أنا خايف من السيريون

[Ahmed-Moustafa]

السلام عليكم ورحمة الله وبركاته
انا معجب جداً بالسيريون 2008 بس خايف من شوية حاجات فيها زى
1 - العفشة ( علشان مش باستحمل أقف كتير على المطبات )
2 - حوض الموتور صغير
3 - نظام العزل ( الشكوى منه واضحة على المنتدى )
4 - إعادة البيع من حيث السهولة و السعر
5 - بعض الكماليات غير متوفرة و أسعار تركيبها مثل الإنذار و الريموت

أتمنى من اخوانى فى الله من عندهم خبرة بالسيريون أن لا يبخلوا بالرد علشان ( أعتقد ) ان دى أكتر حاجات بتخوف الناس من العربية
أنا خايف إن Gen 2 تكسب فى الأخر و ماجبش السيريون :( أصلى بحب احس بقوة العربية و و ثباتها و صبرها على سوقتى :)

أخوكم أحمد مصطفى
مهندس برمجيات

[ara]

انا برضة كنت خايفة قبل ماجيب العربية بس انا مسيكت المنتدى ده و تقريبا قريته كله :) و الحمد لله بعد الإستخارة والسؤال توكلت على الله و اصبحت من رابطة مالكى السريون :)
اعتقد العفشة كويسة اوى... يعنى مقارنة بالفورد فيستا و الكورسا القديمة العربية الحمد لله ممتازة
حوض المتور فيه تصفيح كتير حسب الكتالوج وأقوال الزملاء
العزل (لسة الاخ ابو عبدالله مجاوب على النقطة ديه هنا http://www.nilemotors.net/Nile/showthread.php?t=22689 وفيه كنان تقيم من الأستاذ معاذ الشرباصى كويس اوى)
إعادة البيع أعتقد حضرتك هتحب العربية اوى و مش هاتبيعها :) ده غير ان سعرها بيزيد يعنى ممكن إعادة البيع تكون كويسة
الكماليات الأخ ابو عبدالله كاتب موضوع فيه الأسعار... و انا سألت على الإنذار ب 350 تقريبا و من عند الوكيل.

ربنا يكرم حضرتك وبالتوفيق
ده رد سريع و أكيد أبطال المنتدى ردودهم هتكون أدق كمان :)

[Ahmed-Moustafa]

جزاك الله خيراً على توضيحك ومنتظر ردود من عمالقة السيريون على النتدى مثل الأستاذ أبو عبد الله و الأستاذ معاذ
على العموم انا مابقتش قلقان من موضوع العزل و الكماليات بس لسه خايف من موضوع حوض الموتور و ثبات العربية وأتمنى تكون عفشتها زى ما حضرتك بتقولى (لأن المدام مش هتستحمل المطبات أكتر من كدة كتر خيرها لحد دلوقتى :)) و ساعة إعادة البيع ربنا يفرجها
انا اللى مخلينى أفكر فى ال Gen 2 الثبات و القوة و الشنطة ( مش مشكلة الشنطة بكرة تكبر فى السيريون :) )

أحمد مصطفى
مهندس برمجيات

[أبو عبدالله]

أهلا بك في المنتدى أولا
ثانيا هنيجي لحوض الماتور
أولا انا لا أعرف ما هو الخوف منه
يعني هل الخوف ده من تأثرك انت بالموضوع ده ولا تأثر العربيه به

لو الموضوع علشان امانك انت فانا أؤكدلك ان العربيه حاصلة على اربع نجوم في التصادم الأوروبي
وبذلك لما العربيه تكون حاصلة على اربع نجوم فده ليه معان كثيرة
أولا ان العربيه من أأمن العربيات المتواجده وفقا لمعايير الاختبارات الأوروبية
ولو لم أثق بها فبماذا اثق بعد اختبارات الأمان الأوروبية

ثانيا ان العربيه بما ان من داخلها لم يتأثر بهذه الدرجه فده معناه ن الماتور والكبوت عموما لم يتحركوا الى داخل الكابينة لأنهم لو تحركوا لكانوا دخلوا داخل الكابينة
وكانو أثروا على من بداخل السيارة وهذا لم يحدث في الاختبارات
لأن اي دخول الى الكابينة وتأثيرة على الركاب كان سيضعف من حصول اليبارة على نجوم امان تصل الى اربعة



ثانيا عن ثبات العربيه
فأنا أؤكدلك ان ثبات العربيه أكثر من رائع وملاحظ عند ركوبها


ثالثا عن العفشة
فالعفشة تعتبر جيده جدا وقريبة الى الكورولا


واي استفسار أنا وغيري موجودين وان شاء الله ترزق الخير وانصحك بكثرة الأستخارة
وربنا يوفقك ان شاء الله

[Ahmed-Moustafa]

