كومبرسور تكييف السيريون

[eng_maged]

السلام عليكم
حابب احكلكوا قصتي مع كمبروسر العربيه بتاعتي لتعم الفائده

التكييف عندي في السيريون كان فيه صوت زنه واضح اوي وانا كنت مكبر ومش في دماغي وشويه شويه الصوت بقى اعلى وصوت الزنه اصبح عالي جدا

وفي الصيانه في التوكيل قالولي هنغير الكمبروسر والكلتش بتاعه تبع الضمان وفعلا غيروها

المفاجئه بقه كانت سعر الكمبروسر اللي في الفاتوره - طبعا انا مدفعتش عشان الضمان
بس السعر خطني شويه - سعر قطع الغيار 13.700 جنيه غير الضريبه والمصنعيه يعني توتال اكتر من 15.000 جنيه مصري

ياريت بقه كل واحد يخلي باله من تكييفه بعد السعر اللي شفته ده

[mohamed_rhem]

شغل توكيل

لو عايز نص عربية كاملة بالموتور والايرباج بالتابلوه وكل حاجه من الاكصدام للعفشة للكاوتش

ب 15 الف

[Mezox]

لو معاك الفتوره ممكن ترفع صورة

دي كده مصيبة ، انا الضمان خلص و لاحظت الزنه من كام يوم بتروح و تيجي

[medo_sirion]

الحمدالله والف مبروك وخد بالك انك بتاخد ضمان على القطعة

[GMakram]

انا برضو اتصدمت فى اسعار التوكيل,عربيتى فى التوكيل بقالها فتره علشان بصلح كم خبطه فيها,عندى خبطه فى الاكصدام قدام وفى الشنطه كمان مفعوصه,اتخضيت لما عرفت ان الحجات دى هتتكلف اكتر من 10,000 جنيه,هيغيروا الشنطه بالكامل والاكصدام وفانوس قدام يمين (مع انه سليم بالكامل مفيهوش خدش بس المشكله ان الاكصدام بيتسبت فيه من جوه) وشويه شغل سمكره فى الرفرف,لما سمعت ارقم قلت الحمدلله انى عندى تأمين

تحياتى

[eng_maged]

الحمدالله والف مبروك وخد بالك انك بتاخد ضمان على القطعة

وانا لازم اعمل حاجه معينه عشان اخد الضمان ده ولا هو بيشتغل اتوماتيكلي

[أبو عبدالله]

انا برضو اتصدمت فى اسعار التوكيل,عربيتى فى التوكيل بقالها فتره علشان بصلح كم خبطه فيها,عندى خبطه فى الاكصدام قدام وفى الشنطه كمان مفعوصه,اتخضيت لما عرفت ان الحجات دى هتتكلف اكتر من 10,000 جنيه,هيغيروا الشنطه بالكامل والاكصدام وفانوس قدام يمين (مع انه سليم بالكامل مفيهوش خدش بس المشكله ان الاكصدام بيتسبت فيه من جوه) وشويه شغل سمكره فى الرفرف,لما سمعت ارقم قلت الحمدلله انى عندى تأمين

تحياتى

الأكصدام مالوش علاقة بالفانوس نهائي
كل ما في الأمر انك لما بتشيل الأكصدام بيبقى فيه مسمار ماسك الفانوس تحت الأكصدام فقط
هو اكيد الفانوس ظاهريا سليم ولكن ممكن هتلاقيه فيه كسر من جوه او في قواعده وطبعا الوكيل في اي حته لا يصلح حجات زي كده يعني مسألة انك تلحم الحته المكسورة والكلام ده مش بيتعمل في التوكيلات

[medo_sirion]

وانا لازم اعمل حاجه معينه عشان اخد الضمان ده ولا هو بيشتغل اتوماتيكلي

لازم يتكتبلك فى كتيب الضمان انك غيرت حاجة وعليها ضمان لمدة كذا
او تتاكد انها اتحطت على السيستم عندهم

[aliabutaleb]

الله يستر
هو الكمبريسور ده بيتباع برة التوكيل؟

[askoda]

I Faced the same Problem and changed it within the warranty

Now i want to know the price of this Compressor and clutch outside eltawkeel

[أبو عبدالله]

يا جماعه بلاش خوف
الخوف ان اللي غيرها قبل كده رجعت عنده تاني
اما غير كده اللي محصلوش مشكلة ان شاء الله مش هيكون فيها مشكلة بإذن الله