أرجو الأفادة العاجلة ولكم جزيل الشكر

[ramymechanics]

انا عاوز اشترى عربية أوتوماتيك للمدام (هيبقى استعمالها قليل) و يكون سعرها بسيط
بعد البحث محتار بين اتنين :

1- الدايهاتسو ميرا موديلات من 92 ل 2000
2- الشاريد من 92 ل 2000 بردو

أرجوكم لو حد يقدر يعمل مقارنة سريعه بينهم من حيث الامكانيات وتوفر قطع الغيار .. أنا الصراحه عاوز عربية اعطالها قليلة عشان متقفش بيها فى الشارع وانا اضطر اروح اجيبها

شكرا جزيلا

[mohamed_rhem]

حضرتك الميرا 92 غير الميرا 2000 خالص

طبعا لو حتشتري اشتري 2000 طبعا

الديهاتسو شاريد في منه لحد 95 وده شكلين سيدان وهاتشباك

وفي الشكل بتاع 97 وده احسن طبعا ومفيش منها غير سيدان

اما بخصوص توافر قطع الغيار والاعتمادية الشاريد اقوي واوسع

ولو العربية استعمال بسيط فالميرا حتبقي اقتصادية لكن علي حساب الكماليات

[ramymechanics]

@ mohamed_rhem:

شكرا على ردك الوافى ... انا فعلا فكرت فى الشاريد اكتر خصوصا ان فيه منها 1300 cc بس لقيت فى معظم الاعلانات سعرها أقل من الميرا موديل 2000 ودى حاجه غريبة شوية ... بس انا فعلا قررت انشاء الله اجيب الشاريد ..... شكرا لردك والمساعده وجزاك الله خيرا

[mohamed_rhem]

لا شكر علي واجب

وانصحك بالاستخارة اولا

ولا تنسي استشارة احد الخبراء عند الشراء

انا شخصيا اثق في المهندس سيد الفراش بالحرفيين

ممكن يكشفلك عليها هو عنده مركز متخصص في الديهاتسو