استفسارات عن التيريوس 4*4

[اوان الورد]

السلام عليكم منتداي الحبيب
عندي سؤال مهم جدا بالنسبة لي عن سيارتي التيريوس 4*4 اتوماتيك فول اوبشنز glx - موديل 2008
1- معدل استهلاك الوقود عندي من ساعة ما جبتها عمره ما نزل عن 11 لتر/100كم داخل البلد و حاليا 13.4 لتر/100كم داخل البلد مع اني لا استخدم التكييف الا نادرا العربية عاملة 4700 كم فقط منهم 2000 كم مشوارين لشرم الشيخ حتى الان لأني اساسا مش بستخدمها كتير فهل استهلاك البنزين ده طبيعي؟؟
2- كيف افصل الدفع الرباعي عن السيارة وانا داخل البلد لتقليل استهلاك البنزين؟؟ هل الزر المرسوم عليه اربع عجلات وبينور في التابلوه لما ادوس عليه هل المفروض يكون منور في التابلوه لو عايزة افصل الدفع الرباعي ولا مطفي ؟؟ بمعنى اخر هل الوضع المفصول فيه الدفع الرباعي معناه ان الزرار يكون منور ولا مطفي في التابلوه عندي؟؟ انا بسأل السؤال ده علشان لما بيكون منور في التابلوه بيكون عليه علامة كروس بين الاربع عجلات فمش فاهمة هل معنى انه منور في التابلوه معناه ان الدفع الرباعي كدة مفصول؟؟ ولا العكس؟؟ ارجو التوضيح

[askoda]

The 4w. wheels lamp should be off when normal usage and on when needed to use 4 x 4 .

The x sign between the 4 wheels in the lamp means 4 X 4

[اوان الورد]

شكرا askoda على المشاركة بالرد
لازلت في انتظار ملاك التيريوس لإعطاء خبراتهم وخاصة للنقطة الخاصة باستهلاك البنزين
مع الشكر

[hussein]

بصى هو استهلاك مش طبيعى بالمره انا عربيتى استهلاكها 8.5 الى 9 لتر فى ال 100 كم
يعنى اللتر بيعمل معايا 11.5 كم

[اوان الورد]

بصى هو استهلاك مش طبيعى بالمره انا عربيتى استهلاكها 8.5 الى 9 لتر فى ال 100 كم
يعنى اللتر بيعمل معايا 11.5 كم

شكراا على اهتمام حضرتك بالرد
طب هل عربيتك اوتوماتيك 4*4 بردوا؟؟
ولو ايوة
طيب تعتقد حضرتك اعمل ايه مع العلم اني لسة راجعة من صيانة التوكيل ال 5000 والمهندس كان لسة جديد ومعرفش يرد على سؤالي وقاللي انه استهلاك طبيعي :(

[MohssenRashed]

الاستهلاك كدة طبيعي انا عندي بيبقى على طول بين 10.9 و 11.

وزي ما الاخوه الاعضاء قالوا و لمبة 4 * 4 مطفية تبقى كدة مفصولة.

[اوان الورد]

الاستهلاك كدة طبيعي انا عندي بيبقى على طول بين 10.9 و 11.

وزي ما الاخوه الاعضاء قالوا و لمبة 4 * 4 مطفية تبقى كدة مفصولة.

يبقى كدة حضرتك تقصد ان استهلاكي أنا اللي مش طبيعي أنا حاليا معدل الاستهلاك عندي 13.4 لتر/كم
تفتكر أعمل ايه ؟؟

[eng_maged]

يبقى كدة حضرتك تقصد ان استهلاكي أنا اللي مش طبيعي أنا حاليا معدل الاستهلاك عندي 13.4 لتر/كم
تفتكر أعمل ايه ؟؟

الاستهلاك الطبيعي للتيريوس حوال 10 الى 11 ولو انتي 13 فده برضه مش بعيد اوي وغالبا هيفرق بسبب اختلا اسلوب القياده
انا شايف ان ده ممكن يكون طبيعي خصوصا لو بتسوقس في مكان في مطبات كتير وبسرعات قليله

لكن لو على الطريق السريع هتلاقي الاستهلاك اقل كتير

[Imhotep]

