مشكلة علبة الدركسيون

[yasminace]

أخر الأخبار : أنا إن شاء الله رايحة الخميس للتوكيل علشان نمشي في خطوات الشكوى و هنشوف موضوع الضمان على علبة الدركسيون و إن شاء الله يكون بفايدة


حماية المستهلك كلموني علشان يعرفو التوكيل كلمني ولا لأ و قالولي لو عدد من اللي عندهم مشكلة و جوا الضمان عملو شكوى ممكن نعمل حفظ حق لكل العربيات اللي فيها العيب ده إن يتصلح كل ما يظهر أو انهم يخدو العربية و يدونا فلوسنا
أنا خرجت بره الضمان من أيام و مقدمة الشكوى قبل ما أخرج من الضمان ب ٥ أيام فلو كلنا عملنا شكوى اللي جوا الضمان و برة الضمان هنعرف نعمل حاجة إن شاء الله
و إن شاء الله لما أروح يوم الخميس هبلغكم بالأخبار

[mohamed_rhem]

أنا معرفش أكيد المشكلة من إيه بس أكيد المهندس إلي هناك بيفهم بردو
أنا عندي عربية تانية و مهما العفشة كنت عايزة تربيط الدركسيون مش بيكون خفيف كدة ، حضرتك مش متخيل بيكون خفيف ازاي
و أنا عايزة كل اللي عنده مشكلة يعمل شكوى علشان تتحل إن شاء الله ، أنا الأستاذ وليد من دايهاتسو كلمني النهاردة و طلب مني أروح بالعربية التوكيل بكرة إن شاء الله بس إحتمال أخليها يوم السبت و برد أي جديد هبلغكو بيه


و رجاء كل اللي عنده مشكلة حتى لو صغيرة يقدم شكوى علشان نقدر كلنا ناخد حقنا

الاخت الفاضلة

بعد محادثاتي مع ديهاتسو مصر بخصوص سيارتك ومشكلة علبة الدركسيون بشكل خاص

ووجود شكوي بصفة عامه من مشاكل علبة الدركسيون

افادونا بالاتي

تم تغيير علبة الدركسيون لسيارتك عدد 2 مرة فقط منهم مرة بسبب خبطه وتم تغيرها في الضمان

المرة اللي حضرتك بتشتكي منها ده بسبب تيل الفرامل وليس علبة الدركسيون

وبخصوص باقي العربيات اللي سوف ييظهر بها العيب بعد الضمان يجوز تغيرها بعد الضمان اذا ثبت وجود عيب صناعة بها وذلك بعد مراجعه مهندس الاستقبال والمدير المسئول

ولطمأنة العملاء القادمين علي الشراء عليهم بالرجوع الي مركز حماية المستهلك وخدمة عملاء ديهاتسو مصر

[yasminace]

لو حضرتك بتعمل دعاية لدايهاتسو فأرجوك إعملو في موضوع تاني مش في الموضوع دة ، أنا مش بفتري على حد ولا في عداوة بيني و بين دايهاتسو أنا وحدة عندي مشكلة و كنت بحاول أجيب حقي و حق الناس اللي عندهم مشاكل


حضرتك أنا معايا التقرير من التوكيل بكل الحاجات اللي اتغيرت في عربيتي من وقت شرائها و أنا محدش جابلي سيرة تيل الفرامل ده من ساعة ما اشتريت العربية و لا حتى احتجت أغيرو على حسب بردو ما التوكيل كان بيكشف على العربية و بردو معايا التقرير ولا مرة غيرت تيل فرامل علشان مشكلة ولا الكلام الفارغ ده و المهندس كلمني و قلي الكلام اللي حضرتك بتقولو ده و أنا رديت عليه إن أنا معايا التقرير ده


و بخصوص تغييرها حتى بعد الضمان أنا المهندس اللي بتقول عليه ده قلي إن دي بتكون حاجات exeptional بيتوافق عليها من اليابان مش علشان ده حقك يعني فلو الكلام دة اتغير في الوقت الحالي هيكون علشان الشكوى و الخوف على السمعة و عامةً لو دة فعلاً هيحصل فأنا مش طالبة أكتر من كدة بس من حقنا اننا ناخد ورقة تضمن حقنا بالكلام ده و بيتهيئلي لو هما صادقين في كلامهم مش هيكون عندهم مانع


