ارجو المساعدة من وحوش التريوس

[dr_romio25]

انا نويت ان شاء الله اجيب تريوس

انا في قمة الحيرة بصراحة بين النوعين gx limited edition والنوع التاني gxr

الي مخليني محتار بصراحة اوي كدة ان العربية gxr فيها في الفرامل ABS وده من اهم عوامل الامان من وجهة نظري المتواضعة

فارجو من اخوانا تنصحوني اعمل اية

وفي موضوع كمان وده الاهم بصراحة اجيب العربية منين يعني في معارض معينة بتنصحوا بيها ولا اجيبها من التوكيل على طول ؟

اسف للاطالة وشكرا جزيلا مقدما

[dr_romio25]

هو منتدى داهياتسو نايم كدة على طول ولا انا الي حظي وحش؟

[م. حاتم السباعي]

هو منتدى داهياتسو نايم كدة على طول ولا انا الي حظي وحش؟

هههههه
حلوة نايم دي والله انا ساعات بخش لكيا اخذ رأيهم
بس بصراحة فيه كام عضو هنا الله يكرمهم هما اللي مشغلين القسم
جزاهم الله خيرا
نيجي بقي لسؤال حضرتك
انا عن نفسي معي ال vxr 2010 وهي اغلي شوية من gxr ولا تفرق عنها الا في الغرز فقط والله اعلم وبما ان abs لا يوجد في gx فأتوقع طبعا انه يستاهل اي فرق في الاسعار لانه مهم عن تجربة
وان شاء الله يوفقك للاحسن ويالا يا همام اشتريها وانضم لكتيبة النائميين انا كنت زيك كده قبل ماشتري وبعدين شديت اللحاف

م.حاتم السباعي

[Seavin2008]

السلام عليكم

انا من رأيى خليك فى ال gxr لأن ال abs مهم جدا أما بالنسبه للمكان فأنا مش هافيدك اوى بس هأقولك على تجربتى:
نا اشتريت gxr موديل 2010 من التوكيل اللى فى شارع النزهه بعد دار الدفاع الجوى وكانت معاملتهم فى منتهى الاحترام ومواعيدهم مظبوطه جدا وهتلاقى متابعه منهم على التليفون معاك وساعه الترخيص بيجى مندوب معاك مابياخدش مليم وده حقيقه بس يا باشا ما فيش سحتوت بينزل عن ثمن العربيه الاصلى اللى هتلاقيه على كونتكت كار ولا اى هدايا حتى لو غطاء اللهم الا بس ميداليه جلد
لكن بعد ما اشتريت قالولى ان دائما سعر الديلر ارخص من سعر التوكيل بس انا بصراحه ما سألتش على سعرها بره .

[Seavin2008]

استهلاك البنزين

م. حاتم

انت اخبار سحب البنزين عندك ايه؟

[dr_romio25]

هههههه
حلوة نايم دي والله انا ساعات بخش لكيا اخذ رأيهم
بس بصراحة فيه كام عضو هنا الله يكرمهم هما اللي مشغلين القسم
جزاهم الله خيرا
نيجي بقي لسؤال حضرتك
انا عن نفسي معي ال vxr 2010 وهي اغلي شوية من gxr ولا تفرق عنها الا في الغرز فقط والله اعلم وبما ان abs لا يوجد في gx فأتوقع طبعا انه يستاهل اي فرق في الاسعار لانه مهم عن تجربة
وان شاء الله يوفقك للاحسن ويالا يا همام اشتريها وانضم لكتيبة النائميين انا كنت زيك كده قبل ماشتري وبعدين شديت اللحاف

م.حاتم السباعي

ربنا يخليك ياباشمهندس حاتم

انت عارف انا والله قولت لو انهردا مفيش حد رد هنا هعمل الموضوع ده في كيا هناك اهو بيتنا برده

الف شكر ياباشا على الرد وهتوكل على الله وهجيب الgxr


شكرا جزيلا

[dr_romio25]

السلام عليكم

انا من رأيى خليك فى ال gxr لأن ال abs مهم جدا أما بالنسبه للمكان فأنا مش هافيدك اوى بس هأقولك على تجربتى:
نا اشتريت gxr موديل 2010 من التوكيل اللى فى شارع النزهه بعد دار الدفاع الجوى وكانت معاملتهم فى منتهى الاحترام ومواعيدهم مظبوطه جدا وهتلاقى متابعه منهم على التليفون معاك وساعه الترخيص بيجى مندوب معاك مابياخدش مليم وده حقيقه بس يا باشا ما فيش سحتوت بينزل عن ثمن العربيه الاصلى اللى هتلاقيه على كونتكت كار ولا اى هدايا حتى لو غطاء اللهم الا بس ميداليه جلد
لكن بعد ما اشتريت قالولى ان دائما سعر الديلر ارخص من سعر التوكيل بس انا بصراحه ما سألتش على سعرها بره .

شكرا يافندم على الرد والاهتمام

انا كلمتهم قالولي انها ب137 مع انها في كونتاكت كار ب 136

فهروح انهردا التوكيل الي في شارع النزهة ان شاء الله وهحاول معاهم

وفي نفس الوقت بكلم المعارض عشان لو لقيت سعر ارخص هروح اشتريها منهم

شكرا يافندم

[Seavin2008]

لا يا باشا فى كونتاكت كار هتلاقيها ب 136900 بالضبط وفى التوكيل هياخدو المبلغ ده بالضبط .

[Seavin2008]

آسف يا باشا انا كتبتها غلط 135900 وهم خدو المبلغ ده بالضبط

[م. حاتم السباعي]

انا اشتريت من الوكيل بمعرض بيع لهم في الشيخ زايد
وكانوا ملتزمين في كل شئ و الخط الساخن لدايهاتسو
16168 وهما ممكن يوجهوا حضرتك لاقرب مركز بيع
وخصوصا ان حضرتك ممكن تختار الوان اكثر في التوكيل

م.حاتم السباعي

[م. حاتم السباعي]

م. حاتم

انت اخبار سحب البنزين عندك ايه؟

لو حضرتك تقصد بتعمل كام في الصفيحة
فدي الغاز لسة لحد دلوقتي بحاول اظبطها وان شاء الله اقول لحضرتك
بس لحد دلوقتي بحس انها بتعمل 200 في الصفيحة

م.حاتم السباعي

[Seavin2008]

عندى برضه بتعمل حوالى 200 كم فى الصفيحه (10 كم / لتر ) بس انا مشاويرى ما بين وسط البلد وسفر طوالى فا كنت عايز اعرف اذا كان المعدل بيقل كتير اذا كان كله وسط البلد

[Imhotep]

الشراء من التوكيل افضل و توكيل دايهاتسو معاملته زى الفل....
بالنسبة للبنزين..... المتوسط 8/100كم فى الطوالى و 10/100كم داخل المدينة.... بالتكييف