جزاك الله خيراً كثيرا
انا كنت قلقان من موضوع حوض اموتور خوفاً على الخسائر عند أى تصادم ( لا قدر الله ) إنما من ناحية السلامة انا عجبانى اختبارات التصادم بتعتها بس شفت الموتور اتسحق و الناس بخير الحمد لله و فى الأول و فى الأخر قل لن يصيبنا إلا ما كتب الله لنا
و ما أصابك ما كان ليخطئك
وربنا يحفظنا و يحفظكم من أى مكروه
و شكرا على الرد و الإهتمام

[tawfi2]

أنهى أفضل..!!؟

طيب أستأذنك يا أ- ابو عبدالله... أنا عندى سؤال وياريت تفيدنى فيه.. لأنى بصراحة عايز أجيب زيرو الفترة اللى جاية دى ومحتار جدا جدا جدا جدا جدا...........
سؤالى هو ... أنهى عربية من الأتنين أفضل من حيث الثبات والصاج و أسعار قطع الغيار... السيريون ولا ال جين 2 ..!؟
(أنا بسأل السؤال ده لأنى بجد حبيت العربيتين دول جدا ومحتار بينهم ... وخصوصا ان الأتنين تقريبا نفس السعر.. الليريون ب 83.000 جم .... و الجين 2 ب 84.000 جم) .. وشكرا لسعه صدرك ..:)

[معاذ الشرباصى]

طيب أستأذنك يا أ- ابو عبدالله... أنا عندى سؤال وياريت تفيدنى فيه.. لأنى بصراحة عايز أجيب زيرو الفترة اللى جاية دى ومحتار جدا جدا جدا جدا جدا...........
سؤالى هو ... أنهى عربية من الأتنين أفضل من حيث الثبات والصاج و أسعار قطع الغيار... السيريون ولا ال جين 2 ..!؟
(أنا بسأل السؤال ده لأنى بجد حبيت العربيتين دول جدا ومحتار بينهم ... وخصوصا ان الأتنين تقريبا نفس السعر.. الليريون ب 83.000 جم .... و الجين 2 ب 84.000 جم) .. وشكرا لسعه صدرك ..:)

بالنسبة للاسئلة بتاعتك

الجين 2 صاجها اقوى, و ثباتها كمان , اما قطع الغيار فصراحة معرفش الفرق بينهم

لكن دى فئة و دى فئة تانية خالص

[Ahmed-Moustafa]

تقصد إيه يا استاذ معاذ بكلامك لكن دى فئة و دى فئة تانية خالص
أعتقد إن الفرق فى الشكل بس ( أعتقد برضو إن دى من المعلومات الغلط اللى عندى)
أرجو التوضيح و مش هاعتقد حاجة تانى خالص

[معاذ الشرباصى]

تقصد إيه يا استاذ معاذ بكلامك لكن دى فئة و دى فئة تانية خالص
أعتقد إن الفرق فى الشكل بس ( أعتقد برضو إن دى من المعلومات الغلط اللى عندى)
أرجو التوضيح و مش هاعتقد حاجة تانى خالص

بص يا سيدى, انا هحاول اعملك مقارنة بينهم, الكلام ده كله بناء على امتلاك السريون و امتلاك صديق عزيز لى الجين 2, و انا كنت معاه و هو بيشترى عربيته, و سقتها فترة كمان

اولا السريون عربية هاتشباك, اما الجين فهى Liftback (اقرب للسيدان)

فرق استهلاك البنزين بالنسبة للجين 2 الاتوماتيك و السريون ال 1500 اتوماتيك لصالح السريون

عفشة العربيتين جيدة جدا

الثبات لصالح الجين 2

قوة الصاج لصالح الجين 2

الشكل دى اذواق

التكييف مماثل تقريبا فى العربيتين

القعدة اريح فى السريون عن الجين 2

اماكن التخزين داخل الكابينة متعددة فى السريون, و شبه منعدمة فى الجين 2, لكن العكس بالنسبة للشنطة تماما

الجين 2 فيها حاجات مش موجودة فى السريون زى مثبت السرعة, حساسات الركن الخلفية, فوانيس امامية بموتور تتيح لك امكانية التحكم فى ارتفاع الضوء مع وجود فوانيس شبورة امامية و خلفية, بالاضافة للتحكم فى الراديو سىدى من الدركسيون

الضمان لصالح السريون 100 الف كم او 3 سنين, اما الجين 2 فهى 60 الف او 3 سنين
الاتنين اعادة سعر البيع بتاعهم مش عالى, و ان كان بدأ يعلى بالنسبة لهم هما الاتنين. لكن الجين 2 فى منها كتير كسر زيرو, اما السريون نادرا

التقفيل الداخلى للسريون احسن كتير عن الجين 2, سواء الفرش او الخامات الداخلية

السريون الاتوماتيك فى سلاسة فى ادائها, لكن الجين 2 ادائها بيبقى ضعيف جدا تحت RPM 3

لو فى حاجة تانية افتكرتها هبقى اكتبها :)

[OlaOsman]

بص يا سيدى, انا هحاول اعملك مقارنة بينهم, الكلام ده كله بناء على امتلاك السريون و امتلاك صديق عزيز لى الجين 2, و انا كنت معاه و هو بيشترى عربيته, و سقتها فترة كمان

