ماتيريا للبيع

[معاذ الشرباصى]

هاغير حاجات زى ايه؟

على ال 40 الف كانت صيانة كبيرة شوية, اقل حاجة كانت السيور, عندك البوجيهات كل 20 الف تقريبا, و الفرامل لو هو مكنش غيرها (اكيد هتغيرها قبل ال 40 الف كمان)

[Ahmad Allawy]

عندك سير الكاتينة مثلا هيكون غالي و طلمبة المية..
غالبا دول بيتغيروا مع بعض..

[outosend]

سير الكاتينه فى الماتيريا زى الالنترا جنزير او حديد مااعتقدش هايتغير بسرعه كده
وهل طلمبه الميه من الحاجات اللى بتتغير فى الصيانه الدوريه؟
ياريت تصححولى معلوماتى

[Ahmad Allawy]

لأ لو حديد يبقي مش بيتغير في فترات قصيرة كده..
بس طلمبة المية اكيد بتتغير في الصيانات..
بس برضه اتأكد من حد معاه ديهاتسو و يشوف و يتأكد ليك م التوكيل..

[OlaOsman]

بجد معنديش مانع او حد يقبل يبدل معايا !!

يبدل معاكي ايه يا نهى؟ الماتيريا بالسيراتو؟؟ مش انتي كنتي بدأتي تحبيها و عايزة تباتي فيها كمان؟ :)

مالكوا يا جماعة؟ بتغيروا رأيكوا بسرعة كده ليه؟ و انت يا عم علي ما تصبر بأه على ما تستلم السيريون ما تخيلناش معاك

[aliabutaleb]

و انت يا عم علي ما تصبر بأه على ما تستلم السيريون ما تخيلناش معاك

حاضر

[أبو عبدالله]

سير الكاتينه جنزير يا جماعه

وطلمبة الميه مش بتغير دلوقتي خالص هيا بلاستيك ولا ايه

والبوجيهات يا معاذ مش 20 الف دي على الـ 40 الف وعليك خير

يعني من الاخر في الأربعين مش هيبقى حاجات كتير يعني

[Noha.M]

يبدل معاكي ايه يا نهى؟ الماتيريا بالسيراتو؟؟ مش انتي كنتي بدأتي تحبيها و عايزة تباتي فيها كمان؟ :)

مالكوا يا جماعة؟ بتغيروا رأيكوا بسرعة كده ليه؟ و انت يا عم علي ما تصبر بأه على ما تستلم السيريون ما تخيلناش معاك

لا الماتيريا حاجة تانية يا علااا

بجد والله انا بموووت فيها ة لا تفارن عندي بال BMW حتى

[outosend]

شكرا على التوضيح ياابوعبد الله انا برده قولت جوايا يعنى العربيات القديمه مش بنغير طلمبه الميه الا كل زمن والجديد بسرعه كده :)

على اى حال لو حد يعرف يجيب جدول الصيانات بتكلفتها طبعا من التوكيل يبقى مشكور

[Ahmad Allawy]

يا جماعه اعذروني اني قولت المعلومة دي مع كونها لا تنطبق علي كل العربيات..
بس اللي حاصل ان في كتالوجات عربيات جنرال موتورز.. بينصح بتغيير سير الكاتينة
و طلمبة المية معاه حتي في حالة انها تكون شغالة تمام و مش فيها مشاكل..كل 40 الي 50 الف كم.. عشان متتحطش في موقف يخلي الواحد يندم بعد كده..
جايز الموضوع عندكم مختلف بقي.. عموما اسألوا في التوكيل و شوفوا بتتغير كل قد ايه..

[محمد ابراهيم 1]

ايه المشكلة ان واحد بيبيع عربيته
ما الناس اشكال والوان وظروف مختلفه

والله اعلم بظروفه واحواله ايه

ما كان فيه واحده مره بتبيع سيريون وكنت بشوفها لواحد معرفه
فقالتلي انها محتاجه الفلوس ضروري
فالله اعلم يعني

+11111111111

[محمد ابراهيم 1]

لا الماتيريا حاجة تانية يا علااا

بجد والله انا بموووت فيها ة لا تفارن عندي بال BMW حتى

مش قوى كده

دى شكلها عره جدا جدا ومسمينها عربيه الكشرى
وناس مسمينها تحت الطلب
وناس مسمينها التابوت
وناس بتقول عليها شكلها كويس بس فئه نادره شويه
وأنا أعتقد إن رغم إن الشكل ده أزواق لكن فى نوع من شبه الإجماع على إن شكلها وحش

[Ahmad Allawy]

مش قوى كده

دى شكلها عره جدا جدا ومسمينها عربيه الكشرى
وناس مسمينها تحت الطلب
وناس مسمينها التابوت
وناس بتقول عليها شكلها كويس بس فئه نادره شويه
وأنا أعتقد إن رغم إن الشكل ده أزواق لكن فى نوع من شبه الإجماع على إن شكلها وحش

بالراحة بس يا باشا علي البنية.. :) :)..
بس بصراحة ضحكت جدا من كلامك.. بس الناس اذواق و كل واحد حر في زوقه..
و الحكمة بتقولك لولا اخنلاف الاذزاق لبارت السلع..

[outosend]

مش قوى كده

دى شكلها عره جدا جدا ومسمينها عربيه الكشرى
وناس مسمينها تحت الطلب
وناس مسمينها التابوت
وناس بتقول عليها شكلها كويس بس فئه نادره شويه
وأنا أعتقد إن رغم إن الشكل ده أزواق لكن فى نوع من شبه الإجماع على إن شكلها وحش

شىء طبيعى انت عايزها تعجب واحد متعود يقف ياكل كشرى على عربيه فى الشارع :biggrinjester:

[محمد ابراهيم 1]

شىء طبيعى انت عايزها تعجب واحد متعود يقف ياكل كشرى على عربيه فى الشارع :biggrinjester:

هو إنت لازم تكون بتاكل كشرى على عربيه فى الشارع عشان تعرف شكل عربيه الكشرى

على كده يبقى لازم تكون مت قبل كده عشان تعرف شكل تحت الطلب