استفسار سريع عن دايهاتسو شارد 92 1000 سي سي

[momo100010]

الاخوة الكرام
انا بدور على عربية ولاقيت عالنت معروض عربية
دايهاتسو
شاريد
1000 سى سى1993 بحالة جيدة جداً
بطارية جافة فى الضمان
- صالون انيق
- باب واحد-
رخصة سنة -
كاوتش جديد
- الموتور بحالة جيدة جداً
- عدة صوت
السعر المطلوب
17000 ج
هل السعر دا كويس ولا عالى
بلا كماليات
اسعار قطع الغيار ايه؟
وسعر اعادة البيع ايه ظروفه؟
وهي فعلا 3 سلندر؟!!!!!!!!
وفي مشكلة ف 3 سلندر دي؟
يعني تستحمل مشاوير سفر وكده؟

[احمد فهمى]

سعر نطقى وموتورها جامد جدا انا عندى منها 4 باب اوتوماتيك ممتازه مع ان الأوتوماتيك المفروض اضعف من المانيوال فمتخفش من ال3 سليندر عادى جدا ومفيش استهلاك بنزين وبتمشى ببنزين 80 عادى وقطع الغيار رخيصه وفى اكتر من موضوع هنا واحد انا عاملو بعنوان المساعده شاريد 90 فى اسعار قطع الغيار والبياعيين واسعار وبالتوفيق انشاء الله

[shaltot]

سيارة ممتازة بس السيارة الكوبي تقيلة في البيع شوية

[momo100010]

العربية يا جماعة مغيرة لون بره
هل دا عادى
ولا ابعد عنها احسن؟
وبعدين حتة ال 3 سلندر دي بتحسسني انها ضعيفة جدا
اصل الماروتي برده 3 سلندر
ولما كنت ابقى راكب مع صحبي رايحين الشغل على طريق مصر / السويس
لما تيجي عربية نقل معدية كاننا هنطير
ويريت لو حد عارف هى كام هورس بور؟
وبعض اسعار قطع الغيار المتهالكة ؟
وهل ابعد عن العربية دى بالذات وادور على غيرها؟ ولا اتوكل على الله؟

[amr_elrashidy]

ممكن لو حالتها ممتازة اوى و دواخلها سليمة و بلونها الاصلى ترجعها لاصلها..متقلقش العربية دى اتقل من الماروتى بكتيييير و راسية على الارض

[shaltot]

العربية دي 43 حصان