و موضوع عدد تغييرها دة مش مهم خالص عندي يقولك أنا غيرتها كام مرة و مش ده مضمون شكوتي ، أنا مضمون شكوتي إن في عيب في العربية و المهندسين في التوكيل معترفين إن في عيب في عربيات في علبة الدركسيون و طالبين مننا اننا نصلحها على حسابنا بعد الضمان


فالكلام اللي حضرتك داخل تقولو ده مش مهم ليا تماماً و واضح انك مش واحد عندك مشكلة واضح جداً انك داخل تعمل دعاية ليهم و أنا اسفة أنا مش هاسكت على حقي في ورقة حفظ الحق

[mohamed_rhem]

الاخوة الزملاء

علي مدار 4 سنوات وانا هنا في قسم الديهاتسو

انا معلق مشاركاتي في المنتدي لحين الرد من باقي الزملاء الذين يعرفونني جيدا

فأنا اول من نادي بأنشاء ساحه مخصصه لمحلات قطع الغيار وساهمت فيها

وانا اول من نادي ببدائل للتوكيل

وانا من اول من نادي بأيجاد حل دائم لعلبة الدركسيون

انا ان اشارك لحين رد باقي الزملاء

وانا علي ثقه ان الله سوف يظهر الحق علي السنتهم

[yasminace]

و أنا مليش أي مصلحة من اني أعمل مشكلة مش حقيقية أو اني افتري على حد
كون التوكيل قلك الكلام ده فأكيد علشان أنا عملة مشكلة و علشان المشكلة متكبرش مايكونش رد حضرتك فوراً بتكذيبي و لو حضرتك تحب أبعتلك ال-history بتاع عربيتي معنديش مانع أنا بس عايزة حاجة تضمن حقي مش أكتر من كدة

[medo_sirion]

استاذ محمد نحن نعلم بحضرتك من زمان طبعا ومحدش يقدر يكذب كلامك مطلقا وغير كدة مكنش لية لازمة حضرتك تكتب عن نفسك كدة لانك من الناس المحترمة النادرة ونحن هنا لمصلحة بعض اولا لاننا اخوة فى الله

بس لاحترامى مع حضرتك التوكيل دة كلامة كاذب وانا متاكد من كدة هوة علشان يبراء نفسة يجى يكذب كلام الاخت لا عيب علشان هية مسابتش حقها وراحت عملت شكوى يجى يقول اصلها خبطة اصلها تيل فرامل اظن اتوقع من حضرتك انك كنت فى ساعتها تكذبهم او تنتظر دليل الاخت

انا كمثل للاحداث علبة الدريكسيون انا مغير 5 علب نعم 5 علب وحضرتك عارف كدة كان حد يقدر يجى يقولى اصل خبطت العلبة او انت ماشيك بتمشى فى شوارع مكسرة او غير ذلك لا محدش قدر لان دة عيب صناعة واضح وواضح اكثر فى السيارات الجديدة فكانوا بيغيروا فورا لانى كنت فى الضمان

المشكلة هنا والشكوى كانت ماذا نفعل اذا تم حدوث عيب مرة اخرى غى علبة الدريكسيون وانت برة الضمان فقط لاغير دية كانت المشكلة
بس بامانة انا اصدق الاخت المقدمة الشكوى ومصدقش التوكيل لانها بدور عن حقها مش بتقولهم جبولى عربية تانى ؟؟؟؟؟؟

[mohamed_rhem]

استاذ محمد نحن نعلم بحضرتك من زمان طبعا ومحدش يقدر يكذب كلامك مطلقا وغير كدة مكنش لية لازمة حضرتك تكتب عن نفسك كدة لانك من الناس المحترمة النادرة [gdwl]ونحن هنا لمصلحة بعض اولا لاننا اخوة فى الله[/gdwl]

ربنا يبارك فيك يا ميدو احنا عارفين قد ايه احنا مصلحتنا واحده وقد ايه بنتقي ربنا في تعاملاتنا ومفيش اي حاجه بتفرق ما بينا افضل اصدقائي هنا جورج مكرم ومارتن وابوعبدالله وانت طبعا واسكودا والغائب الحاضر استاذ توفيق طه والدكتور معاذ الشرباصي وغيرهم كتير بس لما شفت الاخت ياسمين 38 مشاركه ولسه عضو جديد فبصراحه قولت اديها عزرها

