ارجو المساعدة

[shree1979]

السلام عليكم و رحمة الله و بركاته
امامي سيارة ميرا موديل 98 و سعرها 26000 استعمال سيدة فهل هذا السعر مناسب لها و هل هي مناسبة كاستعمال عائلى
و هل حقيقة ان قطع غيار الميرا غير متوفرة و غالية جدا
ارجو الرد سريعا
جزاكم الله خيرا

[أبو عبدالله]

بص هيا المعلومات عنها مش كتير
ولكن الميرا هيا البرودا الكيليسا اللي بتباع الأن

وهيا بتباع جديده بــ 48 او 52 الف مش فاكر

اما عن قطع الغيار فهيا لا يقال عليها غاليه مقارنة بعمرها الأفتراضي

اما عن توافرها فمتهيالي موجوده عند بائعي قطع غيار دايهاتسو لأن العربيه دي لها سوق كويس في مصر الى حد ما

[amrosh]

بص هيا المعلومات عنها مش كتير
ولكن الميرا هيا البرودا الكيليسا اللي بتباع الأن

وهيا بتباع جديده بــ 48 او 52 الف مش فاكر

اما عن قطع الغيار فهيا لا يقال عليها غاليه مقارنة بعمرها الأفتراضي

اما عن توافرها فمتهيالي موجوده عند بائعي قطع غيار دايهاتسو لأن العربيه دي لها سوق كويس في مصر الى حد ما

السعر من موقع كونتاكت للبرودوا كليسيا مانيوال 51000

[عزيز محمد]

السلام عليكم ورحمة الله وبركاته

أمتلك سيارة من نفس موديل وسنة الصنع للسيارة موضوع السؤال، وتقييمى لها كالتالى:

1 - السعر: يا ريت ينفع يقل عن 25 ألف كما أنه مرتبط بحالة السيارة، ولاحظ إن مصاريف تسجيل العقد فى الشهر العقارى هتكون حوالى 700 جنيه

2- الاستعمال: الحمد لله السيارة ناعمة جدا، مريحة فى القيادة والمناورة ، تتيح حرية الحركة والركن فى الأماكن الضيقة والمزدحمة، موفرة فى الوقود،

3- المساحة الداخلية: ضيقة نوعا ما فى الكراسى الأمامية: (كل شوية أقول للى قاعد على الكرسى شوية لو سمحت عشان أعرف أنقل الغيار)، الكنبة الخلفية تتحمل اثنين مستريحين أو ثلاثة رفيعين، الشنطة مش بطالة. برضه كل واحد حسب ظروفه لكن بالنسبة لى فهى تلائم استخدامى العائلى.

4- قطع الغيار الداخلية: موجودة ومتوفرة لإن كل أجزاء المحرك - على حد علمى واحتياجى لتغييرها- هى نفس أجزاء البيردوا الكانشيل وليس الكليسا، وأسعارها متوسطة لاهى زى الفيات ولا زى الجديد الغالى، والحمد لله كفاءتها - إلى الآن- كويسة.

5- قطع الغيار الخارجية: اسوء عيوب الموديل ده ندرة قطع غياره الخارجية لإنه غير منتشر على عكس الموديلات السابقة (قبل 97) واللاحقة (2000 فما فوق) (تقريبا من ساعة ما اشتريتها العام الماضى لم أر منها سوى 10 سيارات فقط) ولهذا فالأجزاء الخارجية (الأبواب والأكصدام والفوانيس) مش موجودة غير عند 2 أو 3 فقط فى القاهرة وأسعارهم مش رخيصة (الفانوس الأمامى 150 والخلفى نفس السعر الإشارة 75 باب خلفى وشنطة واكصدام خلفى كلفونى 2000)


خيارات أخرى:

ميرا موديلات أوائل التسعينات: سعرها فى حدود 20-22 نفس قطع الغيار الداخلية لكن قطع الغيار الخارجية منتشرة وأكيد هتكون أرخص

الماروتى: موديلات أواخر التسعينات وأوائل القرن الحالى: نفس السعر - موديلات أحدث- قطع غيار أرخص

الكانشيل: موديل 98-2002: نفس السعر - قطع غيار منتشرة

حاجات تانية كتير بس فى فئات أكبر مش سيارات صغيرة

أى استفسار تحت أمر حضرتك

والسلام عليكم ورحمة الله وبركاته

[ranovech]

ana odamy MIRA 98 be 24500 gneh ,,,,,,,,, yatra hal el s3r da monasb ,,,, we r2yokom eh fe el 3rbya de ,, blnsba le shab fe kolit hndsa el 3ashr mn rmdan we sakn fe el harm ,,,,,,,,,,,,,, argo el mos3da mn 7drtkom ????