حد عايز حاجه من شرم الشيخ

[mohamed_rhem]

انهارده ان شاء الله رايح شرم هتحرك علي الساعة 1 ظهرا

حد عايز حاجه من هناك

طبعا معاد الصيانه اتغير للسبت اللي بعده 25 ديسمبر الساعة 9:30 صباحا

المره ده انا وسيريون بس ههههههههههههههههههههههههه

اشوفكم علي خير يا شباب

[askoda]

تروح و ترجع بالسلامه
ومتنساش دعاء السفر

[mohamed_rhem]

الله يسلمك يا باشا

شكرا علي التذكير

[medo_sirion]

حضرتك انت اللى مش عايز حاجة من شرم الشيخ هههههههههههههههههه
حضرتك قاعد قد اية ؟ وفين؟
هنشوفك

[slim_shika]

على فكرة أنا بفكر برده أطلع بالسيريون شرم بس خايف من الطريق.

تروح وترجع بالسلامة يا مستر محمد.

[medo_sirion]

على فكرة أنا بفكر برده أطلع بالسيريون شرم بس خايف من الطريق.

تروح وترجع بالسلامة يا مستر محمد.

هوة دة اللى علمتهولك يامارتن
شيل كلمة خايف دية من دماغك
قول انك مرعووب

[slim_shika]

أنا مش همثل, الطريق صعب.

[M.Mosaad]

خلي بالك من نفسك و اوعي القرش

[rzeiny]

تروح وترجع بالسلامة وماتنساش تعمل تقرير باداء العربية .

[mohamed_rhem]

حضرتك انت اللى مش عايز حاجة من شرم الشيخ هههههههههههههههههه
حضرتك قاعد قد اية ؟ وفين؟
هنشوفك

ميدو حبيبي انا مدخلتش علي النت من هناك حصل شويه لخبطه
انا كنت قاعد في فندق جراند روتانا في خليج القرش في طريق السلام عند قاعة المؤتمرات

على فكرة أنا بفكر برده أطلع بالسيريون شرم بس خايف من الطريق.

.

امال لو عرفت اني روحت ورحعت وروحت ورحعت 4 مرات ده انا بقيت حافظ الطريق
تروح وترجع بالسلامة يا مستر محمد
الله يسلمك يا باشا

هوة دة اللى علمتهولك يامارتن
شيل كلمة خايف دية من دماغك
قول انك مرعووب

مرعوب من ايه ده اسهل من اسهل طريق ومش عايز تركيز خااااااااااااااالص

أنا مش همثل, الطريق صعب.

صعب بس علشان الحاجز النفسي مش اكتر
الطريق فرده واحده اغلبه بعد السويس ومفيش تركيز في مرايا ولا غيره
انت ثابت في حارتك ومتركزش في النور بتاع اللي جاي
وخلي بالك في المنحنيات الخطرة بيبقوا كاتبين قبلها ومتزودش عن 120 في منحنيات لازم تتاخد علي 60

خلي بالك من نفسك و اوعي القرش

مش شفت صور ليه وهما فاتحين بطنه ومطلعين ايد ورجل من جواه
عموما مفيش نزول الميه
انا نزلت حمام السباحه والجاكوزي والساونا وعملت spa

تروح وترجع بالسلامة وماتنساش تعمل تقرير باداء العربية .

انا اتحركت الساعة 1 ظهرا من مكرم عبيد وصلت علي 6:45

بدون توقف طبعا

لظروف طارئه كان لازم ارجع مصر علشان اكون موجود الصبح الساعه 8 صباحا

اتحركت الساعة 2 من شرم كنت قبل 8 في المكان اللي المفروض اروحه في الجيزة

خلصت مشاويري وريحت حوالي ساعة ونص

وكنت مصر اني لازم اقضي الاجازة بأي ثمن

اتحركت الساعة 6 ومونت من بنزينة وطنيه اللي قرب كوبري الجيش طريق السويس

ورجعت شرم برضه بدون توقف

وصلت شرم علي 12:25 ونمت وصحيت من 8:00

وقضيت يوم من اجمل ايام حياتي

وطبعا علي الساعة 4:30 روحت اكل سمك عند مطعم فارس الجديد امام بوابه المريكاتو

اللي يروح شرم لازم يجرب سي فود شوربه مخليه عنده بحد ولا السلطات اوبن بوفيه

اتحركت علي 5:30 وكنت خلاص هلكان الاكل كتم علي نفسي وكنت عايز انااااااااااااام

قولت اصبر لطور سيناء اهي كلها 100 كم

واريح في بنزينه وطنيه

اصعب 100 كم باقي 80 كم

مش قادر اصبر باقي 50 كم ياربي انا فاضلي 450 كم

المهم رحت مرجع الكرسي 3 تكات ومريح

ولما وصلت البنزينه لاقتني مفوق

قولت اكمل ممكن لراس سدر مين عارف

فضلت ماشي لحد راس سدر اقول مش جايلي نوم خصوصا انا لوحدي مفيش حد اكلمه

ووصلت للسويس

روحت فارد الكرسي والطريق بقي فردتين وهاتك يا 140 150

ووصلت بالسلامه الحمد لله

ده كانت رحلتي لشرم

[slim_shika]

إيه الجمال :)
ربنا يباركلك يا محمد.


ملحوظة:
كل ده بسيريون 1000 سي سي.

[mohamed_rhem]

إيه الجمال :)
ربنا يباركلك يا محمد.


ملحوظة:
كل ده بسيريون 1000 سي سي.

الله يخليك يا مارتن

ده انا بحسس عليها وللعلم الطريق المفتوح بيريح العربية

طول ال 2000 كم ماشي 100

ربنا يمسيكي بالخير يا شاريد كنت فاحتها

[slim_shika]

الشاريد كانت حمالة اسيه هههههه

أنا كنت متابع الموضوع بتاع ال1000 كيلو بتاع الشاريد ;)

عربية محترمة.

[mohamed_rhem]

الشاريد كانت حمالة اسيه هههههه

أنا كنت متابع الموضوع بتاع ال1000 كيلو بتاع الشاريد ;)

عربية محترمة.

اه لما روحت من الهضيه لبيت القرش وبعدين الهضبه وبعدين بيت القرش وبعدين الرويسات وبعدين اكتشف اني نسيت الرخصه عند الكمين اللي في طور سيناء

ده انا كنت بروح بيها الصعيد

ومكنتش بقف الا علشان احط بنزين

وكانت بتمشي ببنزين 80 وزي الفل

يلا بقه حنعمل ايه مهو اخويا الصغير اللي اخدها مش حد غريب

وبرضه مطلع عينها كل يوم في اكتوبر ابني بيتك بيدخل بيها الصحراء

وعلي طول سفر وخلافه وبيركبها هو وشريكه في الشغل واحيانا زوجته وطبعا اي حد بيحتاجها بيدهاله

يعني مثلا عايز اروح مشوار والطريق مش متسفلت باخدها

كده يعني