Daihatsu Copen ... مواصفات و صور

[Alios]

بسم الله الرحمن الرحيم

ح نتكلم بالبلدي و ح ندخل دوغري في الموضوع ... :)

---

السبب اللي خلاني اعمل الموضوع دا .... اني لقيت قسم الدايهاتسو نايم ..... كله مشاكل و حلول ..... فقلت ليه مندورش على طرازات لدايهاتسو متكونش موجودة في بلدنا ؟

الحقيقة انا ملقيتش غير الموديل دا اللي ان شاء الله يعجبكم ...... موديل لسيارة شبابية جميلة , و قلت ان اخيراً دايهاتسو نضفت و بقيت بتنزل موديلات بأشكال حلوة ... :)

في موضوعنا ح نتكلم عن طراز من طرازات دايهاتسو الجديدة ... ألا و هى :

و قبل ما ندخل في المواصفات ...

لازم الأول نشوف صور ليها .....

و دي بعض الصور ل دايــهـــاتـــسو كـــوبـــيـــن :)
















يـــــــــــــتــــــــــــبـــــــــــع ,,

[Khalid_Mostafa]

انا اسف ...مش عايز احبطك ...بس بصراحة شكلها دميم جداً ....غير كده حاسس انها تقليد صيني للفولكس بيتلز الحديثة

[Alios]

بسم الله الرحمن الرحيم

مواصفــات
Daihatsu Copen

الأبعاد :

الطول : 3440 مم
العرض : 1475 مم
الإرتفاع : 1245 مم
قاعدة العجلات : 2225 مم
الطول الداخلي للمقصورة : 890 مم
العرض الداخلي : 1250 مم
الإرتفاع الداخلي : 1040 مم

ملاحظة : طبعاً واضح ان الارتفاع بالنسبة لشوراعنا الجميلة مش كبير ...

رسم تخطيطي للأبعاد

المحرك :

تتميز دايهاتسو كوبيه بمحرك من نوع K3-VE مكون من اربع اسطوانات و تبلغ سعته اللترية 1300 سي سي ( بالظبط 1298 سي سي ) .
و يولد قوة تصل الى 64 حصان عند 6000 د\د .
و عزم يصل الى 120 نيوتن.متر عند 4400 د\د .
و المحرك مزود بتكنولوجيا DVVT .
المحرك مزود ايضاً ب 2 كامة مرتبط ب 16 صباب ( DOHC ) .

ملاحظة : السيارة بتتوافر بمحرك سعة 660 سي سي 4 سلندر ( غريبة مش كدا ؟ ) و سعة 1300 سي سي .

السيارة تتوافر بناقل حركة يدوي من خمس سرعات و اوتوماتيك ( ستيب ترونيك ) من 4 سرعات .

نظام الدفع ثنائي خلفي .
نظام تحقين الوقود الكتروني .
و السعة اللترية لخزان الوقود : 40 لتر .
و الاستهلاك 6 لتر لكل 100 كم .

ملاحظة : الاستهلاك هنا الى حد ما موفر .. و نظام الدفع من الجيد انه يكون خلفي لعربية زي دي . :)

وسائل الأمان :

السيارة لها صاج مضاد للصدمات الخفيفة .
كذلك مزودة بعدد 2 اير باج .

الفرامل :

مزودة بفرامل ABS و نظام التوزيع لقوة الفرامل EBD .

مواصفات أخرى :

ملاحظة : هنا انا باتكلم عن النسخة اليابانية و الأوروبية . لأن العربية دي مبتنزلش مصر .

السيارة 2 راكب فقط .
- 2 مراية ضم كهرباء .
- 2 حامل اكواب .
- اماكن للتخزين ( اسفل الابواب ) و درج للتخزين ( بالتابلوه ) .
كذلك هناك اماكن للتخزين بضهر الكراسي و بجانب السائق .
- امكانية تقريب الدريكسون و ابعاده .
- مكان لراحة القدم بجانب الدبرياج ( في المانيوال ) او بجانب الفرامل ( في الأوتوماتيك ) .
- امكانية تسخين الكراسي .
- امكانية تركيب كاسيت سي دي او نافيجاتور .
- تكييف عادي .
- و أهم ميزة في السيارة : امكانية السير بدون سقف و هناك زر خاص لإعادة السقف مرة أخرى .
- مساحة الشنطة ( بوجود السقف ) 210 ليتر .

