علبة دركسيون السريون

[أبو عبدالله]

هي متغيرة طبعا .. و أهم تعديل فيها معدل الخمد و الصلابه لسوسته بستم المشرشر ( أسف بس ملهاش أسم تاني )
the damping and stifness for the rack adjusting piston spring.

المشكله أساسا أن الاهتزاز بتاع المشرشر بيعمل مع المطبات أهتزاز بيساوي التردد الطبيعي له بيخليه يعمل صدى في جسم العلبة و يطلع الصوت. هما غيرو السوسته و البستم بتاعها.

The basic issue that the steering rack is vibrating on bumpy roads with a near frequency for its natural frequency which lead to resonance and generating for this knocking noise.

و غير كدا هما قللوا الخلوصات و خامات الجلب عشان يقللو الاهتزاز بتاعها . و حسب أخر تقرير فني و بعد التجربه في العربيات لمدة 9 شهور .. انا شبه متأكد أن ده حلها النهائي . :)

الجديد في سريون 2012 معرفش عنه حاجه الصراحه ... عارف أني أحبطتك بس الموديل الجديد لسه منزلشي الستوك يارد .. و طبعا التسويق و المبيعات مكتمين :) ..

و شكرا على وقتكم ..
مصطفى شريف

لأا عادي والله
جزاك الله كل خير
انا بس عاوز اتابع معاك العلبة الجديده واعرف اخبارها ايه من خلال التجربة
انت شايف ان هناك فارق ملحوظ ولا عادي مش فارق كتير
يعني تستاهل ان الواحد يغيرها

اخيرا رجاء ارسال رقم موبايلك لأنه ضاع من عندي للأسف
وجزاك الله كل خير يا بشمهندس

[M.Mosaad]

تجربتي مع مركز ابورواش في تغيير علبة الدركسيون

انا كنت حاجز علي السبت الساعة 9 صباحا

والاولاد قرروا يجوا معايا وطبعا عطلوني

وصلت المركز الساعة 10:30

بعد معادي بساعة ونص

قولت للموظفه بتاعة الاستقبال اني متأخر عن الميعاد قالت مفيش مشكلة

طلعت فوق انا والاولاد طبعا هما حافظين المكان اكتر مني

ودقائق واتصال في مكبرات الصوت بضرورة حضوري لمهندس الاستقبال

استلم العربية زي اي صيانه عادي جدا

طلبت منه زي ما ابوعبدالله قال رقم السريال القديم والجيد وقال حاضر لما نخلص

طلبت منه اني اشوف العلبة

قال زي القديمة من برا انما التعديل من جوا وان العلبة من اول 2012 مفيهاش مشاكل

ودخلت العربية واتصرفت ليها العلبة

نزلت شوفتها حاجه كده زي بار طويل وفي اخره كاوتشات زي بتوع الكبالن

المهم المهندس كان قايل انها حتخلص علي الساعة 4

قعدت اقرأ الجرايد وساعت كده ببص ليت الفني بيقفل العربية

وخرجت تتجرب ودقائق رجعت تاني

ادور عليها لاقتها بيظبطوا زوايا

وخرجت تتجرب ودقائق رجعت تاني مرة

دخلت تتغسل برا وجوا

سألت المهندس عن السريال قال القديم مش باين والجيد مش عندي

شكله قال لمدير المركز ورفض

انطباعي عن التغيير

طبعا الصوت انتهي ومعدش في تخبيط

الحمد لله مفيش تقل زي ما بعض الاعضاء اشتكوا

طبعا الزوايا رجعت زا ما كانت مفيش مشاكل

الحمد لله العربية فرقت جامد ورجعت كأنها جديدة

ربنا يسهل وتطلع احسن من الموديل اللي قبله

الف مبروك علي التغيير و ان شاء الله تفضل كويسة

انا غيرتها من حوالي 3 شهور و للاسف الصوت رجع تاني و اعتقد محتاجة تتغير تاني لكن هي فعلا بتفرق كتير و بتحس ان العربيه جديدة انا الضمان عندي خلص هروح و اشوف هيتصرفوا ازاي لانهم قالوا ان لو الضمان خلص بيرفعوا الموضوع للشركه الام

[mohmmed_yuosse]

هوا انا بعد ما غيرتها و بعد تجربة حوالي شهر و نص الصوت راح و الباور تقل شوية بس العفشة لسة نشفة بحس بالمطبات و النقر زي الاول

[me_medoo]

طيب ياترى علبة الدريكيسون برى الضمان عمله كام ؟
ولو التوكيل رفض يغيرها أروح لجمعية حماية المستهلك ... ولا أروح لربنا وأدعي عليهم؟