اولا السريون عربية هاتشباك, اما الجين فهى Liftback (اقرب للسيدان)

فرق استهلاك البنزين بالنسبة للجين 2 الاتوماتيك و السريون ال 1500 اتوماتيك لصالح السريون

عفشة العربيتين جيدة جدا

الثبات لصالح الجين 2

قوة الصاج لصالح الجين 2

الشكل دى اذواق

التكييف مماثل تقريبا فى العربيتين

القعدة اريح فى السريون عن الجين 2

اماكن التخزين داخل الكابينة متعددة فى السريون, و شبه منعدمة فى الجين 2, لكن العكس بالنسبة للشنطة تماما

الجين 2 فيها حاجات مش موجودة فى السريون زى مثبت السرعة, حساسات الركن الخلفية, فوانيس امامية بموتور تتيح لك امكانية التحكم فى ارتفاع الضوء مع وجود فوانيس شبورة امامية و خلفية, بالاضافة للتحكم فى الراديو سىدى من الدركسيون

الضمان لصالح السريون 100 الف كم او 3 سنين, اما الجين 2 فهى 60 الف او 3 سنين
الاتنين اعادة سعر البيع بتاعهم مش عالى, و ان كان بدأ يعلى بالنسبة لهم هما الاتنين. لكن الجين 2 فى منها كتير كسر زيرو, اما السريون نادرا

التقفيل الداخلى للسريون احسن كتير عن الجين 2, سواء الفرش او الخامات الداخلية

السريون الاتوماتيك فى سلاسة فى ادائها, لكن الجين 2 ادائها بيبقى ضعيف جدا تحت RPM 3

لو فى حاجة تانية افتكرتها هبقى اكتبها :)

كده يفضل التوكيل :)

[معاذ الشرباصى]

كده يفضل التوكيل :)

انا تعمدت مكتبش حاجة عن التوكيل لأنى مجربتش الاتنين

انا بس رحت مرة فى صيانة الالف لوكيل دايهاتسو, لكن مستنى بعد حوالى اسبوعين هروح اعمل صيانة ال 5 الاف, و ساعتها اقدر اقول حاجة او احكم على وكيل دايهاتسو

اما وكيل بروتون, صاحبى رايح بكره و هنشوف ايه الاخبار

[Ahmed-Moustafa]

ألف شكر يا أستاذ معاذ بس انت ماسبتش حاجة لحد بعدك علشان يقولها كالعادة دايماً
جزاك الله خيراً
و لو افتكرت حاجة ماتبخلش علينا بيها

[معاذ الشرباصى]

ألف شكر يا أستاذ معاذ بس انت ماسبتش حاجة لحد بعدك علشان يقولها كالعادة دايماً
جزاك الله خيراً
و لو افتكرت حاجة ماتبخلش علينا بيها

الله يخليك

بس عموما العربيات اذواق

يعنى مخفيش عليك انا لما كنت بفكر فى العربية كانت الجين 2 فى الاختيارات, لكن انا ارتحت للسريون, خاصة انى بحب جدا العربيات الهاتشباك

اما صاحبى فأختار الجين 2, يعنى هى مسألة ارتياح شخصى و حسب احتياجات كل شخص

ربنا يوفقك فى اختيار العربية المناسبة لك, و تبقى راضى عنها و مستريح لها

[Ahmed-Moustafa]

أنا هروح التوكيل و اشوف بنفسى

الله يخليك

بس عموما العربيات اذواق

يعنى مخفيش عليك انا لما كنت بفكر فى العربية كانت الجين 2 فى الاختيارات, لكن انا ارتحت للسريون, خاصة انى بحب جدا العربيات الهاتشباك

اما صاحبى فأختار الجين 2, يعنى هى مسألة ارتياح شخصى و حسب احتياجات كل شخص

ربنا يوفقك فى اختيار العربية المناسبة لك, و تبقى راضى عنها و مستريح لها

اشكرك يا استاذ معاذ انت دايما متعاون و مش بتمل من كتر استفسارات المبتدئيين أمثالى وعلى فكرة أنا أو لمرة أشارك فى أى منتدى كنت دايما باقرأ الموضوعات بس لكن حست بعد مشركتى إنى بحكى مع أصدقائى اللى ماعرفش منهم حد
بس أنا قررت أجرب الثنين على الطبيعة الأول قبل ما أقرر علشان مش بحب أحمل أى حد مسؤلية قرار أنا اللى قررته :) و إن شاء الله هروح التوكيل برضو و اسأل الناس اللى بتعمل صيانة هناك علشان انا مش كل يوم هغير عربية ( على فكرة أنا مافهمتش يعنى إيه كسرت الزيرو :o)
و جزاك الله خيراً كثيرا

[tawfi2]

أ/ معاذ ... بجد جزاك الله كل خير ... الله يريحك زى ماريحت قلبى :) وشكرا ع الرد الرائع الحيادى... أنا بس مستنى منك رأيك أو تقييمك لتوكيل ال جين 2 عز العرب ... وشكرا للمرة المليون .. :)