ملاحظة : مساحة الشنطة صغيرة ... لكن دا لأن العربية 2 راكب مش عائلية .

ألوان السيارة :

متوفرة بألوان :
- Dark Blue أزرق غامق ميتاليك .
- Dark Green اخضر غامق ميتاليك .
- Pearl White لون اللؤلؤ الأبيض .
- Shining Red لون الأحمر الساطع .
- Sliver ....llic فضي ميتاليك .
- Steel Grey ....llic لون الرمادي الصلب ميتاليك .
- Sunflower Yellow لون أصفر عباد الشمس .
- White أبيض .

ملاحظة : الغريب ان مفيش منها اسود :) .

--------------------

السعر :

طبعاً انا ح اقول لكم على سعرها في امريكا و اوروبا .

و ياريت لو تحسبوها بالمصري ح تطلع كام .... بالجمارك و الذي منه ....

السعر في أمريكا : 21010 دولار ( دي للموتور 660 ) .
السعر في أوروبا : 11,986.52 يورو ( و دي للموتور 1300 - و ده سعر شركة دايهاتسو ) .

--------

بكدا ابقى انتهيت من الموضوع .....

في الآخر ح اقول عربية غريبة و حلوة ....... و ده مش غريب على دايهاتسو ... :)

كل سنة و انتم طيبين :)

[Alios]

انا اسف ...مش عايز احبطك ...بس بصراحة شكلها دميم جداً ....غير كده حاسس انها تقليد صيني للفولكس بيتلز الحديثة

هيا ممكن تكون الفوانيس فيها من الفولكس ... :)

بس هيا مش صيني على العموم ....... :)

هيا عربية غريبة ...... احنا بس عاوزين نعرف هيا ليه مبتنزلش مصر ؟ .... شكلها شبابي جامد :)

و الف شكر على مرورك الكريم ... و مفيش احباط و لا حاجة ... :)

[Khalid_Mostafa]

هيا ممكن تكون الفوانيس فيها من الفولكس ... :)

بس هيا مش صيني على العموم ....... :)

هيا عربية غريبة ...... احنا بس عاوزين نعرف هيا ليه مبتنزلش مصر ؟ .... شكلها شبابي جامد :)

و الف شكر على مرورك الكريم ... و مفيش احباط و لا حاجة ... :)

بشكل عام العربيات الكوبيه سوقها تقيل في مصر ..مش حتبيع كويس وده السبب ان العربيات الي من النوع ده غالباً مبتنزلش مصر

[Alios]

بشكل عام العربيات الكوبيه سوقها تقيل في مصر ..مش حتبيع كويس وده السبب ان العربيات الي من النوع ده غالباً مبتنزلش مصر

هوا فعلاً سوقها تقيل في مصر ........

بس على الأقل ينزلوها .... اشمعنى السيراتو ما نازل منها كوبيه و منتشرة كمان :)

[M.Mosaad]

اعتقد نقطة السعر لانها ب 11 الف يورو يعني سعرها من غير جمارك و لا ضرايب حوال 80000 جنيه مصري يعني مش هتقل عن 120 او 130 الف جنيه فصعب جدا علي عربيه 68 حصان انها تنزل بالسعر دة

بس هي شكلها جميل و واضح ان ليها شنطة كويسة

انا فعلا مش عارف ديهاتسوا عايشة علي ال 3 موديلات بتوعها ( تيريوس - ماتيريا - سيريون ) المفروض ينوعوا شوية عن كدة

بس موضوع جميل تسلم ايدك

[2faster]

هوا فعلاً سوقها تقيل في مصر ........

بس على الأقل ينزلوها .... اشمعنى السيراتو ما نازل منها كوبيه و منتشرة كمان :)

بس السيراتو الكوبيه 4 راكب

ودي 2 راكب بس


عرفت ليه هيا مش منتشرة

( بطلوا بقا تجيبوا سيرة السيراتو في كل حاجة )


بهزر طبعاااااااااااا



محمد وفا

[Alios]

اعتقد نقطة السعر لانها ب 11 الف يورو يعني سعرها من غير جمارك و لا ضرايب حوال 80000 جنيه مصري يعني مش هتقل عن 120 او 130 الف جنيه فصعب جدا علي عربيه 68 حصان انها تنزل بالسعر دة

بس هي شكلها جميل و واضح ان ليها شنطة كويسة

انا فعلا مش عارف ديهاتسوا عايشة علي ال 3 موديلات بتوعها ( تيريوس - ماتيريا - سيريون ) المفروض ينوعوا شوية عن كدة

بس موضوع جميل تسلم ايدك

طب لو هيا 68 حصان .... ليه هيا سعرها عالي في اوروبا .. ؟!
اما بالنسبة لموديلاتها ....

