مشكلة علبة الدركسيون

[yasminace]

لكل الأعضاء أصحاب العربية السيريون و فيها عيب علبة الدركسيون لازم ناخد خطوة اجابية يا جماعة احنا مش دافعين قليل علشان نقعد من غير ما نعمل حاجة
أنا باقترح اننا نتجمع و نروح حماية المستهلك و نقدم شكوى جماعية في العربية يمكن نقدر نعمل أي حاجة
و حتى لو مقدرناش نعمل حاجة نبقا حسين اننا عملنا إلي علينا و مسكتناش على حقنا


أرجو الإفادة و الرد عليا و تحديد موعد و مكان لفرع من حماية المستهلك و لازم نجيب معانا الكتاب الأخضر بتاع الضمان لكل العربيات إلي لسة جوا الضمان



يا رب انصرنا و نقدر نجيب حقنا

[yasminace]

يا أعضاء دايهاتسو هو أنا الوحيدة إلي عند مشكلة في علبة الدركسيون ولا إيه؟؟ أرجوكم أفيدوني

[bmya]

لاء حضرتك مش الوحيده طبعا
بس المشكله دي قديمه جداا واتلكمنا فيها كتيييييييييير اوي وفي ناس غيرتها مرتين و تلاته ومفيش حل برده لان العيب مش فيها العيب في بلدنا الحلوه
انا مثلا عربيتي موديل 2008 وبمشي بها في جبال طريق زباله جدا والصوت موجود بس هو مجرد صوت بس الحمد مش مؤثر على اي حاجه تانيه
في ناس غيرت العلبه والصوت موجود برده وكمان بعد التغيير في مشاكل جديده ظهرت عشان كده انا عن نفسي كبرت دماغي ومروحتش غيرتها خالص والضمان هيخلص الشهر ده اصلا
لو حضرتك عاوزه تغيرها عادي بس الصوت هيرجع تاني

[yasminace]

هي المشكلة مش بس صوت الدركسيون كمان الدركسيون سايب جداً و خطر جداً دة بالنسبة لحالة عربيتي علشان كدة أنا عايزة الناس إلي عندها مشكلة نقدم شكوى كلنا علشان نقدر نقول إن دة عيب صناعة و بعدين أنا مش عايزة بس أغيرها أنا عايزة يدينا ضمان 5 سنين على العلبة لانهم عارفين ان العيب من عندهم و أنا مش كل شوية هغيرهة ب-3500 جنيه و بعدين دة حقنا و لزم نبطل نقبل أقل حاجة و نرضى بيها و نقول حلو على كدة

[bmya]

معلش بس ممكن تشرحي مشكلتك بالظبط
اصل يعني ايه ركسيون سايب جدا يعني بتحسي بايه

[أبو عبدالله]

أختي الفاضلة مشكلة علبة الدركسيون ليس لها اي علاقة بأن الدركسيون سايب
المشكلة عبارة عن صوت فقط لا اكتر ولا اقل
رجاء تراجعي على العفشة عندك وتربطيها بس ياريت في مكان او مركز محترم اذا مكنش الوكيل وان شاء الله مش هتلاقي اللي انتي بتقولي عليه ده
واي استفسار احنا كلنا موجودين في اي وقت ان شاء الله

[yasminace]

على فكرة أنا مش بصلح أي حاجة في العربية برة التوكيل أنا كل تعاملاتي مع التوكيل فقط و هو إلي قلي إن دي مشكلة علبة دركسيون و غيرهالي علشان أنا جوا الضمان و فعلاً الدركسيون الآن ثابت لكن أنا مغيره من شهر و رحت بها التوكيل من يومين و قالي إن العلبة فعلاً بدأت تبوظ بس استني لم تبوظ خالص و احنا نغيرهالك مع العلم اني هخرج من الضمان الشهر دة

[bmya]

معلش ممكن بس حضرتك تفهمينا تقصدي ايه بمش ثابت
يعني ال\ركسيون بيروح يمين وشمال مثلا ولا بيتهز او بيترعش وعلى اي سرعه ولا سرعات عاليه
وعموما طالما حضرتك غيرتيها قبل كده وباظت تاني يبقى هي ملهاش حل اصلا لان العيب مش فيها العيب في الطرق بتاعتنا الحل الوحيد انهم يلغو الباور الكهربه خالص وينزلو باور زيت والصوت غالبا هيختفي

[أبو عبدالله]

فعلا زي ما شريف قال بالظبط
عموما مادام انتي ثبتي في اوامر الشغل المشكلة قبل ما الضمان يخلص فلك الحق حته بعد الضمان انهم يجبولك واحده جديده مادام المشكلة مثبوتة قيل الخروج من الضمان

[rockana]

السلام عليكم جميعا

لو المشكله فى الطرق عندنا مش فى علبه الدركسيون اكيد اكيد اكيد التوكيل ماكانش هايكلف نفسه و يغيرها للعملاء وكلنا عارفين من هو التوكيل
سؤال ظريف ...
لما العربيه تخرج من الضمان .. هاعمل ايه لو الصوت ظهر تاني ؟؟

[mohamed_rhem]

السلام عليكم جميعا

لو المشكله فى الطرق عندنا مش فى علبه الدركسيون اكيد اكيد اكيد التوكيل ماكانش هايكلف نفسه و يغيرها للعملاء وكلنا عارفين من هو التوكيل
سؤال ظريف ...
لما العربيه تخرج من الضمان .. [gdwl]هاعمل ايه لو الصوت ظهر تاني[/gdwl] ؟؟

1- حتكبر دماغك وتتعايش مع الصوت
2-تجيب قطن طبي مخصوص للضوضاء متواجد في الصيدليات
3-تعلي الكاسيت
4-تبيع العربية

نتكلم جد شويه

احنا فعلا لازم التوكيل يغيرها بعد الضمان للعربيات اللي باعهلنا

[bmya]

طيب انا لقيت حاجه رخمه اوي انهارده انا بقالي كبتييييير مش بسافر بالعربيه ولا بمشي بها اكتر من 40 انهارده كنت على الطريق ماشي بلا هدف قلت امشي بسرعه شويه العربيه مكتومه جدا بس مش دي المشكله
المشكله اني اكتشفت رعشه من اول 100 رعشه في الدركسيون
طبعا الوساواس القهري اشتغل وقلت العلبه هل ده من العلبه ولا ايه :))

[askoda]

No ya Sherif
I believe this is Tarsees for the Tyres

[mohamed_rhem]

no ya sherif
i believe this is tarsees for the tyres

زي ما قال اسكودا

ده في الغالب ترصيص العجل الامامي طالما الرعشة قبل 120 كم

طيب ايه اللي تعمله

ببساطه روح اقرب مركز بردجستون او مركز معتمد وراجع ضغط الهواء

ثم مراجعه ترصيص ال 4 عجلات بالمرة مش 2 اللي قدام بس

ولو بقالك 40 الف مظبطش زوايا يستحسن تعيد ظبطها بالمرة خصوصا لو الدركسيون في الطوالي بيحدف

او وانت بتاخد ملف بسرعة العجل بيصرخ

تحياتي للجميع

[أبو عبدالله]

شريف زي ما قتال الرجالة ده ترصيص
والله يا جدعان العلبة ما بتعمل اي رعشه ولا حدفه ولا اي حاجه من دول غير صوت في الحتت المكسرة وغالبا مع كسرة الدركسيون بتظهر قوي