سؤال عايز اشترى تريوس س اني نوع ؟؟؟

[haly]

السلام عليكم
بصراحه يا جماعة انا مش خبير عربيات بفكر اجيب تريوس جديدة عجبني شكلها وحاسس انها تنفع شوارع مصر دخلت موقع كونتكت كار لاقيت خمس انواع للعربية التريوس بصراحه مش فاهم اى الفرق وهل مش كلهم 4*4 واني احسن نوع فيهم ياريت حد فاهم يفهمني ايه الفرق بين كل انواع التريوس دى

[MohssenRashed]

انا لما كنت بجيب في 2007 كان في 4 فئات:

1- 2*4 مانيوال
2- 2*4 اوتو
3- 4*4 مانيوال
4- 4*4 اوتو ( و دي اللي معايا).

العربيه كويسه و عاليه بس عفشتها نشفه شويه. توكيل محترم جدا

الثبات كويس لحد 120 -130 تكيف جامد جدااااااااااا

لو انت بتسافر كتير مش مريحه اوي في السفر هيه تعتبر عربيه مدينه اكتر.

انا بصت دلوقتي على كوناكت لقيت ان كل الفئات اوتو معرفش ازاي بصراحة.

[haly]

شكرا لردك يا غالي
بس شكل العربية علي 2*4 اعتقد حيكون مش منطقي من ناحية القوة
وبخصوص السفر ازاى عربية 4*4 ومش مريحة في السفر ممكن توضيح اكتر

[MohssenRashed]

العفشه ناشفة و السفر بيبقى محتاج حاجه مريحه و ثابتة.

[Imhotep]

السعر بيتدرج حسب الكماليات و اذا كانت 2*4 و لا 4*4.... حسب ميزانيتك و اللى انت عاوزه فى العربية..... العربية كويسة و تاخد 8/10 و انا بالنسبالى فى السفر مش متعبة باخدذ بيها مشوار الساحل حوالى 260 كيلو شوط واحد

[د.محمود صلاح]

فئة gxr ب 140 تقريبا دفع ثنائي جميع المكاليات مرايات كهرباء مفتاح مشفر تكييف بكر طارة مالتي جنوط وروف راك ايرباج وفرامل مانعة للإنغلاق

فئة vxr اعلى فئة ب 150 الف تكييف تاتش بالإضافة للسابق .

صيانة وقطع غيار زي أي عربية حديثة تقريبا و استهلاب بنزين اعلى من العربيات العادية بسبب العلو وعرض الكاويتش والدفع الرباعي

مافيهاش عداد حرارة زي الموضة بتاعة الأيام دي

ثمن الكارونة 16 الف جنيه فحافظ عليها من الحوادث والمطبات او امنعليها تامين شامل

[tamohsen]

طب سؤال ايه الفرق مابين انواع الموديلات الاوتو 4x2 ?
ايه اللي بيزيد في كل نوع؟

[Imhotep]

طب سؤال ايه الفرق مابين انواع الموديلات الاوتو 4x2 ?
ايه اللي بيزيد في كل نوع؟

التفاصيل الرفيعة دى يفيدك فيها الناس بتوع الكول سنتر لانهم حافظينها كلمهم على 16168