تقييم الماتريا

[modykh]

يعني الاضاءة مش شغاله خالص
ولا بتشتغل مع النور الصغير مثلا ؟؟؟

انا بالتكلم عن ال ILLUMINATOR مش الاضاءة الداخلية, الاضاءة الداخلية شغالة كلها 3 كشافات انما ال ILLUMINATOR مش نازل في مصر لا هو ولا مزيل الثلج للزجاج الامامي و لا مفتاح غلق ال AIR BAG

[ابو سيف]

عادةً اللي قاعد ورا بيحس بالتكييف افضل من الامام أو على الاقل زيه

ازاي اللى قاعد ورا بيحس بالتكييف احسن من اللى قاعد اودام !!!!!!!!

[أبو عبدالله]

يا ابو سيف اي تكييف حتى لو بتاع البيت طول ما المكان مغلق
بيبقى دائما الهواء مركز على اخر المكان الللي بيصد الهواء بتاع التكييف

فلما بتشغل التكييف على سرعه عاليه دائما بيرمي الهوا بتاعه على اخر العربيه
فبيبقى تأثيره واضح قوي في الخلف عن الامام لأنه زي ما تقول بيتراكم في الخلف اكتر من الامام
فالراكب الخلفي بيحس به اكتر من الراكب الامامي

[ابو سيف]

يا ابو سيف اي تكييف حتى لو بتاع البيت طول ما المكان مغلق
بيبقى دائما الهواء مركز على اخر المكان الللي بيصد الهواء بتاع التكييف

فلما بتشغل التكييف على سرعه عاليه دائما بيرمي الهوا بتاعه على اخر العربيه
فبيبقى تأثيره واضح قوي في الخلف عن الامام لأنه زي ما تقول بيتراكم في الخلف اكتر من الامام
فالراكب الخلفي بيحس به اكتر من الراكب الامامي

اصل انا بوجهه المراوح على وشي عدل فعشان كدة اكيد بحس بيه اكتر من اللى ورا :p

شكرا على التوضيح يا ابو عبد الله :o

[Moh.Abdelbaset]

شكرا على التقييم الجميل ده
تسلم ايدك
وربنا يباركلك فيها

[outosend]

ربنا يباركلك فيها ان شاء الله ومنتظرين منك اى ملاحظات جديده ان شاء الله
ومعلش ليا سؤال العربيه اخبارها ايه لما بيركب فيها 4 مثلا ؟ العزم بيفرق كتير ولا العادى؟
وياريت تقولنا انت ركبت الانذار فى التوكيل ولا بره وكلفك كام؟
وشكرا

[outosend]

[
4- التكييف, هل تأثيره ملحوظ على السحب
التكييف مش قوي قوي زي التويوتا و بيقلل السحب حوالي من 5-7 %

انا معجب قوى بالتحديد الدقيق من 5% الى 7% :)

يعنى نقدر نقول مش ملحوظ ولا ايه؟

[Dr_Smart]

شكرا عالتقييم وربنا يباركلك فيها

وليه ال illuminator مش نازل مصر !

لازم كده أي عربية في مصر تلاقي فيها اوبشنز متشاله !!

[Ahmad Allawy]

عشان السعر و الجمارك يا باشا..
كل ما الاوبشنز بتقل بيقل جمرك العربية..و بيزيد مكسب التاجر.. و يا سلام لو ركب هو الاوبشنز دي هنا زي هيونداي.. اوبشنز تعبانة يعني زيها زي اللي هتركبها في الشارع برة.. و مش بيركبوها صح كمان.. بيبقي فيها مشاكل..و التوكيل بيسرق بيها فلوس للصبح..

[modykh]

[
4- التكييف, هل تأثيره ملحوظ على السحب
التكييف مش قوي قوي زي التويوتا و بيقلل السحب حوالي من 5-7 %

انا معجب قوى بالتحديد الدقيق من 5% الى 7% :)

يعنى نقدر نقول مش ملحوظ ولا ايه؟

طبعا تأثيره ملحوظ يعني مثلا 7% تخليك تحس ان العربية 1400 مش 1500

و ده يقلل السحب برضه يعني بدل ماتجيب 60 كم في 4 ثواني تجيبهم في 6

[Migo123]

طبعا تأثيره ملحوظ يعني مثلا 7% تخليك تحس ان العربية 1400 مش 1500

و ده يقلل السحب برضه يعني بدل ماتجيب 60 كم في 4 ثواني تجيبهم في 6

ايه الاخبار يا باشا
خلصت التليين ولا لسه
و صيانه ال 1000
والاكسسوار
عايزين وصف تفصيلي بقه
احنا ما صدقنا حد جاب الماتيرا

[todolist]

ألف مبروك على العربية و بجد العربية دى جميلة من وجهة نظرى ونفسى أشتريها بس خايف من شوية حاجات:
- رأى الناس فيها
- الزهق من شكلها بعد فترة من الوقت
- سعر إعادة البيع
- كلام حضرتك عن التكييف

يا ريت حضرتك تقولى كيف تقبلها الناس إللى حواليك وأصحابك - هل بدأت تمل من شكلها - هل التكييف جيد خصوصا ان الحر أبتدى - هل ندمت على قرار الشراء أم لا

[Ahmad Allawy]

العربية دي انا شوفتها في المعرض اللي فات ده..
اوتوماك اخبار اليوم..
طبعا ممشيتش بيها ولا دورتها حتي..
بس انا عندي كام تعليق كده علي التصيمم الداخلي
وعلي حاجة كده تخصها خارجيا..
بالنسبة لداخليا..
العربية شكلها تقفيلها نضيف فعلا.. بس العدادات في النص و مربعه.. شكلها منتقد جدا في نظري..
برضه الفتيس المانيوال العصاية طويلة جدااااااااااااا و مش مريحة خالص..
مشوفتش الاوتو بصراحة..
اما بالنسبة لخارجيا..
العربية واضح عليها انها ضعيفة جدا..
و بيبان كده حتي من صوت قفلة الباب بتاعها..

ده رأي سطحي اي نعم.. بس اكيد لو جربتها سواقة هاقولكم انطباعي..

[king_de_egypt]

حد ينصحنى بجد عشان انا تعبت من الهيونداى اكسنت اللى معايا اجيب ماتيريا وعلى ضمانتكو وله ايه ؟؟؟ رايكو

[todolist]

العربية وهم من جوة بس ما جربتهاش