دايهاتسو في مصر هيا اللي عايشة على ال 3 موديلات .... لكن برا عايشين على اكتر من موديل ...... بس انا لقيت ان من الموديلات الكويسة اللي برا و اللي ينفع نتكلم عنها اللي هيا الكوبين دي .....

عربية شيك و شبابي ..... و امكانياتها حلوة .....

اليابان بتستخدمها بموتور 660 سي سي و 4 سلندر ..... و انا مش عارف دا بيزود من كفاءة الموتور و لا بيضرها ....

غير كدا ... سعر ال 660 سي سي في امريكا زي ما قلت 21 الف دولار ....... طب ليه هيا سعرها عالي كدا ؟!!

و بنترجى من توكيل دايهاتسو اللي في مصر انه يجيب موديلات تانية لدايهاتسو ....... لازم ينوع , منفضلش عايشين على التلات موديلات دول بس ... لازم التنويع .....

و الف شكر لمرورك الكريم :)

بس السيراتو الكوبيه 4 راكب

ودي 2 راكب بس


عرفت ليه هيا مش منتشرة

( بطلوا بقا تجيبوا سيرة السيراتو في كل حاجة )


بهزر طبعاااااااااااا



محمد وفا

بص يا محمد باشا .....

الكوبيه انا شايف ان حلاوته فعلاً في الاتنين راكب ... مش في الاربعة راكب .....

غير كدا .. انا مش باذم في السيراتو .. :) :)

انا كان قصدي ان توكيل كيا منوع الموضوع .. ...... لكن توكيل دايهاتسو ليه ميجربش مثلاً يجيب الموديل دا , حتى و لو ح تقف عليه بخسارة ؟

و الف شكر على مرورك الجميل :)

[2faster]

طب لو هيا 68 حصان .... ليه هيا سعرها عالي في اوروبا .. ؟!
اما بالنسبة لموديلاتها ....

دايهاتسو في مصر هيا اللي عايشة على ال 3 موديلات .... لكن برا عايشين على اكتر من موديل ...... بس انا لقيت ان من الموديلات الكويسة اللي برا و اللي ينفع نتكلم عنها اللي هيا الكوبين دي .....

عربية شيك و شبابي ..... و امكانياتها حلوة .....

اليابان بتستخدمها بموتور 660 سي سي و 4 سلندر ..... و انا مش عارف دا بيزود من كفاءة الموتور و لا بيضرها ....

غير كدا ... سعر ال 660 سي سي في امريكا زي ما قلت 21 الف دولار ....... طب ليه هيا سعرها عالي كدا ؟!!

و بنترجى من توكيل دايهاتسو اللي في مصر انه يجيب موديلات تانية لدايهاتسو ....... لازم ينوع , منفضلش عايشين على التلات موديلات دول بس ... لازم التنويع .....

و الف شكر لمرورك الكريم :)




بص يا محمد باشا .....

الكوبيه انا شايف ان حلاوته فعلاً في الاتنين راكب ... مش في الاربعة راكب .....

غير كدا .. انا مش باذم في السيراتو .. :) :)

انا كان قصدي ان توكيل كيا منوع الموضوع .. ...... لكن توكيل دايهاتسو ليه ميجربش مثلاً يجيب الموديل دا , حتى و لو ح تقف عليه بخسارة ؟

و الف شكر على مرورك الجميل :)

العيب مش في التوكيل العيب في السوق

الشعب رافض تماما فكرة الهاتش باك

يقوم التوكيل منزل كوبية 2 راكب

( حتي مش زي السيراتو ال 4 راكب ) عشان كده السيراتو منتشرة

وحضرتك بتقول شكلها شبابي ( معاك حق ) بس السعر مش شبابي خالص

[rockana]

احييك اولا واخيرا على الموضوع
جهد رائع و تشكر عليه و كفايه انك بتصحصح المنتدى شويه
انا شايف العربيه شكلها حلو بجد
بس 64 حصان دي اللى غريبه شويه
على العموم دايهاتسو مصر محترم مش بينززل المناظر دي هنا عارف اننا شعب استهلاكي رجعي مش تقدمي
غلط و نزل الماتريا و شكله مش هايعملها تاني

