دايهاتسو ابلوز !!!

[Tarek_Swelm]

سلام عليكم علي احلي شباب
انا ادامي دايهاتسو ابلوز اتوماتيك موديل 90 و الموتور 1600cc
و صاحبها طالب فيها 29 الف و حالتها برة كويسة جدا بس لسة مبصتشي علي الموتور و الشاسية حالتهم اية
انا قلت اسالكم الاول عن العربية دي و اذا فية حد معاة زيها و اخبار قطع الغيار اية .
شكرا يا شباب

[eng_maged]

انا صراحه معرفش حاجه عنها - هي شبه الشاريد السيدان اوي - ياريت تسأل صاحبها ان كان قطع غيارها هي نفس قطع غيار الشاريد ولا لا

مش هي ده صورتها برضه

[amramr]

نفس العربيه مع واحد صاحبي هنا في الخليج
بس اللي معاه موديل 94 اوتوماتيك العربيه قويه وتكيفها ممتاز. من شهر راح غير شويه حاجات في العفشه بس اضطر يشتري قطع الغيار من الوكاله لانه لم يجدها بره ولما عملنا مقارنه كانت الاسعار تقريبا زي قطع غيار التويوتا. معرفش بالنسبه لقطع غيارها في مصر اكيد ممكن احد من الاخوان في المنتدي يفيدوك

[shaltot]

أخي الفاضل العربية الأبلوز عربية جميلة جدا زقطع غيارها موجودة جديدة وموجدة استيراد عند ناس كتير في الحرفيين والوكالة
وأنا عن نفسي بسميها وحش الدايهاتسو

[mohamed_rhem]

اشتريتها ولا لسه!!

[احمد فهمى]

من اقوى المواتير وعربيه محترمه جدا ولو حالتها كويسه متسبهاش

[mohamed_rhem]

هو فين صاحب الموضوع

[Tarek_Swelm]

هو فين صاحب الموضوع

اسف يا باشا اني مارديتش الفترة دي بس اصلي يئست ان حد يرد عليا بخصوص العربية دي اصلا
لأن مافيش حد يعرفها خالص
بس هيا لسة معروضة عليا و ادامي برضة شاريد سيدان مانيوال 91
انهي الاحسن من حيث الكفائة و سعر و توافر قطع الغيار بافتراض ان حالتهم واحدة مع العلم اني من الاسكندرية مش القاهرة .
الف شكر يا شباب

[mohamed_rhem]

يبقي شاريد سيدان دون تفكير

شكلك غاوي ديهاتسو زي حالاتي

ههههههههههههههههههههههه

[Tarek_Swelm]

الديهاتسو عربية جميلة جدا بس اللي مخوفني منها قطع غيارها لأنها مش منتشرة اوي في مصر
يا تري عفشة الديهاتسو كانت عاملة معاك اية في طرق مصر المحروسة اللي كلها نقر و مطبات
انا شايف ان العربية واطية شوية علي الارض .