كيف تعرف ان تيل الفرامل يحتاج لتغير حقيقي

[mohamed_rhem]

مبدأ

طبعا التيل والكاوتشوك ملهمش دعوه من قريب ولا من بعيد بعدد معين من الكيلو متر المقطوع

بيخضع التيل والكاوتشوك لحسابات اخري

مثلا طبيعه الارض و توعها والسرعة والتحميل والتعرض لفرامل مفجأة الخ

المعروف ان في السيارات الحديثة يوجد سنسور قبل ما يخلص التيل ينور وطبعا بيكون في متسع من الوقت انك

تغير مش بمجرد انك تشوف التحزير تروح مغير

ويوجد في بعض الانواع نحاس طبعا بيعمل صوت صفارة لما بيكون التيل قرب الانتهاء

طبعا احنا مش من النوع المتقدم ده

موظفي الاستقبال معنهمش اي فكرة

وطبعا اعتمادك علي الفني انه يقولك التيل قرب يخلص ده مسأله نسبية ترجعله هو في المقام الاول وترجع

لسياسة بعض التوكيلات

علي سبيل المثال توكيل اسكودا بيقولولنا غيرو التيل من اوا 40 الف والعربيه مشيت بيه لحد 70 الف !!!

وكان كل 10.000 يقولو التيل محتاج يتغير

نفس السناريو مع نوبيرا لا اكثر ولا اقل مانيوال اتغير عند ال 70 الف

انا بتكلم عن التيل الامامي

اذن لازم يكون في حاجه نقدر نعرف بيها فعلا احنا محتاجين نغير التيل وامتي

لان لو مشينا عليه لو خلص خالص حيبوظ الطنابير

ده موضوع مفتوح للنقاش اليوم

[Haitham10]

اعتقد مع كل تربيط عفشه لازم تفك التيل تشوفه وتحسس علي الطنابير تتأكد من جودتها ونعومتها لسه متساوية ام لا

ودة اجراء انا بنصح بيه اي حد سواء عربيه جديدة او مستعمله

وطبعا التوكيلات عايزة تبيع اعرف واحد صاحبي معاه باسات بيغير كل 10 الالاف تيل خلفي بمبلغ محترم اويييييي واعتقد كلامك ينطبق عليه زي السكودا

[shooter123]

خد من هيثم الكلام ثقة

[slim_shika]

مش لما التيل بيتفك بيبقى باين هو فيه اد إيه؟

[yoko]

وهو جوه الكاليبر بيبان!!!

[mohamed_rhem]

ايون بيبقي باين جوه الدشمة

اللي ورا بيتفك الطمبورة علشان يتعرف

وممكن تعرفها من غير ما يتفك من عدد تكتكات فرامل اليد بتلاقيها زادت

وطبعا نقصان في خزانة الزيت

بس مش هو ده برضه اللي اقصده

حد عنده تصورات تانيه

[أبو عبدالله]

للأسف بما اننا دائما مميزين في مصر في كل وشتى المجالات
فأكيد للتيل في مصر رؤية اخرى عن باقي بلدان العالم
التيل في مصر له حكايات كثيرة
التيل في مصر لا يعتمد على وقت زمني او عدد كم محدد
لأن التيل في مصر ممكن يبوظ من التراب والرمل اللي مالي البلد في اي مكان هتركن فيه العربيه ويا سلام لو كان نصيبك في عربيه بجنوط زي حالاتي
التيل في مصر بيتأثر بغسيل العربيه لأنه بيمتص الميه وبعد فتره بيحجر بسببها لأن التيل عامل زي الأسفنجة شديدة الضغط

فبالتالي التيل عمره الأفتراضي معتمد اعتماد اساسي على انه يحجر وده بتعرفه من صوته ساعة ضرب الفرامل لما تلاقي الفرامل بتزييق
بس ده مش من اول مره او تاني مره لن ممكن يتسنفر ويشتغل عادي تاني ولكن لما يعدي عليه وقت كبير او تسنفره وتلاقيه بيعمل كده تاني عالطول

انا عموما عمري ما غيرت التيل علشان نقص او خلص وانما كل التيل اللي غيرته كان علشان نشف وحجر

وانا متعود كل فتره بفكه واسنفره خصوصا بعد غسيل العربيه
ويفضل لو تقدر انك تحط كيس على الطنابير والعربيه بتتغسل هيكون افضل

[eng_maged]

التيل لو قرب يخلص ممكن تفضل ماشي بيه فترات طويله جدا من غير ما تحس بمشكله
المشكله هتبان معاك في الفرمله المتكرره على السرعات العاليه
يعني مثلا لو التيل على النص بس عمرك ما هتحس باي مشاكل الا لو فرملت كذا مره ورا بعض على سرعات عاليه اوي ولفترات طويله

ده معناه انه برضه بيرجع لنوعيه السواقه

[Haitham10]

التيل له كذه طريقه ياجماعة تتعرف وسهله احنا بس بنبسط مع شرح الموضوع الي فوق لغيرنا الي ميعرفش أ ب وعمل بحث ولقي الموضوع

[HAMZAWY]

انا برضو ناس كتير قالتلى ان لما التيل يخلص حتسمع صوت صفارة بس انا مش مقتنع اوى
بس انا دلوقتى لما اجى افرمل بحس ان دواسة الفرامل بتتحرك مسافة كبيرة لغاية ما الفرامل تمسك العجل بيتهيالى ممكن ده يكون بسبب ان التيل خلص وبرضو الفرامل نفسها بتاخد مسافة لغاية ما تحك فى الطنبورة
مش عارف انا كده معتقد صح ولا ده من حاجة تانية؟؟؟

[MOUSTAFA_SAAD]

متابع

[mohamed_rhem]

الموضوع لسه فيه كلام كبير

انا مستني بس حد يحط ايده علي اللي انا عايزه

انما لو عايزين حل الفزورة حقوله وامري لله

[horas3000]

متابع و بشده
حكم انا التيل عندي تعويرته جامده

[slim_shika]

هي طلعت فزورة :)

[dr.hazem]

قل سمك مسموح بيه للتيل هوا 3 ملليمتر ده للامامي
بعدها لازم يتغير لجنب اي اضرار
ومتابعة زيت الفرامل من الامور الواجب عملها اول بأول

YouTube - Checking Disc Brake Pad Thickness

تحياتي