وبعد التواصل مع الاستاذة ياسمين قررت اخد الخميس اجازة وان شاء الله اكون اول الموجودين بجانب الزملاء

بس لاحترامى مع حضرتك التوكيل دة كلامة كاذب وانا متاكد من كدة هوة علشان يبراء نفسة يجى يكذب كلام الاخت لا عيب علشان هية مسابتش حقها وراحت عملت شكوى يجى يقول اصلها خبطة اصلها تيل فرامل اظن اتوقع من حضرتك انك كنت فى ساعتها تكذبهم او تنتظر دليل الاخت

انا نقلت اللي اتقال بكل حيادية نقل المكالمة بحزافيرها لم اقصد اي شيء سوي نقل رأيهم

انا كمثل للاحداث علبة الدريكسيون انا مغير 5 علب نعم 5 علب وحضرتك عارف كدة كان حد يقدر يجى يقولى اصل خبطت العلبة او انت ماشيك بتمشى فى شوارع مكسرة او غير ذلك لا محدش قدر لان دة عيب صناعة واضح وواضح اكثر فى السيارات الجديدة فكانوا بيغيروا فورا لانى كنت فى الضمان

تمام عندك حق وانا متفق معاك ان ده بيحصل

المشكلة هنا والشكوى كانت ماذا نفعل اذا تم حدوث عيب مرة اخرى غى علبة الدريكسيون وانت برة الضمان فقط لاغير دية كانت المشكلة
بس بامانة انا اصدق الاخت المقدمة الشكوى ومصدقش التوكيل لانها بدور عن حقها مش بتقولهم جبولى عربية تانى ؟؟؟؟؟؟

احنا يوم الخميس حنكون موجودين هناك الساعة 11

[medo_sirion]

احنا يوم الخميس حنكون موجودين هناك الساعة 11

معلش ياستاذ محمد اخوك لسة طالع من تعب كدة هناك فين ؟؟؟؟

[yasminace]

التوكيل حدد معايا معاد يوم الخميس الساعة ١١ في أبو رواش علشان في مدير حاجة هناك حيقعد معايا و يكشف على العربية و نشوف حل للمشكلة و علشان ميكنش الحل فردي بس فاللي حابب يحضر اليوم دة أهلاً و سهلاً و يا رب نخرج بحاجة مفيدة

[mohamed_rhem]

معلش ياستاذ محمد اخوك لسة طالع من تعب كدة هناك فين ؟؟؟؟

ربنا يتم شفاك علي خير يا ميدو

ابعتلي رقم شاسية بتاع السيريون

التوكيل حدد معايا معاد يوم الخميس الساعة ١١ في أبو رواش علشان في مدير حاجة هناك حيقعد معايا و يكشف على العربية و نشوف حل للمشكلة و علشان ميكنش الحل فردي بس فاللي حابب يحضر اليوم دة أهلاً و سهلاً و يا رب نخرج بحاجة مفيدة

وانا ان شاء الله حكون حاضر نيابة عن اعضاء نايل موتورز

ياريت اللي عاوز نتكلم بأسمه يبعتلي رقم الشاسيه بتاعه واسمه ووسيلة اتصال به

[slim_shika]

محدثكم من امريكا امشى ياعميل

ماشي يا عم حزب الله

[medo_sirion]

دة كفايا يامعلم مارتن انك منور الصفحة مش اكتر

[yasminace]

حماية المستهلك كلموني النهاردة و قالولي إنهم قدرو يجيبولي ضمان سنة على علبة الدركسيون مع التجديد لو باظت في السنة دي

يا جماعة ده حل فردي أنا كان نفسي كلنا نعمل شكوى أكيد كانت النتيجة هتكون أحسن من النتيجة دي بكتير


أنا حاولت أعمل إلي عليا و هحاول تاني معاكو اننا كلنا نشتكي و نحاول كلنا نجيب حقنا أنا مش هبعت أرد اني موافقة أو لأ على الحل دة غير لما انتو تردو عليا و تقولولي أوافق ولا هتنضمو للشكوى إلي أنا عملها و نعرف نجب نتيجة أحسن من كدة