اصلح السيريون فين

[HAMZAWY]

السلام عليكم
اولا كل سنة وانتم طيبين ياجماعة
ثانيا ممكن تدلونى على ميكانيكيا او مراكز خدمة غير التوكيل اصلح فيها العربية واعمل عندو الصيانات الدورية لان بصراحة التوكيل اسعارو غالية جدا وياريت يكون حد فاهم ومتجرب

[medo_sirion]

بس ياسيدى

لو على الميكانيكا والصيانات الدورية
عندك فى الحرفين اولها عند الجامع ميكانيكى ديهاتسو سيد الفراش
وميزتة انة فاهم فى العربية يعنى مش مستنى يفكر دية لية وكدة
وممكن تتابع عندة فى الصيانات
بس لازم كل فين وفين تروح التوكيل علشان الضمان
تقبل تحياتى

[slim_shika]

مش عارف ليه باستحرم اللي جايب عربية زيرو ويصلح بره التوكيل. مش عارف برده أنا صح ولا غلط بس كل واحد أدرى بظروفه.

[medo_sirion]

مش عارف ليه باستحرم اللي جايب عربية زيرو ويصلح بره التوكيل. مش عارف برده أنا صح ولا غلط بس كل واحد أدرى بظروفه.

كل واحد وظروفة بردة يامارتن
الناس مش كلها غنية زيك
والدليل شوف التوقيع بتاعك

[slim_shika]

كل واحد وظروفة بردة يامارتن
الناس مش كلها غنية زيك
والدليل شوف التوقيع بتاعك

هههههههههههه ماشي يا عم ميدو...

اللي أنا بأتكلم فيه إن الصيانة بره التوكيل مش مضمونة, وقصاد كده لو حصل حاجة لا قدر الله ترجع تقع تحت رحمة التوكيل علشان تشوف إنت جوه الضمان ولا خرجت...

وبرده كل واحد عارف مصلحته فين..

[medo_sirion]

هههههههههههه ماشي يا عم ميدو...

اللي أنا بأتكلم فيه إن الصيانة بره التوكيل مش مضمونة, وقصاد كده لو حصل حاجة لا قدر الله ترجع تقع تحت رحمة التوكيل علشان تشوف إنت جوه الضمان ولا خرجت...

وبرده كل واحد عارف مصلحته فين..

طب اللى فى التوقيع كنت بتعمل صيانتها فييييييييين

[slim_shika]

طب اللى فى التوقيع كنت بتعمل صيانتها فييييييييين

صيانة إيه يا مستر ميدو؟؟
ديه ماكانش بيتعملها صيانة...
لما لمبة الزيت تنور بحت زيت ولما يسود بغيره مع فلتر أبو 15 جنيه.

بغير تيل لما أحس إني هالبس, بغير فلتر بنزين لما القديم يتخرم, بغير كاوتش لما القديم يضرب.

بعمل عمره لما معرفش أجيب 160 بغير عافشه لما هابقى هتقلب على 160.

وهكذا...إنت فاكرها إيه يا مستر ميدو؟؟ عربية شيكي ميكي من بتوع اليومين دول!! اللي الحاجة بتترمي من قبل ماتبوظ!!


اوعى حد يعمل كده في أي عربية - أنا كنت صغير مش فاهم. أنا مش مسئول..

[medo_sirion]

واحنا نقول الدائرى مالوة اليومين دول هادى والحمدالله
هاههاهاهاهاهاهاهاهاهاهاهاهاها

[HAMZAWY]

هى الفكرة ياسليم انى اصلا شارى العربية مستعملة وكانت عاملة حادثة واتصلحت برة التوكيل فا موضوع الضمان ده خلاص انتهى الاهم من كده هى التكاليف برضو التوكيل مكلف جدا وفيه حاجات كتير بتدفعها مالهاش لازمة فعشان كده كنت بسال عن مركز خدمة

[slim_shika]

تمام يا باشا أنا فهمت كده وجهة نظرك, في حاجة افتكرتها : لما كنت بدور على شاريد مستعمل سمعت من كذا واحد معاهم العربية إن ماروحش لسيد الفراش بالذات. فـلوحد اتعامل معاه شخصيا ومش بالسمع ينفي كلامي علشان أنا مش متأكد. ده كان كلام من 2 معرفهمش.