[Alios]

احييك اولا واخيرا على الموضوع
جهد رائع و تشكر عليه و كفايه انك بتصحصح المنتدى شويه
انا شايف العربيه شكلها حلو بجد
بس 64 حصان دي اللى غريبه شويه
على العموم دايهاتسو مصر محترم مش بينززل المناظر دي هنا عارف اننا شعب استهلاكي رجعي مش تقدمي
غلط و نزل الماتريا و شكله مش هايعملها تاني

حلوة حكاية انه غلط و نزل الماتيريا .... :) :)

رغم ان فعلاً دايهاتسو مصر محترمة .... الا ان مشكلتها مفيش تنويع خالص في عربياتها ....

طب نزلوا كل الموديلات ... و سيب الناس على الأقل تختار و تنقي ....

انما انتا مجبر بتلات موديلات ... و اخبط دماغك في الحيطة .... حتى تشاريد و ميرا منهم موديلات جديدة ... برده مجابهمش مصر ....

الف شكر على مرورك الكريم :)

[Alios]

العيب مش في التوكيل العيب في السوق

الشعب رافض تماما فكرة الهاتش باك

يقوم التوكيل منزل كوبية 2 راكب

( حتي مش زي السيراتو ال 4 راكب ) عشان كده السيراتو منتشرة

وحضرتك بتقول شكلها شبابي ( معاك حق ) بس السعر مش شبابي خالص

العيب فعلاً زي ما انتا قلت ....

العيب في السوق ...

بس حتى لو العيب في السوق .... المهم مبقاش مجبر على تلات موديلات .....

دايهاتسو منزلة تلات موديلات في مصر بس ... طب ليه التوكيل ميجيبش الموديلات الجديدة و يسيب الناس تنقي و تختار على الأقل ؟ حتى و لو حتقف عليه بخسارة ؟

ما انتا عندك ابو غالي مثلاً اللي ماسك توكيل السوبارو ... ما السوبارو عربية مش منتشرة .... و مع ذلك بيجيب منها موديلات جديدة و بينزلها السوق .....

اما بالنسبة للسعر ...... ف 130 الف جنيه طبعاً كتير على عربية 64 حصان ..... كتير قوي ....

لو بقيت في رنج ال 80 او 90 ممكن نقول اهو ... بنبتدي ..... و لو ان 70 الف جنيه كتير برده :)

و الف شكر على ردك الجميل :)

[slim_shika]

المحرك :

تتميز دايهاتسو كوبيه بمحرك من نوع K3-VE مكون من اربع اسطوانات و تبلغ سعته اللترية 1300 سي سي ( بالظبط 1298 سي سي ) .
و يولد قوة تصل الى [gdwl]64 حصان عند 6000 [/gdwl]د\د .
و عزم يصل الى 120 نيوتن.متر عند 4400 د\د .
و المحرك مزود بتكنولوجيا DVVT .
المحرك مزود ايضاً ب 2 كامة مرتبط ب 16 صباب ( DOHC ) .

ملاحظة : السيارة بتتوافر بمحرك سعة 660 سي سي 4 سلندر ( غريبة مش كدا ؟ ) و سعة 1300 سي سي .

ما شاء الله موضوع مترتب وجميل.

أنا ليَّ تعليق واحد الموتور ده بيطلع 86 Bhp مش 64

Daihatsu Copen - Wikipedia, the free encyclopedia

تقبل تحياتي.

[Alios]

ما شاء الله موضوع مترتب وجميل.

أنا ليَّ تعليق واحد الموتور ده بيطلع 86 bhp مش 64

daihatsu copen - wikipedia, the free encyclopedia

تقبل تحياتي.

اولاً الف شكر على التصحيح ....

ثانياً مكتوب في البروشور الأوروبي ان القوة 64 حصان ..... و البروشور ده بتاع الشركة نفسها .....

و كذا موقع اجنبي لبيع العربيات برده كاتب نفس القوة دي .. 64 حصان ...

و انا برده لاحظت الاختلاف ..... ما بين الويكيبديا و البروشور ....

و مش عارف انهي اصدق ؟

و الف شكر مرة تانية على المعلومة دي :)