انا في التوكيل... حد عايز حاجة؟؟

[m10_10]

انا يا جماعه في التوكيل دلوقتي وبعد الكشف عالعربيه لاقيت ان المشكله كلها في ان التكييف مش مشحون كويس...

سألت المهندس هناك عالخنقه اللي بتحصل في العربيه وانا مشغل التكييف قالي دي طبيعه العربيه عشان الترموستات لما بتشتغل بتاخد من الكهربا بتاعه العربيه ... ولو ان الحكايه دي خنقاني جدا بس كلام الراجل مقنع...

الراجل اكدلي ان العربيه زي الفل وصوت العربيه عادي جدا - اصل انا كنت شاكك في صوتها عالي شويه- واللي هايعمله هايوطيلي الدبرياج عشان كانت كل شويه بتبطل مني كتير ...

علي فكرة:
سالت عالمهندس احمد عبد الوهاب مالقيتهوش (الفقري فقري)

لو حد عايز يسال علي حاجه قولولي يا جماعه...

[eng_ah_xxxx]

ياريت السؤال على الونة التى عندى سيريون 1.5 أوتوماتك (600 كم) هى تقريباً قريبة من الونة التى فى المانيوال ,انا سمعتها بالأمس فى توكيل الأسكندرية فى سيارة 1300 أوتوماتك (7000كم) لكن منخفضة قليلاً عنى أظن فرق تحميل حجم الموتوريين
أنا أسمعها ونة متوسطة الأرتفاع وأنا قافل الزجاج بوضوح أكثر, من 80 فيما طالع ولكن أكثر حتى 100 ,عندما أشيل رجلى من على البنزين أو أدوس بشكل ضعيف (بمعنى أصح فى الراجع عند التحميل) ولكن عندما أكون أزود السرعة أو أثبتها لا تظهر
وشكراً لك

[m10_10]

ياريت السؤال على الونة التى عندى سيريون 1.5 أوتوماتك (600 كم) هى تقريباً قريبة من الونة التى فى المانيوال ,انا سمعتها بالأمس فى توكيل الأسكندرية فى سيارة 1300 أوتوماتك (7000كم) لكن منخفضة قليلاً عنى أظن فرق تحميل حجم الموتوريين
أنا أسمعها ونة متوسطة الأرتفاع وأنا قافل الزجاج بوضوح أكثر, من 80 فيما طالع ولكن أكثر حتى 100 ,عندما أشيل رجلى من على البنزين أو أدوس بشكل ضعيف (بمعنى أصح فى الراجع عند التحميل) ولكن عندما أكون أزود السرعة أو أثبتها لا تظهر
وشكراً لك

الونه ياباشا بيقولولي هو دة صوت موتور العربيه والونه دي طبيعه عشان دي طبيعه الفتيس بتاعها...

وعلي حسب الكلام برضه للتاكد هاتها عشان هم بنفسهم واحد منهم يسوقها يسمع الصوت ويقولولك ايه الحكايه ...

عموما هاسالهم تاني واتاكد ان كلامهم عالاوتوماتيك...

[eng_ah_xxxx]

أنا متشكر جداً لك وياريت تحاول تسألهم تانى وانا اسف على الأزعاج (ولا تنسى ان تقول لهم اننى سمعت فى سيارة اخرى 1300)

[eng_ah_xxxx]

نسيت أن أقول أن الونه صوتها أقل قليلاً فى 1300 عن 1500 أحتمال حجم الموتور فارق ولكن نفس الصوت وتوقيتة

[m10_10]

بص ياباشا...

انا سالت الراجل تاني بس قالي برضه خليه يجبهالي نعملها صيانه الالف وهانشوفها قلتله هيا لسه ماكملتش قالي مش مشكله احنا كدة كدة في صيانه الالف مش بنعمل حاجه احنا بس بنشيك عالعربيه بس...

[eng_ah_xxxx]

أنا فعلاً متشكر جداً لك ,سوف أنظم وقتى وأذهب للقاهرة قريباً لأنى من الأسكندرية وأن شاء الله يكون خير