انا معايا تيريوس 4*4 اوتو موديل 2009..... استهلاك البنزين عندى من 8.5-9 (8.5 طوالى و 9 جوه البلد) مع ملاحظة ان البنزين اللى بيبقى من بنزينة نظيفة بيبقى المعدل بتاعه احسن من البنزينات التانية لان المعدل ساعتها بيزيد و بيبقى من 10-11 فياريت يتم تغيير البنزينة المعتاد التفويل منها الى موبيل او امارات او وطنية
بالنسبة لزرار ال 4*4 لازم يكون مطفى بمعنى ميكونش منور فى التابلوه

[Mostafa_Sherif]

بالنسبة لزرار ال 4x4 ده بيعمل توزيع 50 - 50 % من العزم على الأكس المامي و الخلفي ( يتم استخدامه في حالات الغرز و الصحراء ).
التريوس في العادي بتبقى 4x4 طول الوقت و توزيع العزم حسب مقاومة الطريق .

[Imhotep]

بالنسبة لزرار ال 4x4 ده بيعمل توزيع 50 - 50 % من العزم على الأكس المامي و الخلفي ( يتم استخدامه في حالات الغرز و الصحراء ).
التريوس في العادي بتبقى 4x4 طول الوقت و توزيع العزم حسب مقاومة الطريق .

تمام الكلام..... التيريوس فى العادى full-time AWD

[اوان الورد]

شكرا لردودكم أهل الخبرة جميعا
اليوم وصلت لمعدل استهلاك 13.6 لتر/100كم يعني الاستهلاك زاد
انا صحيح طريقي بيبقى زحمة وفيه 3 اشارات غالبا بيبقوا زحمة ونمشي زحف بس طب ما كل الناس اللي في مصر كدة اما موضوع نوعية السواقة فانا اصلا مليش في الفحيط ولا الغرز وبحاول اخفف رجلي على دواسة البنزين بس مش ملاحظة فرق الفرق الوحيد اللي لاحظته ان بقيت بطييييييييييئة وسرعتي لا تتجاوز ال 50-60 كم :)
سؤال اخير افهم من كدة انني طول الوقت 4*4 ؟؟ اصلي كنت فاكرة انه احتياري :)
معلش اعذروني دوختكم معايا اصلي بجد مش لاقية حد يفهمني الاسئلة دي وان بدت للجميع انها اولية وتافهة بس بالنسبة لي والله معرفهاش :)
شكرا على سعة صدركم ليا

[د.محمود صلاح]

التيريوس استهلاكها اعلى من السيارات الاخرى بنفس الفئة لعدة اسباب

اوتوماتيك
كاوتش عريض = احتكاك زيادة بالأرض - اتأكدي من ضغط الإطارات -
ارتفاع عن الارض = مقاومة هواء أكثر
دفع رباعي كارونة و2 كوبلن أمامي

الكارونة في التيريوس تعمل بنظام اسمه الدفع التفاضلي differential lock
فيديو توضيحي رائع يفسر جميع التساؤلات



ولتشغيل ال lock لابد من ان تكون السيارة متوقفة كما في الفيديو

[د.محمود صلاح]

الفيديو مرة اخرى حيث أجد مشاكل بالرفع

YouTube - diff locker ط§ظ„ط¯ظپ ظ„ظˆظƒ

[albasha37]

انا عندي نفس السيارة شاريها من دبي مكان اقامتي
بالنسبة لاستهلاك الوقود بتاعك عادي جدا هو ده الطبيعي
بالنسبة للفورويل التريوس كلام اكيد هي 4*4 طول الوقت حتى سرعة 80 كيلو بيفصل لوحدة يعني اذا السرعة اقل من 80 بيكون السيارة شغالة فور ويل وده بتحسه من قوة عزم السيارة عندما تسير على سرعة اقل من 80 وبعد ال 80 بيفصل اما الزر اللي انت بتقولي عليه فدهخ عمله غير مالهوش علاقة بالفورويل ده بيعمل على توزيع قوة الموتور على العجيلة اللي بتغرز او لما يكون فيه خلل اثناء السير في الأرض المبللة او في اثناء الغرز في الرمال
الكلام ده كلام التوكيل هنا في الامارات وخذ كلامي ثقة وانت معاك احلى واقوى سيارة مممكن تشتريها بهذا السعر وبهذة الامكانيات لدرجة اني باشعر انها صممت خصيصا لشوارع مصر وشكرا لكم ومبروك لكل من اقتنى هذه الرائعة