد بجد شكرا على الهديه الصغيره اللى فعلا بالنسبه لى كبيره اوى ويارب ديما متجمعين على الخير,انا اتكلمت مع ميدو فى موضوع المقابله اللى فاتت وهو زعلان علشان ماتمتش وله حق بصراحه خصوصا لانه كان فعلا بيبذل مجهود كبير علشان تتم بس اتمنى ياميدو تنسى بقى الموضوع ده احنا علاقتنا فى المنتدى اكبر من مقابله متمتش....كمان نسيت اقولوكوا انى شديت مع ميدو و طبعا بهدلنى وعقدنى بس انا مش ماسكتش فضلت مصمم اطلع منه لحد لما طلعت منه لما هدئ عند مطب ههههههههههههههه

بجد ياميدو شكرا على كل حاجه

سلييييييييييييييييييييييييييييم بقى الواد ده اخترااااااااااااااااااااااااااع....انا بدون اى مقدمات بعتبر نفسى كسبت صديق جديد...بجد ياسليم انا اتبسط اوى بمعرفتك انت فعلا شاب ممتاز وانا محستش خاااالص انى مع واحد اول مره اشوفه...شاب مطرقع ودمه خفيف وبجد شكرا جدا يا سليم انك سمحتلى اسوق عربيتك مع انى بصراحه كنت ناسى سواقه المانيوال بس سليم مخفش على العربيه وهى كانت بتنط منى شويه وتبطل وكنت فرجه فى الرحاب...بجد يا سليم انا مش عارف اقول انا اتبسط قد ايه بمعرفتك واتمنى المعرفه دى تدوم على طول

اتمنى يا ميدو انت وسليم تكونوا سامحتونى فى موضوع التأخير انا كانت ظروفى ملخبطه شويه فى اليوم ده معلش

فى النهايه عايز اقول انى على قد ما اتبسط جدا بالمقابله الخفيفه دى بس طبعا كان مضايقنا جدا عدم وجود اى حد من الاعضاء الكبار بالمنتدى...

احنا اتفقنا بصفه مبدئيه اننا هنروح نزور استاذ توفيق بسبب مروره بوعكه صحيه وهيكون الخميس اللى جاى بأذن ربنا نتمنى من ربنا الشفاء لأستاذ توفيق ونتمنى ان دى تكون فرصه للأعضاء انهم يشاركونا ويكون استاذ توفيق سبب لتجميع اعضاء منتدى دايهاتسو

اخر حاجه عايز اقولها انى بتمنى من كل قلبى ان الكلام اللى احنا كتبناه ده يشعل نار الغيره بداخل الاعضاء ويتحمسوا للمقابلات تانى...بجد المنتدى مالوش طعم من غيركوا

تحياتى جميعا

هههههههههههههه جديدة حوار اختراع ده ههههههههههه
يا مستر جورج العربية وصاحب العربية, وانا بعتبر نفسي طبعا كسبت صديق
وماتنساش تأكد عليا يوم الأرْبع...

انا كنت ناوي اجي لكن

لسه مستلمتش السيروناية بتاعتي

وانشاء الله اكون معاكم في الجايه

برده يا أستاذ رحيم, يا باشا احنا هدفنا نتعرف عليك , معلش ملحوقة المرة اللي جاية.

أنا لما قريت العنوان "لمقابلة الاخيرة لمنتدى دايهاتسو...." قلت ايه ده هما مش هيتقابلوا تانى ولا ايه؟

هههههههه لا يا راجل متقولش كده....


ميدو اسحب الانسحاب...

[slim_shika]

فعلا والله يا جماعه كان نفسي اجيلكم ولكن فعلا غصب عني لأن كان ورايا سفر اخر يوم السبت وكان صعب عليا اسافر مرتين بصراحه
وان شاء الله نقابل البعض في افطار رمضان لو حد هيجي
وبعد رمضان ان شاء الله نعمل مقابلة كبير بإذن الله وميبقاش حد له عذر لأن هنحددها من بدري ان شاء الرحمن

يا أبوعبد الله أنا باسمع كلام كتير شوقني إني اقعد معاك... يا رب المرة اللي جاية تبقى معانا...

[bmya]

يا جماعه انا معاكم ان شاء الله وانتم رايحين لاستاذ توفيق ودي اقل حاجه نعملها لخونا الكبييرر بجد اللي ماقبلش استاذنا الكبير توفيق فاته كتييييييييييير

[GMakram]

يا جماعه انا معاكم ان شاء الله وانتم رايحين لاستاذ توفيق ودي اقل حاجه نعملها لخونا الكبييرر بجد اللي ماقبلش استاذنا الكبير توفيق فاته كتييييييييييير

اخيرا ظهرت....زعلان منك