هارش العربيه الميرا

[tanman]

السلام عليكم

انا كنت عايز ارش العربيه و البوهياجي قالي هيرش كل الابواب بالاكصدام و العتبه

العربيه ميرا 94

و هو قالي 600 جنيه و قالي هتدخل الفرن اللي انا لحد دلوقتي مش عارف يعني ايه فرن


ده كتير ولا لأ ؟؟

[slim_shika]

هي العربية لونها ميتاليك ولا لأ؟

هيرش الكبوت ولا لأ, يعني هيرش العربية كلها ماعدا السقف ولا لأ؟

لو مش ميتاليك وهيرش كله ماعدا السقف فرن يبقى كويس بس ممكن ينزل حاجة بسيطة 50-75 جنيه.

[tanman]

هيرش العربيه كلها ما عادا السقف بس

و هي مش ميتالك

و اعرف ازاي انه دخلها الفرن

[slim_shika]

هتروح معاه يا باشا الكابينة وممكن تقف على ايده, أو لو إنت مش واثق فيه بلاش منه وروح عند واحد تاني, بس هو كده كده رش الكابينة بيبقى مميز طبعا ولو واحد فاهم هيفرق.

[mohamed_rhem]

بص خلاصة الكلام

اسال البوهيجي حيجيب كام كيلو بوهيا

وحيرش فين!!

لان ده بيفرق جامد

البوهياجي مش بيرش العربيه

اللي بيرشها بتاع الفرن وده تكلفته من 70 الي 100 جنيه حسب الصنايعي والفرن والميعاد

لان اخر عربيه بتبات في الفرن وده بتبقي اغلي علشان البويا تكون عضمت

البويا كله كابسي والكيلو ب 65 جنيه يعني حيجيب كيلو ولا كيلو ونص ولا 2 كيلو

طبعا مفيش ورنيش لانك مش ميتاليك

فبعد اسبوع ترجعله يلمعلك العربية

عموما احسن صنايعية في مصر في الدويقة

انا في الشاريد كنت بخلي البوهياجي يجهز بس

وانا كنت بتعامل في الفرن والبويا

بخصوص السعر هو علي حسب الشغل

رش فلر بطي او سريع السوك اتظبطت حاجات فنية اخدت بطانة كده يعني

يعني ممكن يكون غالي لو اتعمل شغل اي كلام

وممكن يكون رخيص لو اتعمل شغل نمرة1

[tanman]

الف شكر يا باشا عالرد المفصل

[tanman]

صلحت السمكره كلها و الحمد لله و رشيت العربيه خلاص و شكلها تمام خليت الراجل هو اللي يجيب كل حاجه علشان اريح دماغي الصراحه

بس المره الجايه ان شاء الله هاجيب كل حاجه بنفسي


اللي يضحك ان تاني يوم و انا راجع من عزومه و فرحان بالشكل الجامد للعربيه لقيت كلب مره واحده ادامي و فرملت جامد و حاولت افاديه بس خيطنه برضو علشان كان في عربيات ورايا وخفت اخبط حد فيهم و ادي الاكصدام الادماني انكسر تاني

انا زهقت بجد من الميرا دي