الى خبراء التريوس

[mada6680]

انا يا جماعة معايا تريوس 2009 glx وبعدين جيت مرة فدوست على زرار 4*4 فى التبلوه وبعدين لاقيت العربية بقت تقيلة جدا وفى الملفات العربية بتنتش منى

انا عايز اعرف الزرار دة لما يكون مطفى معناه ان العربية مش 4*4 ؟
طيب لو الزرار ده بيفصل ال4*4 المفروض ان العربية تبقى نعمة شوية



ممكن حد من مستخدمى التريوس يوضحلى ايه الموضوع ده

[osama_alam]

اللي اعرفه ان التيريوس 4*4 طول الوقت يعني الماتور شغال على الاربع عجلات طول الوقت. بس انا ليه صديق كان معاه نيسان جيب وكان عنده زرار او فتيس حاجة زي كده بتعمل اللي حصل معاك وبتشغل 4*4

المفروض ان اللي حصل معاك ده يدي عزم جامد للعربية لو غرزه لأنهبيخلي محور دوران الربع عجلات كله واحد فتقدر تطلع من الرمل بسهولة

[mada6680]

لا الى بيحصل انى اول ما بضغط على الزرار ده والمبة بتنور فى التبلوه بحس ان العربية تقيلة جدا وحتى فى الملفات العادية الى فى الشارع الى الواحد بيخدها على التانى بلاقى العربية بتنتش جدة وتقيلة مش سلسلة كدة زى لما تمشة وانت طافى الزرار دة

[Mostafa_Sherif]

زرار ال 4x4 بيخلي العزم موزع 50/50 بين المحور الامامي و الخلفي ... و ده بيخلي العربية تقيلة عشان مش بيسمح بتوزيع العزم حسب حالة الطريق و نوع الاستخدام ,, حيث ان الملفات تتطلب توزيع عزم متغير بين العجلات حتي لا يحدث احتكاك يؤدي لمثل هذا الثقل :) .

[د.محمود صلاح]

تحذير

الزر ده لا يستخدم الا في حالة والعربية متوقفة لتعشيق العمل بالأربع محاور للخروج من غرز او منطقة وعرة

واقصى سرعة له هو 40 كم / س

المصدر الكتالوج بتاع التيريوس حيث كنت مالك لها لمدة 10 ايام فقط موديل 2003