الاكصدام الجديد للسريون

[nedaanagy]

السلام عليكم

اذيكم يا شباب

دلوقتي انا معايا سريون 2007 وشفت سريون اختها بالظبط معرفش دي موديل كام بس كانت مركبة اكصدام امامي جميل اوي اللي هو من النص سيلفر وفيه امبة شبورة مدورة كبيرة

انا كنت عاوز استفسر هو انا ممكن اركب الاكصدام ده عندي ولو ممكن هو ثمنه كام واقدر اجيبو من عند مين

ولكم جزيل الشكر

[IMG]file:///C:/Users/Neda2/AppData/Local/Temp/moz-screenshot.png[/IMG]

[bmya]

عادي ياباشا يركب طبعا
وده الاكصدام الاسبورت بتاعها مش بتنزلبه في مصر طبعا بس ممكن تدور عليه استيراد او التوكيل يجبهولك اسبشيال اوردور
ومعانا ميدو هنا مكربهم عنده وكان جايبهم استيراد برده اكيد هيرود عليك واحتمال كبير تكون العربيه اللي شوفتها عربيته :)) اصلا

[nedaanagy]

انا من دمياط راس البر وشوفتها في راس البر هي لونها اسود

انا كنت عاوز اجيب الاكصدام الامامي بس من غير العتب ولا الخلفي

يعمل كام مثلا وهل ممكن انزل ادور عليه في الحرفين

[أبو عبدالله]

انا من دمياط راس البر وشوفتها في راس البر هي لونها اسود

انا كنت عاوز اجيب الاكصدام الامامي بس من غير العتب ولا الخلفي

يعمل كام مثلا وهل ممكن انزل ادور عليه في الحرفين

انت كنت فين بقه لأنك شوفت عربيتي انا
لأن انا اللي عندي سيلفر من النص والعربية لونها اسود وكنت في راس البر كمان
بس انت مشوفتش استكير المنتدى على العربيه
وياريت لو تقولي لون عربيتك ايه ؟؟؟

عالعموم الأكصدامات دي انا كنت اشترتها من الوكيل بأوردر خاص جابهوملي من اليابان مخصوص اول ما جبت العربيه
وهما موجودين عند على نجم في الأسكندرية وميدو صاحبنا هنا اشتراهم منه بس اشك انه يكون عنده تاني منهم بس انت اطلبه اساله بس مش هيقولك على الأسعار في التليفون

[nedaanagy]

اهلا وسهلا بيك يا باشا

انا ساكن في راس البر معايا سريون 1300 الكاملة لونها احمر

الاكصدام ده انت جيبوا من فترة مثلا يعني ممكن يكون نزل عند حد في الحرفين

وهل يا تري سعره كان في الطبيعي ولا مبالغ فيه

[bmya]

صحيييح ابو عبد الله كمان انت مركبه من زماان اوي من قبل ميدوو
وبتروح راس البر كده من ورانا ماشي ياعم الحج

[أبو عبدالله]

اهلا وسهلا بيك يا باشا

انا ساكن في راس البر معايا سريون 1300 الكاملة لونها احمر

الاكصدام ده انت جيبوا من فترة مثلا يعني ممكن يكون نزل عند حد في الحرفين

وهل يا تري سعره كان في الطبيعي ولا مبالغ فيه

انا شوفتك برضه في السوق العمومي تقريبا
عالعموم فرصه سعيده ولما تشوفني مره تانيه ابقى وقفني علشان نتعرف عليك
الأكصدام كان واقف بحوالي 4 الاف جنيه
ولكن تقريبا دلوقتي اكيد هتلاقيه معدي 5 الاف جنيه لأن انا جايبه من قبل الزيادات
هو مش موجود في الحرفيين
بس ممكن يكون عند على نجم فعلا

صحيييح ابو عبد الله كمان انت مركبه من زماان اوي من قبل ميدوو
وبتروح راس البر كده من ورانا ماشي ياعم الحج

ولا وراك ولا حاجه
راس البر دي لازم كل فتره انزلها لأسباب كتير

[mmffor]

شكله مش حلو! الكلاسيك اشيك و اروق للعربيه لأنها صغيره

[mohamed_rhem]

اعتقد ان السعر عالي قوي

خصوصا ان في ناس في الحرفيين بتوع فيبر ممكن يخلولك الاكسدام بتاعك يشبهله الي حد كبير

وبكلام فاضي

بس طبعا حيبقي ورق يعني لو حد لمسه حيتكسر

فعلا موضوع محير شويه

تشتري الاصلي ب 5000

ولا تظبط بتاعك ب 300 الي 400 جنيه

ولا تسببه علي حاله

انا شخصيا افضل الاختيار الاخير سيبه علي حاله